أ هي صدفه أم أنه القدر

( البارت السابع)✨

الجرسون بص لساره وكانت الصدمه
ساره: أبو زيد
الحارسون: انت بتعملي ايه هنا ومين ده
ساره: ده ده الرا... أوقفها سليم بنظره
سليم: هو حضرتك تعرفها
الحارسون: اسكت خالص ده جوزك صح المكان ده مش بيدخلوا غير المتحوزين لان من شروط التسجيل صوره القسيمه
ساره: اسمعني بس
الجارسون: اسكتي خالص أنا لازم اقول لسماح
سليم : ممكن تسمعني دي مش مراتي دي طالبه عندي في الكليه وانا كنت جابيها علشان أعرض عليها شغل
الجارسون: استحاله تدخلوا لو أنتوا مش أعضاء
ساره : اصل سليم صاحب صاحب المكان
الجارسون : انت صاحب عماد بيه
سليم: اه
الجارسون : بس يا ساره انت ذي بنتي وأنا لازم اقول لسماح بردو
ساره: لا يا عمو اسمعني بس
الجارسون: مش سامع حاجه ، ده قال عليكي المدام
ساره: هو مش قصده
سليم: حضرتك فاهم غلط
ابو زيد: لا ، مفيش حاجه غلط ،كل حاجه باينه
هو قال المدام ، يعني هو جوزك
ساره: لا هو قصده اني هكون المدام
سليم: إيه،.....، اه أنا يعني هي كانت طالبه عندي وصاحبي عجبه  اخلاقها فكنت  بفاتحها في الموضوع
الجارسون: مش مقتنع، ساره أنا المرببكي وعارف أنك بتكذبي بصي
ساره بدموع: أديك بتقول أنك أنت المربني ،تصدق إني ممكن اعمل حاجه غلط
الجارسون: .........
ساره: رد عليا
الجارسون: ........، بصي أنا صحيح بثق فيكي بس بردو بخاف عليكي ، وأنا علشان ارضي ضميري وأكون مستريح هقول لابوكي
مشي ابو زيد وفضلت ساره تعيط أنا هعمل ايه دلوقت
سليم ياله نمشي وفي الطريق هنلاقي حل مشيت ساره وسليم ساره أنا ماما لو عمو زيد قالها أنه شافني مع جوزي هتحصل مشكله وموضوع سلمي هينكشف وموت باسم وهيحصل كميه خلافات مش طبيعيه
سليم: مين الرجل ده
ساره بتوتر: ده جارنا وصاحب بابا
ساره : إيه ده تليفوني بيرن والمتصل عمو صابر ابوزيد
سليم : ردي
أبو زيد: قابلني تاني في النادي عايزك ضروري
رجعت ساره وسليم النادى وقعدوا وجه عم أبو زيد
صابر: طبعا أنا عرفت انكم بتكدبوا لان ده سليم المصري ظابط مخابرات وانت اكيد متجوزه في السر
ساره: عرفت اذي!!!
صابر : لانه كان ماسك قضيه لوحد صاحبي أنا افتكرته دلوقتى بصي أنا هقول لابوكي
ساره: يا عمو ده بابا يحصله حاجه فيها
صابر: أنا مش عارفه أنت اذي تعملي كده ،لبه توافقي تكوني في السر
ساره: أنت فاهم غلط
صابر: لا مش فاهم وحسين الجارسون يشهد أنه قاله دخل المدام
ساره بصت لسليم: ....  
سليم: حضرتك عايز توصل ليه دلوقت صحيح أنا سليم بس دي مش مراتي
صابر: طب  وحسين هيكذب ليه؟!
