صوت إنذار عالي جدا يعلو المكان ساره بصريخ
سليم سليم سليم
فاقت من الصوت
وبصت لقت ده صوت المنبه بيعلن عن موعد الدواء
فاقت وخاصه ان دماغها تقيل وجسمها مكسر هي فين وايه ده هي كانت بتحلم ده كله كان حلم ده كان كابوس بشع لا صحه له من الأساس مفيش حاجه سليم كويس ده كان كابوس مش اكتر قامت وقعدت تبكي من الفرحه سليم كويس هو بخير هي كانت بتحلم ده مجرد حلم اخدت صورته وقعدت تبكي وتبوسها وتحضنها أخدت تليفونها واتصلت بسليم
ساره بصوت مهزوز وكله دموع : سليم أنت فين
سليم بقلق: أنا كويس في إيه صوتك ماله أنا في الطريق ١٠ دقائق وأكون في البيت خير يا ساره طمنني
ساره وبدأت تهدي: يعني أنت كويس يا حبيبي
سليم بتعجب: ايوه يا ساره أنت خايفه من إيه أنا ١٠ دقائق وأكون عندك
ساره وحاولت تبان طبيعيه : لا مفيش بس كنت بطمن عليك أصل لما خرجت كان شكلك مضايق
سليم بفرحه واستغرب: لا أنا تمام وشويه وأكون عندك
قفلت ساره وقعدت فرحانه هو طلع حلم وخلاص خلص سليم كويس وفي الطريق
شربت مياه وحسيت براحه نوعا ما
وصل سليم واول ما جه طلع يجري علي اوضتها يطمن عليها دخل أو ما شافته اتجمعت في عينيها الدموع وحاولت تقوم بس هو منعها وقرب هو بس اتصدم بساره بترمي نفسها في حضنه وبتعيط ،بتعيط جامد
اتصنم مكانه مش عارفه هي مالها
سليم بخوف: خير يا ساره مالك أنت كويسه
ساره ماسكه فيه ومفيش اي رد
سليم بخوف اكبر: ردي عليا بتعطي ليه في حاجه بتوجعك
ساره باشاره بدماغها معناه لا
سليم: طب في إيه قلقتني
ساره بدأت تستجمع قوتها ومسحت دموعها: مفيش يا سليم بس كابوس وحش أوي
بسليم براحه نوعاً ما: خلاص يا حبيبتي كابوس وخلص وأنت دلوقت في امان متخافبش أنا جنبك
ساره براحه: سليم هو أنت كويس
سليم بعدم فهم: ايوه بس المفروض أنا الاسال السوال ده
ساره بضحكه أنا الحمد لله بقت احسن
سليم : قلقت عليكي اوي ،انت حلمتي بايه
ساره والدموع بدأت تتجمع في عنينها من تاني
سليم: خلاص مش عايز أعرف اهدي
أنت اخدتي الدواء
ساره : لا
سليم: أنا ظبطت منبه هو مارنش
ساره بخنقه: رن
سليم أنت أكلتي حاجه
ساره: تؤتؤ
سليم : هنزل اجيب عشاء ربع ساعة واجي مش هتاخر ترتاحي شويه وأنا جاي علي طول
ساره : منتاخرش
سليم بتوهان: حاضر يا حبيبتي
عند مراد
هدي ( ام مراد): يا مراد يا حبيبي انت مستني ايه مش ناوي تتجوز بقي عايزه اشوف أحفادي والعب معهم أنت وحيدي يا بني خليني اطمن عليك
مراد: ادعي ربنا يسهل
هدي: يا رب ،بس أنا تعبت من اعذارك
مراد: هي مساله وقت مش اكتر
هدي: اديني صابره ما نشوف اخرتها معك
مراد: كل خير ان شاء الله ، لأن أنا كمان تعبت ولازم اخد القرار ، وانهي التردد ده
رجع سليم البيت لقي ساره قاعد علي السرير وبتحاول تقوم ومش عارفه بسبب رجلها المجروحه.
