عم صابر: إحنا نسمع رأيي العروسه
ساره بهدوء وتفكير: أنا مواقفه وعايزه نعجل بكتب الكتاب علشان ميكونش حرام
احمد بذهول: يا بنتي لو عايزه تفكري قولي
ساره :لو حضرتك موافق أنا موافقه
أحمد بتنهيده: خلاص علي بركه الله
سماح: الخطوبه بكره وكتب الكتاب بعد ٣ ايام والفرح اخر الأسبوع
احمد: أنا مش
صابر : يا أحمد خلاص خير البر عاجله
سليم: نقرا الفاتحه
قالوا الفاتحه وسط ذهول ومشي سليم وفضلت ساره غرقانه في أفكارها
أنا حاليا فرحانه وزعلانه ومقهوره أنا مش فاهمه حاجه أنا متلغبطه أوي أنا بقيت ملكلكعه يااااه أنا تعبت هو أنا اذي فرحانه ومقهوره في نفس الوقت ده إيه اللغبطه دي.
وفجأة التليفون رن باسم الرائد سليم المصري
ضحكت بوجع علي الاسم وقالت يعني في واحده تسجل خطبيها كده
وبعدها افتكرت إن دي خطوبه فيك ومش عارفه ليه هي حاسه بنغزه في قلبها من الفكره فاقت علي صوت التليفون
ساره: الو
سليم: أيوه يا ساره هعدي عليكي بكره علشان تجيبي الفستان والدبل
ساره: إيه .....وأنت فاضي
سليم: أنا اخدت أجازه متاخديش بالك
ساره بتوتر: أنت قولت لبابا
سليم: اكيد وبعدين انت خطيبه سليم المصري يعني لازم الخطوبه بكره ميكونش فيها غلطه صحيح الخطوبه مش حقيقي بس محدش يعرف كده
ساره انقهرت من كلامه: الغرور عندك ملوش حدود ، تبا لتواضعك يا شيخ
سليم: اكيد مش سليم باشا
ساره: مغرور ،وبعدين متجيش أنا عندي لبس كتير هات الدبل لوحدك وأنا وأنا موافقه هي دي مش خطوبه فيك ذي مابتقول خلاص مفيش لوزم
سليم: أنا قولت كلمتي هعدي عليكي بكره نجيب الحاجه يا خطيبتي 😏
ساره يتنهيده،: ماشي يا سليم بس علشان بابا مش إكتر
سليم : ماشي يا خطيبتي 😏 أشوفك بكره يا خطبيتي
ساره: بطل تقولي كده يا مستفز
سليم بعصبية نوعاً ما: هو مين ده المستفز ؟؟يا ماما أنت ليكي الشرف أن أسمك هيكون جنب اسمي
ساره: ليه يعني أنت مغرور أوي
سليم وقاصد يرخم عليها: براحه علي نفسك يا سورا يا حبيبتي ده أنا لسه هوريكي أيام سوده بس استني عليا هعرفك اذي تتكلمي معي كده
ساره وهي حاسه بالخوف: ليه متقدرش أنا مش ضعيفه ذي ما أنت فاكر ده أنا أعرف أتعامل معك كويس أوي
سليم: ودي إكتر حاجه بتعجبني فيكي رغم شكلك الهادي إن في نظره تحدي في عيونك
ساره انكسفت 🥺: أنت بتقول إيه
سليم بضحك : بقول تصبحي علي خير يا خطبيتي
ساره: متقولش خطيبتك بعدين انت لسه مش خطيبي
سليم مط شايفه و ببرود: بكره أكون يا قلبي 💗
ساره بغيظ: علي فكره المحن مش بيلق عليك يا حضرة الظابط
سليم 🙄ببرود: اغلطي براحتك كله بحسابه
كلها ايام وتبقي تحت أيدي يا سورا
ساره وبدات تخاف وتندم : أنت ليه قلبت علي هلاكو كده
سليم: ميرسي يا قلبي 💗
ساره: ......... أنت أنت .....