سليم: علشان أنا قولته كده فعلاً
صابر: أنت قولت كده ليه
ساره: علشان نقد ندخل
قطع كلامها نظرات سليم
صابر: أنا مش فاهم ومش مقتنع ولأنك زي بنتي أنا هساعدك
ساره بأمل: اذي
صابر: أنا هراعى أنه صديق عمري وان ساره ذي بنتي وهديك فرصه لو مترحتش واتقدمت لها رسمي النهارده واتجوزتوا خلال شهرين هقول لابوكي
سليم : انت اتجنتت أنا اتجوزها استحاله
ساره: أنا انت بتقول ايه
صاير: ده اخر كلام ابوكي جاي بكره الصبح علشان عيد ميلاد اخوكي الست سماح عزمتني النهارده لو مكنتش بكره جاي تتقدم ليها وفى حضوري هقول لابوكي وده اخر كلام .
روحت ساره وفي فدماغها مليون سوال روحت لقت سلمي بتلعب مع محمد بلاي ستيشن وقاعده تضحك
ساره دخلت الاوضه وقعدت تعيط علي كل حاجه علي نفسها وعلي أختها وعلي كل حاجه وفجاه مسحت دموعها واتصلت بسليم
ساره: سليم أنا فكرت وقررت أنا هاقول لبابا علي كل حاجه علي باسم وعلي كل حاجه وهو هيصدفني انت مش مضطر تواجه المشاكل دي كلها انا أنا أنا وانفتحت في العياط
سليم: متعيطش وعلي فكره انا خلاص كلمت باباكي وجاي بكره أنا وعم صابر الساعه ٧.٥
ساره بصدمه: ايه بس اذي وليه وبعدين أنا مش مواقفه
سليم: أنا مش باخد رايك أنا ببلغك بس
ساره: هو ايه أنا مش مواقفه أنا مقدره أنك بتحاول تساعد بس انا مش هتجوز بالطريقة دي ومتشكره بس حاجه ذي دي مش انت الهتكرر لوحدك ده مستقبلي
سليم: علي فكره أنا مش بعمل كده علشانك أنا بعمل كده عشان شغلي ومحدش يعرف المهمه أنا مستعد اعمل أي حاجه علشان شغلي يمشي، هتجوزك ٦ شهور وهطلقك بعدها ولو أنت مستعجله ممكن بعد المهمه ما تخلص
ساره: أنا استحاله أوفق علئ كده أنا مش هضحي بحياتي عشان شغلك
سليم: علي فكره انت كده في مصلحتك علشان كده اهلك هيكتشفوا كل حاجه وده مش في مصلحه سلمي وأنا مش هاسمح لك تبوظي شغلي ابدا أنت فاهمه وقفل السكه في وشها
ساره مضيقه لأنها حاسه أنه بيلوي دراعها وفي نفس الوقت شايفه أن حل كويس علشان سلمي وخائفة من رد فعل اهلها لو عرفوا بسلمي وباسم وأنها وحاليا تحت تهديد الخليه .
بس هي مش عايزه تتجوز بالطريقه دي فضلت تعيط لحد ما نامت
عند سليم قاعد بيفكر هل ده صح او لا هو عارف أنها مش موافقه وهو كان ضد فكره الجواز بس بعد العرفه وهو مش هيسمح بان ده بيحصل حتي لو كان التمن جوازه منها هو لازم يعمل كده
تاني يوم الصبح كله قام من النوم بيحضروا البيت علشان الحفله وباباهم جاي بس وسط الاحتفال ده كانت كل غرفه مقفوله جوها أفكارها الخاصة بيها عندك ساره مش عارفه ايه الهيحصل هي جواها صراع بين أنها تحافظ على سر أختها أو أنها تدمر حياتها وتتجوز سليم وعند سلمي خيم عليها سكوت رهيب وسرحان غريب والله أعلم بالبيدور في دماغها أما عند سماح كانت خايفه اي حد يلاحظ ومش عايزه تبوظ فرحتهم وفي غرفة محمد كان عالم تاني خالص منفصل تمام عن البيت هو كمان عقله مشغول بس بالحفله والهدايا 😂كله فاق علي صوت رنة الجرس تعلن عن قدوم الحاج احمد والدهم طبعا كله راح بيرحب بيه وقعد يسالهم عن أحوالهم وعن حياتهم لحد ما سماح قالت الوقت اتاخر ولازم كله يجهز نفسه.