سليم: اساعدك
ساره شاورت بدماغها : ماشي
سليم سندها قامت
ساره: أنا عايزه اروح لماما
سليم بخوف ورعب ظاهر علي وشه: خير
ساره لحظت خوفه بس ردت ببرود: اطمن عليها وعلشان بكره خطوبه سلمي علئ أخوك
سليم بتنهيده : اه
ساره حبت تلعب معه شويه: بس مش عارفه هقعد قد ايه
سليم بخوف: تقصدي إيه إحنا هنروح سواء
ساره بنظرة خبث: اممم بس أنا ماما وحشتني اوي
سليم بغيظ: أنت هتشوفيها بكره وهنروح مع بعض ، فاهمه
ساره بشبح ابتسامه من غيظته: بس
سليم بنرفزه: مبسش
ساره: ماشي
ساره بضحكه: سليم
سليم بنتهيده حزن: عيونه
ساره : احم أنا رجلي واهلي وكده
سليم فهم قصدها : أنت مش بتقدري تدوسي عيلها أصلا
ساره: لا هي كويسه بس
سليم: أنا هتصرف
ساره : اذي
سليم: ملكيش دعوه ، سيبي دي عليا
ساره: بتردد ، شكرا
سليم بحزن : ساره أنا آسف على غبائي ،واسف علي رجلك
ساره بابتسامة: مش ملاحظ حاجه
سليم باستغراب : إيه
ساره : رفعت السلسه من رقبتها بص
سليم بذهول مش مصدق : أنت أنت لبسه السلسه بتاعتي ده معناه ايه....؟! ايه هو أنا فهمت صح ، قولي إني فهمت صح
ساره: بابتسامة اه
سليم : أنت سامحتني بحد
ساره بضحكه : اه وهنبدا من جديد
سليم فجاه نط شالها من علي الأرض وقعد يلف بيها في الاوضه كلها ومش مصدق نفسه
ساره بتضحك وفرحانه بفرحته
سليم نزلها براحه علي الكرسي وباس أيدها ،انا فرحان اوي
ساره : أنا تعبت من الخلافات أنا عايزة اعيش معك وفي خضنك تعبت من كل حاجه حواليا الحياه ابسط من أن إحنا نعيشها في حزن ونكد أنا صحيح كان صعب عليا بس خلاص أنا قررت انسى كل حاجه ونبدأ مع بعض
سليم والدموع في عينه: أنا بحبك أوي واوعدك مش هزعلك تاني ابدا ولا اسمحلك تبعدي عني
ساره: بحبك
سليم: وأنا كمان يا قلب سليم
بدأ نهار جديد عمر بيستعد ومش مصدق نفسه من الفرحه وسلمي القلق مسيطر عليها طول الليل بتفكر في هل هي صح او لأ هل تسرعت هل بتظلم عمر هل هتقدر تبعد عن مراد هل تجاوزت باسم كميه أسئله ملهاش اي أجابه قامت من النوم وبدأت تجهز نفسها وتختار فستانها وفاقت علي صوت الجرس بيعلن عن وصول حد ؟!
سلمي وكلها توتر ياتري هو جه بس لسه الوقت بدري .
جواها صوت بيقولها لا بلاش الخطوه دي غلط بلاش تظلميه وتظلمي نفسك قطع افكارها دخول ساره
سلمي قامت وفقت من الصدمه ومن شكل ساره الغير متوقع النزل عليها كالصاعقة.......
