نيران على وشك ألانطفاء

البارت العشرون

'' نيران على وشك الانطفاء ''

للكاتبه زهراء المياحي

~'~'~'~'~'~'~'~'~'

همام؛ أنتي طالك

طيبه؛ يوسف عافنا وطلع من الصاله بسرعه نهزم صادق راح وره وهمام طب للغرفه رگع الباب؛ فزيت بقيت مجمده بمكاني ما أعرف شسوي؟ قربت من باب الغرفه دگيت الباب مقفول حجيت بضياع؛ ه همامم افتح الباب افتحه ؛ أجاني صوته يصرخ

همام؛ انتتتتتتتي طالك؛ بس اطلع من الغرفه ما اشوفج لا احطج وابسسسسسطج واسحلج بيت اهلج عااااااار

طيبه؛ أريد احجي نعگد لساني؛ دموعي تصب حطيت ايدي على وجهي؛ اخذت نفس صدگت ب اخوك عفيه افتح الباب اتوسلك افتحه شلون تصدگ بي؟ أنت بنفسك متثق بي ؛ ليش ينگلب كلشي ضدي ؛ زين افتح اخذ ملابسي أريد اتفاهم وياك حباب احلفك بروح امك عليك الزهره افتح الباب
ماكو رد؛ أسمع تكسر جوه الغرفه شهگت تراجعت ليوره

_شلون صدك شلون صددددددك أني اخونه؟
هيج بسرعه اكيد ميريدني يريد الزله يخلص مني
كعدت وره الباب ساعه بس ابجي اتوسل بي يفتحلي الباب ماكدر ارجع لبيت اهلي اتوسلك اطلع افهمك اخوك ديتحارش بيه أكثر من مره وبكل مره تصير مشكله وما احجي ؛ صدك مجان قصدي اگول هيج صدكني ؛ ماكو رد منه

_كمت على حيلي مهزومه متعوبه عاجزه ؛ إذا ارجع لبيت اهلي هسه وحدي بدون حتى ملابسي ابرر لامي ولبيبي ؛ همام طردني من البيت لأن شگ بيه اخونه وي حماي يوسف الجان طابگ جسمه على جسمي وعبالك أني راضيه بالوضع وسمع اخو يگول هسه يسافر همام ونخلص منه!! واكعد احلف كله جذب وبس سوء تفاهم لا أكثر ولا غير
واصلا حماي يتحارش بيه وماد ايده علي وضاربني  شاشرح قبل لا اتنفس وحده منهن تموت بين ايدي والله يموتن تشفعلي صلاتي كدامهم راح يشفقون علي من يشوفوني منهاره وابجي محد يوكف وياي  ويوسف يشرد

_ طفت الدنيا بعيني؛ گعدت بره الغرفه ساعتين انتظره بس اجتي علي ريم تباوعلي وزعلانه

ريم؛ باعي رجعي للبيت ومن يصير هادي نحجي وياه لأن صدكي بس يطلع هسه يضربج ويطردج لاتبقين هنا ياله دنيا عصر رجعي لبيتج احسن اتصل عليج لحظه تلفونج بالغرفه أني ورافد نجيبه الج
وإذا امج سئلت گوليلها رجلي تعاركت وياه وطردته وبس

طيبه؛ دخلت للمطبخ الهث؛ اباوع منا ومنا خطرت بالي فكره متخطر على بال كافر بلحظه وثانيه تشتت كل تفكيري ما عاد اصبر بعد على حياتي أني انتهيت طيبه ماتت من زمان محد راح يصدكها لأن هي بلا سند وهاي العائله تظلم ماتطلع خير
اخذت الجداحه وامشي بلا أي وعي مني 
صوت صياحهم وأتهامهم إلي أكبر غلط أخذوا بحياتهم  أجتي هي وكفت بوجهي تصيح عفتها ورحت لگراچ السيارات أخذت دبه بانزين

_طيبه صحي على نفسج شراح تسوين صوت بداخلي يأمرني أتراجع بس أصوات صياحهم و أصابع الاتهام علي زادت من أصراري ما أتراجع
صبيتها علىٰ رأسي أختنكت سديت حلكي مع ذالك شي بسيط تسرب لحلكي
صدري ينخفض و يرتفع وجودي او رحيلي يمهم
ما رأح يفرق شي موتي أفضل