احمد: ساره استني عايزك
ساره وقلبها بينبض جامد: نعم يا بابا
أحمد: قبل اي حاجه سلمي فيها ايه
ساره بتوتر: هي كويسه وقاعده تضحك وتهزر كمان
احمد: امممم لا عينها بتقول غير كده بنتي شايله كتير وساكته دي مش سوسكا أبدا
ساره: انت مكبر الموضوع هو بس ضغط امتحانات وبعدين هي ذي القمر انت بس البتخاف عليها أوى
احمد: امممممممم🤔المهم كان في حاجه عايز أقولك عليها
ساره وشها جاب الوان الطيف وقلبها كان بيدق بسرعه لدرجة أنها كانت خايفه أن باباها يسمع صوته
ساره: اتفضل
أحمد: انت طبعا عارفه أنك بنتي الكبيره وفرحتي الاوله ونفسي افرح بيكي أنت كنت بترفضي علشان لسه مش مخلصه تعليم وأنت دلوقت خلاص انت اتخرجتي يا حبيتي وهو انسان محترم جدا بس برده أنا مش هضغط عليكي هو هيجي النهارده أنا حاولت كتير في إني أن أجل الموضوع ده بس هو مصر انهارده وهو جاي من طرف عمك صابر شوفيه وبعدها فكري براحتك قولتي ايه
ساره: التشوفه يا بابا
احمد: أدخلي جهزي نفسك عبان ما اعطيهم خبر
طبعا البيت كله عرف بالموضوع وكله كان فرحان ما عدا ساره طبعا
سلمي: إيه أنا آخر من يعلم يا صرصور ماشي ياله علشان تجهزي يا عروسه
ساره ضحكت لسلمي بس كأن جوها دمعه قهر بتقول كان نفسي افرح في اليوم ده كان وكان بس للأسف مش من حقي
سلمي: انت بتفكري في إيه العريس علي كلام بابا ظابط محترم وشكله حلو وغني جدآ ومستعجل كمان ملكيش حق ترفضي ده أنت حظك من السماء اوعي تكوني زعلانه علشان مش بتحبيه الحب ده كلام فارغ مش ليه وجود اهم حاجه المصلحه والنجاح إنما القلب والهري ده ملوش وجود ده كلام مراهقين وانت عمرك ما كتني من البيشجعوا على الحب والارتباط
ساره:انت بتقولي ايه أنت مش سلمي اختي الاعرفها أنا مقدره أنك مجروحه ومصدومه بس انت عمرك ما كنت بتفكري لا في فلوس ولا في منظر أو حتي كنت مصلحجيه
سلمي: كأن فعل ماض كنت عيله هبله ومراهقه غبيه جو الدنيا البنبي ده مش ليه وجود أهم حاجه الشكل والفلوس والراحة والسعادة إنما مفيش حاجه اسمها حب انت فاهمه ومفيش حاجه اسمها طيبه الناس كلها وحشه ومحدش يستاهل الثقه كلهم منافقين
ساره: انت أنت  اذي بقتي كده ،كلامك مش صح أنا أنا لازم اجهز علشان متاخرش راحت ساره تجهز
و سابت سلمي قاعده بتبكي ومش مستوعبه حاجه هي عارفه أنها بتكذب بس دي الحقيقه ولازم كله يتقبلها أنها اتغيرت وبقيت انسان تاني
دخلت ساره ولبست اختارت فستان ازرق ملكي ساده ضيق شويه من عند الوسط و من علي الصدر وبيستع من تحت حاجه بسيطه ولبست عليهم طرحه بيضاء فيها ورد ازرق بسيط
دخلت سلمي الاوضه
سلمي: ايه الحلاوه دي اومال ان مكنتيش ضاربه بوز😂🤣
بس علي عموم استني ورحت جري وجابت سلسله لولي وحلقات فضي لونه ابيض في ازرق وقالت لها كده أحلي علشان كله كله ساده كده دي مناسب يا قمر لازم تاخدي بالك شويه ده انت عروسه