عند عمر كان قعد بيستعد وبيلبس وجنبه مصطفى
مصطفي: فرحان يا عمر
عمر: اكيد ،انا مش مصدق نفسي اخيرا أنا لحد دلوقتي مش مصدق أن سليم وافق
(فلاش باك )💭
عمر دخل علي سليم المكتب كان قاعد بيرجع شويه شغل وفي قمه التركيز
عمر: مساء الخير علي فارس الداخليه
سليم بنص ضحكه: عايز ايه يا عمر انجز
عمر: تؤتؤ أنت علي طول فاهمني صح كده
سليم بضحكه: تربيتي
عمر: تربيه واطيه
سليم: رحم الله أمرا علم قد نفسه
عمر بتصنع الزعل : كده يا سليم ماشي
سليم : انجز كنت عايز أيه
عمر: عايز استقر وأكمل نص ديني
سليم بتريقه: هو أنت عملت النص الاول علشان تكمل التاني
عمر : خلاص يا سليم بلاش رخامه وبعدين أنا اتجوز وبعدها هكمل الباقي
سليم: ومين العروس المصون
عمر: احمم هي هي هي
سليم: سلمي صح
عمر: اه
سليم: هي مواقفه
عمر بسرعه : اه وحددت الميعاد بكره الساعه ٥
سليم : تمام ربنا يتمم بخير
عمر: يعني أنت موافق مش عندك اي اعتراض
سليم : أنا اهم حاجه عندي مصلحتك يا عمر ولو اني مش محبذ اوي الجوازه دي بس لو انت مصرر وشايف أن فيها راحتك فأنا معك ولازم تعرف اني علي طول وراك
عمر بدموع: أنت احسن اخ واب في الدنيا
سليم : وأنت عندي بالدنيا ، واخيرا جه اليوم الهشوفك فيه عريس
عمر: شوف مش حارمك من حاجه اهو
سليم : عمر حافظ عليها دي زي اختي الصغيره
عمر: سلمي في عيني هي الوحيدة القدرات أتغير علشانها
سليم : وأنا ملاحظ كده ،ياله علي بركه الله
(عوده للواقع )
مصطفي: إيه رحت فين ، كلها شويه وتشوفها
عمر: أنا فعلاً واحشني أوي بس مكنتش بفكر فيها
مصطفي : آمال في مين يا خويا
عمر : مش وقت كلام أنا هاقوم اخد شاور علشان منتاخرش
ولسه هبيقوم اتكعبل كان هيقع
مصطفي : يا عيني علي الحلو لما تبهدله الايام
عمر: تصدق أنا غلطان إني قاعد معاك امشي ياض من هنا ده انت اوفر رخامه
مصطفي:😂😂 ماشي أنا هاروح أشوف سليم طلع ولا لسه عند ساره
عند ساره وسلمي
سلمي : إيه ده انت قاعده علي كرسي ليه
ساره: مفيش بس انبارح القهوه وقعت علي الأرض ورجلي اتعورت وسليم رافض إني ادوس عليها علشان تخف
سلمي بخوف: يعني أنت كويسه
ساره: أيوه والله
سلمي: بجد يا ساره أنت مش متخيله الحصلي لما شوفتك كده
ساره: منه لله بقي سليم
سلمي :ماما شافتك
ساره: لسه وخايفه من رد فعلها
ساره بضحك أنت مشوفتيش محمد عمل إيه اول ما شافني جه جري وقعد يعيط ويسألني مالك ولسه هينادي علي البيت كله راح سليم ماسكه وسادد بوقه 😂😂 لحد ما فهمته كان شكله مسخره فضلت تضحك هي وسلمي بس وفقهم صوت وراهم
محمد : يعني غلطتتي اني خايف عليكي بتتمسخروا عليا
ساره: لا يا حبيبي بس بصراحه كان شكلك يضحك
سليم: يعني هو يا حبيبي وأنا سليم ده أنت عمرك ما قولتيلي كده يا جاحده
سلمي: الظاهر أنهم كلك عليكي النهارده
سليم: أنا هاروح لعمر ونجي في الميعاد لحسن أنا مش عارفه الصراحه أنا من أهل العريس ولا العروسه 😂
ساره: روح ياله هو محتاجك دلوقت وأنت يا آخ محمد اتفضل العروسه عايزه تجهز
مشي الكل وفضلت ساره سلمي
ساره : إيه مالك متقلقيش عمر مش غريب وأنتم أصحاب
سلمي: ساره هو أنا غلطانه علشان هتجوز عمر
ساره بعدم فهم: غلطانه اذي أنت مخبيه عني إيه
سلمي: مفيش بس بصراحه أنا متردده شويه
ساره: يعني هو التردد ده ليه قلق عادي ولا فيه حاجه
سلمي : لا شويه قلق
ساره راحت جنب سلمي وضامتها وقالت لها
متخافيش يا سلمي أنا جنبك والفات مات ابداي من الاول وعمر إنسان كويس وبعدين أنت هتكوني جنبي وأنا دايما في ضهرك متخافيش
سلمي براحه: ربنا يخليكي ليا
سلمي : أنت عملتي ايه مع سليم شكلكم اتصالحتوا
ساره: اه انبارح واتفقنا نبدأ من جديد
تعبت من الخناق يا سلمي العناد مش بيجب غير التعب فقررت أسمع من قلبي لأن فيه راحتي وأبدأ من جديد وسرحت تفكير حلمها المولم
سلمي: لا أنت مش جايه هنا وسابيه عقلك معه ركزي معي يا ماما البس ايه
ساره بنص ضحكه: اي حاجه عليكي تبقي قمر
سلمي بغرور مصطنع: طب ما أنا عارفه
ساره: يا واد يا واثق أنت
سلمي بدأت تختار بين فساتينها واحتارت بين فستان نبيتي كات وتحت الركبه أو فستان زيتي بكم وطويل هي بتحب النبتي بس جواها حاجه عايزه الطويل بعدها اخدت القرار واختارت النبيتي يمكن عند في مراد المتاكده أنه مش موجود بس هي عايز تثبت لنفسها أنه لا شي بالنسبه ليها.