سليم : قمر صح سلام يا سورا 😘🤣🤣😅🤣
ساره قفلت وهي بتغلي منه ومن طريقته المستفزه وسليم الفرحان أنه قدر يستفزها هو نفسه مش عارف ايه الغرض من المكالمه دي ومحتار من هو ليه يبرخم عليها بس هو فرحان
عند سماح وأحمد كأن دنيا تانيه خالص
سماح: مالك يا أحمد في أيه
احمد بتفكير: إحنا اتسرعنا في الاتفاق صح
سماح: لا ده سليم المصري وساره عمرها ما هتلاقي احسن منه
احمد: بس مينفعش كده أنا عارف هو مستعجل ليه وبنتي بردو مش قليله كفايه اخلاقها لو لف الدنيا مش هيلاقي ضفرها
سماح: خلاص يا أحمد الواد عايزها والبنت مواقفه وأنا مطمنه نفسي افرح بيها يا أحمد بطل قلقك الزياده ده يا حبيبي وافرح وساره ميتخافش عليها
احمد: ماشي ياله الفيه الخير يقدمه ربنا
عند سليم وفي حوار داخلي جواه
سليم: هو أنت مالك بقيت عيل كده ليه وايه لازمتها المكالمه البايخه دي مش. تنسي أنت مجبور علي الجوازه دي وافتكر الهدف الرئيسي للجوازه وخليك فاكر أنهم كلهم خاينين ،بس ساره مختلفه ،،لا لا لا اعقل يا سليم كده بس فجاه ظهرت جواه رغبه أنه يتفرج على صورها المعه
افتكر اول مره شاف الصور دي لما كان بيفحص تليفون سلمي فتحهم وقعد يتأمل فيهم
واحده وهي لبسه دريس موف في ورد صغير ابيض وعليه طرحه بيضاء ساده وقاعده في مركب علي البحر وباين في عينها الفرحه
صوره تانيه وهي علي الشط وخاضنه محمد شكلها حلو أوي في الفستان ده وخصوصاً أن لونه مناسب لبشرتها الخمري وعيونها السوداء.
وصوره وهي مع ايمي في الملاهي شكلها طفله أوي في الصوره دي وهي بتاكل غزل البنات
وصوره ليها يوم التخرج وهي لبسه لبس التخرج وشكلها طايره من الفرحه وسلمي في حضنها باين علي وشها الفرحه وصوره الاخيره وهي لبسه فستان شيفون فيروزي وعليه طرحه فيروزي في بيج وشكلها شبه الملائكه ساب التليفون ودخل ينام علشان عنده بكره يوم طويل مينكرش رغبته في أنه يكملهم بس مش عايز يتأخر في النوم أو دي حجه علشان خايف يتعلق بيها .
في مكان تاني عندنا ساره المش عارفه تنام قلقانه وفرحانه ومتلغبطه ومتغاظه منه هو ليه يبرخم عليها وبعدين هل فعلاً هيسود حياتها ذي ما بيقول أو ده كله هري هل هتندم مية سوال وسوال في دماغها والاجايه معدومه راحت تطمئن علي سلمي لقتها صاحيه وقاعده تدندن وقالبه الدنيا
ساره: بتعملي إيه في وقت ذي ده
سلمي: بشوف هشتري إيه علشان الخطوبه بكره سليم هياخدك تشتري الحاجات بس أنا هاروح مع ماما مش عندي حاجه للخطوبه بكره هشتري حاجات كتير
ساره: أنت فرحانه كده ليه
سلمي: هي دي مش خطوبه أختي حبيتي لازم اكون فرحانه
ساره بكسره نفس: ماشي
سلمي: بس أنت مقولتيش أنك أنت وسليم بتحبوا بعض أنا آخر من يعلم
يا واطيه
ساره وعيونها بتدمع: ده مش حب ده جواز عادي يا سلمي
سلمي بتريقه: يعني إيه جواز عادي مش بمازون يبقي جواز يا قلبي 💗 وبعدين أنت عمرك مهتلاقي ذي سليم ده مز يا بت ومركز وهيبه حاجه كده عسل عقبالي يا رب 😂 يا ساره وبعدين أنت عمرك ما ركزتي في الحب ولا الكلام ده طول عمرك عاقله وتقولي أن الجواز مش لازم يكون عن حب وكنتي دائما تقولي عني عبيطه وفعلا طلعتي أنت الصح ومفيش حاجه اسمها حب إيه التغير طول عمرك شيخه ومحرمه الحاجات دي إيه التغير افرحي وعيشي يا قلبي وسليم شكله شاري.
