نغمه رساله من تليفون ساره قطعت عليها روايتها
اتفجئت بصور لسليم مع بنت في حضنه وفي مركب علي البحر وكذا صوره ليهم مع بعض مسكت الصور وايدها بترتعش وبدأت تقلب فيهم وسط حاله من الصدمه والخزلان وبدأت دموعها تنزل من غير ما تحس بدأت تقلب فيهم وتعيدهم اكتر من مره صوت شهقاتها بتعلي اكتر واكتر لحد فضلت في هستيري من العياط مفأتش غير علي صوتها وهي بتصرخ لأن رجلها انجرحت جه علي صوتها سليم
دخل سليم كانت واقعه في الأرض ورجلها بتنزف جامد
سليم بذهول وخوف : خير ايه الحصل
أنت رجلك بتنزف ليه وايه المقعدك علي الأرض كده
ساره:..........
سليم: ردي عليا يا ساره
ساره: ........
سليم بعصبية : قولتك ردي عليا ،ولا اقولك استني هلبس اي حاجه في رجلي واجي اشيلك للدكتور
ساره بدموع: أنا كويسه متهتمش
سليم : أنت رجلك بتنزف
ساره: أنا فعلا بنزف بس مش رجلي
سليم بخوف :أنت انجرحتي في مكان تاني
ساره ببرود : متشغلش بالك أنا كويسه
ولسه بتحاول تقوم فبتسند علي الأرض دخلت جزء من مج المتكسر في ايدها
سليم اتجنن من المنظر وطلع يجري علشان يشيلها بس ملحقش قامت لوحدها ومشيت تعرج للسرير
سليم كفايه هبل سبيني اسندك ايه ليه بتكبري
ساره بصتله جامد وحسيت أنها فعلاً خلاص معدش عندها قدره علي الوقوف فوافقت
سليم شالها حطها علي الكنبه وراح يجيب علبه الاسعافات الاوليه
ساره وقفت عياط ومسحت دموعها واخدت التليفون ورجعت تتأكد من الصور
وصل سليم ومعه العلبه وبعدها بدأ ينظف الجرح ويعقمه كويس ويحط عليه لازقه وربط رجلها تحت نظرات ساره
مسك أيدها وبدأ يوقف النزيف وربطها كويس بس لاحظ أن رجلها التانيه منفوخه وحمراء أستغرب وسألها بخوف من ايه ده يا ساره
ساره مش سامعه هي دماغها في مكان تانى
سليم عاد السوال بخوف اكبر وجه يمسكها بس ساره صرخت
سليم اتفاجا من صوتها واعتذر وقالها دي زي ما تكون محروقه
ساره بعدم مبالاة : ممكن يكون لما الفنجان وقع القهوه جات عليها
بدأ سليم يحط مرهم علي رجلها بحذر
تحت نظراتها الغير مفهومه
سليم بقلق أنت كويسه
ساره بصه قدامها بصمت :.....
سليم بخوف : أنا مش فاهم حاجه
أنت بتبصي كده ليه ، أنت فى حاجه بتوجعك
ساره:.......
سليم : يا ساره ردي عليا ارجوكي
ساره بصوت مهزوز: هو أنت بتحبني
سليم باسنتكار : أنت بتقولي ايه ، مش وقته يا ساره ،انت مجروحه
سكت شويه وحس أنه غلطان لانه قال كده هي محتاجه تحس بالأمان مش يقولها مش وقته فكمل اه بحبك ، يحبك اكتر من أي حاجه لانك روحي علشان كده أنا لازم اطمن عليكي
أنا هنادي لأي حد ينظف الأرض وهاتصل بالدكتور ولسه هيخرج وقفه صوتها
ساره : سليم استني .....
عند سلمي استأذنت من عمر وخرجت بدري وراحت لبدر علشان هي محتاجه حد يسمعها
وصلت سلمي لعنده وبدأت معه الجلسه
د/ بدر: احكيلي يا سلمي إيه الجد
سلمي بعياط: انا قطعت كل الخيوط الممكن توصلني بمراد
د/بدر: احكيلي
سلمي: بدأت سلمي تحكي كل حاجه بالتفاصيل وحوارها مع مراد
د/ بدر: أنت عارفه أن أنا معترض علي تصرفك ، وقولتلك أنك لازم تعملي اليريح اعصابك مش البتعبك اكتر
أنت محتاجه مراد جنبك مش تبعدي عنه ،انت ليه مصره علي العند
سلمي بعند: في بعده راحتي أنا مش حمل تعب تاني أنا خلاص لغيت اي مكان العواطف في حياتي .
د/بدر: خلاص اهدي
وبدأ يتكلم معها وكملوا الجلسه
نرجع ساره وسليم
ساره: سليم أنت في بنت تانيه في حياتك
سليم باسنتكار : لا طبعاً ،انا استحاله احب حد غيرك ،انت بتقولي ايه
وفجأة عينه لمعت وافتكر حاجه واتصدم معقول يكون الفي دماغه .
سليم بخوف وترهب : تقصدي إيه
ساره بهدوء: اتفضل شوف الصور دي
وقتها بس سليم فهم ولعن نفسه وعلي التوقيت الاختاره
ساره بهدوء: أنا واثقه فيك واكيد الغرض من الصور دي وضع شرخ في علاقتنا وان يحصل خلاف بينا ،انا بس محتاجه كلمه منك دي صورك او لا وعايزه أعرف مين البيحاول يوقع بينا أنا صدمتي مش قله ثقه فيك بس الصور وجعتني .
سليم بدموع : يعني أنت معندكيش شك في ومستنيه مني كلمه بس
ساره: اه أنا واثقه تماما أنك مش غلطان وان الهدف من الصور هو نزع ثقتي فيك بس عايزه اسمعها منك
سليم بدأ يعيط وبدموع: أنت اذي كده أنا مش فاهم ،انا اسف ارجوكي سامحني أنك اتأذيتي بسببي ، والله العظيم مش قصدي
ساره: انت تقصد ايه
سليم : .......
ساره بخوف: رد عليا
سليم : هحكيلك كل حاجه بس توعدني
انك مش هتزعلي مني ،لاني مش هستحمل أنك تبعدي تاني .
ساره بخوف وصوتها بدأ يعلي : سلييييييم !!
أنت تقرأ
أ هي صدفه أم أنه القدر
Diversosالحب وجه اخر للموت ٠٠ "إما أن تموت عشقا أو تموت شوقا او ألما علي فراق من نحب" اتنين ألتقوا بالصدفه وجمعهم القدر دون مقدمات ،فهل هيقدروا يتغلبوا علي مصيرهم؟! ، وفي لحظه وقف عندها الزمان عيونهم حكت الف كلمه وكلمه ولكن الكبرياء بالحب لا يبالي تابع...