لبست سلمي الفستان الكان عباره عن فستان من الشيفون ساده مزين بحزام فضي من علي الوسط ومسكت شعرها بفيونكه من علي الجنب وبدات تحط لمسات من الميك اب تحت نظرات ساره الجواها شعور بأن سلمي مش كويسه بس بتحاول تقنع نفسها أنه مجرد توتر مش اكتر
خلصت سلمي لبس والجرس رن يعلن عن وصول عمر وسليم
عمر دخل قعد هو وسليم واستقبلهم احمد ابو ساره وسماح دخلت علشان تبلغ سلمي بوصولهم بس اتفجأت بساره وقعدت تعيط لحد ما ساره هدتها تمام وفهمتها أن مفيش حاجه خرجت سلمي بالصنيه تحت نظرات عمر
سليم: والله أنا مش عارفه اقولكم إيه بس إحنا عايزين سلمي أختي لعمر اخوايا
احمد بضحك: إحنا عيله وملوش لازمه الرسميات دي بينا إحنا موافقين ومش هنلاقي احسن من عمر
عمر: خلاص الخطوبه بعد بكره
احمد بضحك: دي طبع عندكم في العيله بقي
سليم: 😂
عمر: أنا هخطب والبس دبل مش اكتر
أحمد: علي بركه الله بس خطوبه بس
عمر: موافق
قراو الفاتحه واتفقوا علي التفاصيل وقضوا يوم جميل مع بعض ورجع سليم ووساره البيت وعمر اخد سلمي واطلعوا يتعشوا بره
سليم : كان يوم حلو أوي يا حبيبتي
ساره : عندك حق
سليم: هاروح المكتب أخلص شغل علشان هنخرج بكره مع بعض طول اليوم
ساره بفرحه: بجد هنروح فين
سليم: اه اي مكان نفسك في ايه
ساره: اي مكان معك هيبقي حلو يا حبيبي
سليم:؛اشهد أن لا إله إلا الله أخيرا قولتيلي كلمه حلوه
ساره بضحكه:..........
سليم: مدام ما ضحكت يبقي قلبها مال
ساره: أنا قلبي مال من زمان
سليم: لا أنا الحق المكتب بسرعه ،علشان نلحق نخطط لبكره
مشي وفصلت ساره تضحك علي شكله
وصل سليم المكتب لقي مصطفي قاعد مشغول
سليم: إيه الاخبار في جديد
مصطفي: اه أنا استجوبت عماد وعرفت إيه علاقته بسامر
بص لما عماد نزل من السفر وكان لسه بيأسس مجموعة مطاعم أتعرف على سامر واستغل عنده وبعدها مع الوقت حصل بينهم صداقه ومسك مدير مطعم عنده ولما جه يعمل النادي قالوا إنه عايز يشاركه وعماد بحكم الصداقه وافق لأن كده كده سامر هو الماسك الاداره تحت عماد في كل حاجه لان عماد بيسافر ومش فاضي
سليم: وده إيه علاقته بالخليه
مصطفي: مفيش وعماد ميعرفش حاجه عن سامر هو بيقول أنه ميعرفش أي حد من عيلته ومن يوم ما تعرف عيله وهو وحيد
سليم: وحازم عملت معه إيه
مصطفي: حازم ده القصه هو شغال في المعمار بحكم أنه مهندس بس بعد بحث واخبار عرفت أنه بيعرف في البرمجه ومهندس كمبيوتر شاطر بس محدش عنده فكره بالموضوع ده هو كل البيعمله أن هو البيصمم البرامج الحمايه للشركه بتاعته
سليم: وده ياكد لنا أنه ليه علاقه بالخليه وبما أن بيتحولوا أرقام بالمبلغ ده فممكن يكون القائد بتاعهم كمان وسامر اخد للكشف ده كنوع من التهديد وامان ليه ومش بعيد يكون السبب وراء قتله .