ساره مقهوره بس مش عايزه تتعب وتضغط على سلمي لأنها عارفه الوضع : عندك حق أنآ رايحه أنام
راحت ساره غرفتها وقعدت تفكر
غلطانه يا سلمي مش معني اني كنت برفض الحب إني مش بؤمن بيه بس كنت سايبه للشخص المناسب لجوزي علي سنه الله ورسوله مش سليم المتجوزه مصلحه أنا اه طول عمري بقول أن الجواز مش لازم يكون عن حب بس أنا كان نفسي افرح ذي أي عروسه مش عارفه أنه جواز مؤقت ٦ شهور وهينتهي كأن نفسي في حياه مستقره مش اول ما بدا حياتي يكون تمثيل وكدب وبعد تفكير طويل
قالت مفيش منه فايده البكي أنا هعيش الفرحه جواز مؤقت مؤقت مش مهم بس علي الأقل هكون عروسه وفرح وفستان عمر البكاء ما كان الحل أنا هعيش خطوه خطوه واثقه أن أكيد ربنا مش هيظلم حد ومن كل الاختبارات دي حكمه
أنا لازم أنام عندي بكره يوم طويل ونامت وهي مش عارفه بكره مخبي ليها إيه
بس هي خبة ليه القوه والإيمان بالله أنه عمره ما هيخيب ظنها فيه وتوكلت علي ربها وراحت في نوم عميق.
بدا يوم جديد مع إشراقة شمس جديده
علي ابطالنا
قام سليم من النوم علي الساعه ٧ذي كل يوم قام اخد شور ولبس لبس رياضي ونزل جري نص ساعه ذي كل يوم وبعدها دخل غرفه الرياضه بتاعه وخلص الروتين اليومي المعتاد نزل علشان يفطر الفطار اليومي بتاعه قهوة بلاك مع شريحتين توست جبنه
وبعدها طلع علشان يلبس اختار تشيرت ابيض رياضي علي بنطلون جينز بلاك بلو ونظاره شمس وساعه جلد كحلي
خرج علشان يروح لساره
وصل البيت ورن الجرس وفتح ليه محمد
محمد: أهلا بالعريس بس إيه الشياكه دي يا عم
سليم بهزار: اذيك يا حمو عامل ايه
محمد: وكمان رايق ،طبعا مش عريس بس من قبل ما تدخل أنت هنا جوز أختي وصاحبي الجامد مش سليم باشا
سليم بضحك: ماشي يا بروو خليني ادخل بقي
دخل سليم سماح وأحمد رحبوا بيه أوي
سليم: هي ساره جهزت
سماح: ساره صاحيه من بدري وبتلبس جوه معلش البيت متكركب بس أنت عارف بنحضر للخطوبه وكده
سليم: لا عادي وبعدين دي حاجه عائلة كده أن شاء الله نعوضها في الفرح
خرجت ساره وسلمي من الاوضه واتصدمت ساره من شكل سليم كان طالع غايه في الجمال بالبس ده أول مره تشوفه لابس كده
سليم لاحظ صدمتها
قرب عليها وبصوت واطي وبدون ما حد يسمع إيه انصدمتي حلو صح علشان بس تعرفي من سليم
ساره بضيق: كفاياك غرور
سماح: هتروح أنت وساره مع بعض وأحنا مع بعض
ساره باعتراض: لا أنا مش هركب معه لوحدنا سلمي تجي معنا
سليم: مفيش مشكله
نزلوا كلهم واتجهوا الأول لمحل الذهب وسليم هو ساره في العربيه
ساره جنب سليم وسلمي وراه قاعده حاطه الهند فري ومش معهم أصلا.