مصطفي: ممكن أنا حاليا وضعه تحت المراقبه وهعرف كل حاجه عنه وبالذات حسابه وهعرف مين البيحول
سليم: عظيم أنا عايز اي دليل ضده علشان اقدر اوصله بسهوله .
سليم: إيه اخبار القضايا التانيه
مصطفي: لا كله تمام
سليم : تمام أنا هروح أنام وبكره عندي اجازه هخرج مع سورا
مصطفي : ماشي ناس تخرج وتتفسح وناس تروح تحقق في جثث
سليم يضحك: سلام يا صاحبي
بدأ يوم جديد عمر أتقف مع سلمي هيوصلها معه للشركه
وصلت سلمي وجواها خوف كبير من الهيحصل جوه
دخل عمر وهي ماسكه أيده وبعدها طلب كل المواظفين
عمر: أحب اقولكم أن أنا خطبت الانسه سلمي وكلكم معزومين في حفله بكره حفله الخطوبه وعقبال الجميع
الكل بدأ يبارك لسلمي وعمر لحد ما جه مراد
مراد: مبروك يا عمور ربنا يتمم بخير
عمر: عقبالك ،مش ناوي بقي
مراد وعينه على سلمي : قريب إن شاء الله
مشي الكل وفضل عمر وسلمي
عمر: كلمتك انبارح بس كان مقفول
سلمي: أصل نمت بدري
عمر: عندي اجتماع دلوقت هخلصه وبعدها نروح نتغدا ونقعد مع بعض شويه
سلمي بابتسامه : تمام
مشي عمر وراحت سلمي على مكتبها وهناك شافت مراد واقف مع السكرتيره بيتناقش معها في حاجات والسكرتيره قاعده تضحك وشكلها فرحانه جدآ حست أن الدم ضرب في دماغها وراحت له
سلمي بعصبية مستخبيه: مش هتباركلي
عمر ببرود: لسه مبارك من شويه
سلمي : لعمر مش ليا
مراد: أنت وهو واحد علي العموم مبروك الف مليون مبروك وعقبال الفرح
سلمي باستفهام: أنت مش زعلان
مراد: وازعل لسه صاحبي وخطب إيه اليزعل في كده والزواج قسمه ونصيب واوعدك أكون أول للحاضرين في حفله الخطوبه
سلمي اتعصبت من بروده
مراد: أنت الاختارتي، يبقي تستحملي النتيجه
سلمي بخوف تقصد ايه
مراد بنص ضحكه : أقصد مبروك
مشي مراد وسط حيرة سلمي المش عارفه قصده إيه
عمر خلص الاجتماع بتاعه ورجع وطلب يقابل عمر وقال للسكرتيره أنه عايزه ضروري وفي اسرع وقت.
يا تري عمر عايز مراد ليه؟!
أنت تقرأ
أ هي صدفه أم أنه القدر
Casualeالحب وجه اخر للموت ٠٠ "إما أن تموت عشقا أو تموت شوقا او ألما علي فراق من نحب" اتنين ألتقوا بالصدفه وجمعهم القدر دون مقدمات ،فهل هيقدروا يتغلبوا علي مصيرهم؟! ، وفي لحظه وقف عندها الزمان عيونهم حكت الف كلمه وكلمه ولكن الكبرياء بالحب لا يبالي تابع...