سليم باستغراب: مرضتيش تركبي معي لوحدنا ليه خايفه
ساره: اه من ربنا أنت حاليا أعجمي عني ومش ينفع نكون من غير محرم
سليم باستفهام : طب وايه الجد ما انتي من يومها بتركبي معي من يومها وجيتي معي شقه باسم لوحدك ومش اعترضتي قبل كده
ساره: كان الوضع مختلف كنت سليم باشا المصري وكل واحد عنده حدوده
إنما حالياً بقينا مرطبتنن فالوضع اتغير ،وهو صحيح مش اتغير كتير بس الوضع اتغير
سليم: يعني مخوفتيش مني لما جيتي معك لوحدي
ساره بتفكير: هي عارفه أن مروحها كان غلط بس مع كده مكانتش خايفه من خالص بل بالعكس بس اذي واثقه فيه كده وهي متعرفوش هي مش بتثق في حد بسهوله سليم بالنسبه ليها عباره عن لغز صعب أوي حله
فاقت علي صوت سليم
سليم: سرحتي في إيه ؟! هو سوالي صعب كده
ساره بتنهيده: مش صعب ....... بس انا واثقه في ربنا أولا أنه مش هيسبني لوحدي وأنا متوكله عليه وفي نفسي ثانيا أن أنا عارفه أنا مين وتربيه إيه وأقدر احمي نفسي كويس جدآ وثالثاً واثقه فيك
سليم بتعجب: واثقه فيا أنا؟!
ساره بتنهيده: اه أنا عندي نظره في الشخص القدامي واقدر احدد إذا كان وحش أو حلو
سليم بتفكير: غلط مينفعش تثقي في حد بالسهولة دي شوفتي الثقه الزائده وصلت سلمي لفين نصيحه بلاش تثقي في مين من كان المظاهر خداعه
ساره: عندك حق ..........،وانا معي سلاحي السري بردو
سليم بتعحب سلاح إيه
ساره بضحك: ده سر ممكن اقولك عليه في يوم من الايام بس مش دلوقت
سليم : ماشي
فضلوا باقي الطريق ساكتين وكل واحد سرحان في أفكاره الخاصة
ساره بتفكر في حوار داخلي
أنا فعلا ليه واتقه فيه ليه بحس معه بالأمان يمكن علشان ظابط..... لا طبعا..... أنا عمري ما وثقت في حد ..... ده حتي طريقته جافه يوه أنا بجد مش عارفه أيه ده ايه سبب الثقه دي كلها
قطع تفكيرها صوت سليم يعلن عن أنهم
وصلوا لمحل الدهب واختاروا الدبل ساره اختارت دبله و وخاتم شكله رقيق أوي
سليم: ياله اختاري الباقي
ساره: لا خلاص أنا مش عايزه حاجه تانيه
سليم: يعني إيه ده دهبك
ساره: بس إحنا متفقناش علي كده
سليم: اسمعي الكلام واختاري ياله
ساره: بس أنا مش بحب الدهب اصلا
سليم: خلاص هختار أنا
اختار طقم على بعضه مكون من كوليه صغير وحلق كان شكله يجنن بمعني الكلمة
ساره : لا ده شكله غالي اوي
سليم: علي فكره أنا الدفع مش انت
ساره بصت له بغيظ: وأنا مش عايزه حاجه
سماح: انتوا هتتخانقوا ، سليم بيهزر يا ساره
خلصوا وطلعوا علي محل الفساتين وساره اختارت فستان وسلمي كمان وسليم أشتري بدله سوداء وكرافته وردي فاتح مخططه في ابيض لون فستان ساره ورجعوا علشان كل واحد يجهز علشان الخطوبه
رجعت ساره وسلمي ومعهم أحمد وسماح وكله بدأ يجهز نفسه
دخلت ساره الاوضه لقت مروه (البنت بتاعه البيوتي سنتر) مستنيه والميكب ارتست استغربت بس عرفت أن اكيد سليم البعتهم
دخلت وبدات في تجهيز نفسها بمساعده مروه وجه وقت الميك اب
بس ساره رافضه الفكره وبعد تعب كبير جداً اقنعتها الميكب ارتست بلمسات هادئه جدا وبسيط جدا مش اكتر وفي مكان تانى عند سليم
عمر: يعني إيه أعرف بالصدفه أن خطوبة اخويا الكبير النهارده أنت بتهزر يا سليم يعني مصطفي يعرف قبلي ابص فجاه ألاقي البيخبط علي الباب وبقولي خطوبه اخوك الكبير بعد ساعات
سليم بتنهيده: أنت علئ طول مسافر ومش فاضي
عمر بغضب: ده مش عذر مقبول علي فكره
مصطفي بيحاول يهدي الوضع : الحصل حصل وبعدين الموضوع جه بسرعه يا عمر خلاص النهارده الخطوبه مش وقت العتاب
عمر بتنهيده: ماشي بس لينا كلام ولازم افهم سبب العجله دي
سليم : طب ياله أنا خلصت
نزلوا ركبوا عربيه سليم
نزلوا قدام البيت ودخل عن رغم أن دكتور الحفله بسيط إلا أنه يدل علي الفخامه والاناقه وكانت الحفله صغيره عباره عن" عائله ساره وعائله عم صابر وسليم وأخوه ومصطفي صاحبه وايمي وميرا مرات مصطفي"
سليم: اذيك يا عمي
احمد: اذيك يا بني اقعد ساره قربت تخلص هبعت سلمي تجيبها
احمد: سلمي شوفي ساره فاضل ليها كتير كده
لسه هيكمل كلامه قطع كلامه دخول ساره وسلمي
سليم رفع عينه علشان يشوف ساره بس كانت الصدمه
اتصدم من منظرها كانت ذي الحوريه في فستانها البينك كانت لبسه فستان يينك ضيق شويه من عند الصدر والوسط وبيتسع حاجه بسيطه من تحت لونه بينك ساده وفيه وردات بيضاء صغيره منتشره علي الصدر وليه رداء منسدل وراها علي الارض وعليهم طرحه يينك ساده ومكياجها زبسيط ييظهر ملامحها مش اكتر كحل ييرز جمال عينها وكثافة رموشها
فاق من تأمله ليها علي صوت عمر بيقوله بصراحه العروسه قمر تستاهل يا قلب اخوك
دخلت ساره وقعدت جنب سليم وجم.يلبسوا الدبل بس ولسه سليم بيمسك ايد ساره علشان يلبسها الدبله بس هو عقله مش هنا هو عقله طار من اول ما عينه وقعت علي ملاكه الصغير بس فاق علي أنها سحبت أيدها
ساره:معلش إحنا لسه مش كتبنا الكتاب خلي ماما التلبسني الدبله
سليم وعلي وشه كل علامات الغيط والقهر: ماشي يا ساره مش مهم كتب الكتاب بعد بكره
سماح لبست ساره الدبله وسليم لبس الدبله لنفسه ووسط فرحه الكل والاغاني والرقص كان في عيون بتراقب سلمي من أول الفرح ومش شالت عينها من عليها
سليم : عمي إحنا ياله علشان الوقت ميتاخرس نلحق الاستوديو
احمد: ياله بس انتوا ملحتقوش تقعدوا مع بعض يا بني
سلمي: فيه ايه يا عريس أنت مستعجل ليه انتوا لسه مرقصتوش حتى
ارقصوا رقصه واحده حتي
ساره : لا مفيش رقص قبل كتب الكتاب
سليم بغيظ: وأنا مع ساره
راح سليم وساره وسلمي الاستديو ............
(بعدها بوقت مش طويل)
نزلت ساره جري وهي بتعيط وسلمي بتجري وراها وسليم العصبيه عميه عنيه
ساره:أنت اذي تعمل كده انت اتجنتت أنا مستحيل أكمل معك وأنت بالوضع ده روحني حالا لو سمحت
سلمي: سليم مش غلطان يا ساره متكبريش الموضوع .
ساره : روحني حالا
ياتري إيه الحصل في الاستديو ؟! ومين الكان بيراقب سلمي ؟!🤔
🌼_______________🌼
أنت تقرأ
أ هي صدفه أم أنه القدر
Randomالحب وجه اخر للموت ٠٠ "إما أن تموت عشقا أو تموت شوقا او ألما علي فراق من نحب" اتنين ألتقوا بالصدفه وجمعهم القدر دون مقدمات ،فهل هيقدروا يتغلبوا علي مصيرهم؟! ، وفي لحظه وقف عندها الزمان عيونهم حكت الف كلمه وكلمه ولكن الكبرياء بالحب لا يبالي تابع...