بصت ليها ساره بصه بمعني اخرصي 😒😂
عدي الوقت وبدأت الحفله وكله مشغول بالضيوف وبعد٣ ساعات كان مشي الكل ومش فاضل حد
بعدها بشويه جه عم صابر وسليم وأحمد استقبلهم احسن استقبال
عم صابر : بص يا أحمد يا خويا ساره دي مش بنتك لوحدك دي بنتي أنا كمان وأنا المربيها يعني لي حق فيها ذيك وسليم ظابط محترم قد الدنيا وليه مركزه ويشرفنا أن أنا أطلب ايد بنتي ساره ليه
سليم: أنا دي حاجه تسعدني إن ساره نكون شريكه حياتي
احمد: وأنت أي حد يتشرف بيك
بس أنت تعرف ساره من فين
سليم بص لعم صابر فعم صابر أتكلم سليم كأن ماسك قضيه واحد صاحبي ومن ساعتها واحنا أصحاب وكان بيدور على عروسه وأنا قولت مفيش أحسن من ساره
طبعاً قعدوا يتكلموا شويه ويتعرفوا وده كله وساره وفقه تسمع كلامهم من الاوضه
وفاقوا علي الكلمه الشهيره نسيبهم مع بعض شويه
قاعدة ساره وسليم يبصوا لبعض ١٠ دقائق محدش نطق بكلمه
سليم : أنا عارف أنك مش موافقه بس دي حاجه موقته مش اكتر
ساره رفعت دماغها لأول مرة من أول القعده : أنا عارفه بس لسه مش متقبله الفكره
سليم: أنا عارف أنها حاجه صعبه عليكي بس لازم استحملي وبعدين مش كفايه اني هستحملك
ساره: وأنت الهتستحملني بجد ده انا هاشوف ايام سوده معك هو أنت حد يطيقك
سليم: كويس أنك عارفه وبعدين انت اذي تتكلمي معي كده انت مش عارفه أنا مين أنا سليم المصري الاي حد بيسمع اسمي يقوم يقف ده أنت تنولي الشرف أنك يبقي اسمك طليقة سليم المصري
ساره,: أنت مغرور وأنا استحاله اتجوزك
سليم: هتواققي ورجلك فوق رقبتك هو أنت ......
قطع كلامهم دخول سلمي بالعصير ولسه بتعطي ليه العصير اكتشفت أنه سليم المصري
وقعت الصنيه علي رجله من الصدمه
سلمي: انت انت أنت العريس
سليم  بنص ضحكه: ايوه انا وشوفي أي حاجه أمسح بيها العصير الانكب ده
ساره : جابت ليه مناديل
سلمي: أنا أسفه بس اتفاجىت بصراحه
احمد: في ايه ملكم يا ولاد
سليم: لا مفيش حاجه بس أنا كنت عايز يعني لو فيه نصيب نعمل الخطوبه وكتب الكتاب بكره
احمد: إيه 😳😧اذي يا بني استحاله مش أما تتعرفوا الأول
سليم : حضرتك تقدر تسأل عني وأنا عارف الانسه ساره كويس
احمد: لابردو مفيش العجله دى
صابر' خلاص بكره الخطوبه علي الضيق تلبيس دبل وكتب الكتاب يوم الخميس الجاي أن شاءالله
أحمد بذهول : يعني كمان ٤ أيام بس أنتوا مالكم يا جماعه
سماح : وأنا موافقه لو أنت وساره موافقين
الكل انصدم من رد سماح والمواقفه والرد السريعه
أحمد : يا جماعه دي بنتي وخايف عليها إحنا نعرف رأيها الأول وبعدين نشوف الموضوع ده هنرد عليكم بكره الصبح
صابر: لا بكره ولا بعده أنت يا بنتي رايك ايه
ساره بصت لوشوش الكل وقالت بعصبية: انتوا بتتخانقوا علي ميعاد كتب الكتاب قبل ما تسمعوا رأيي
عم صابر بعصبيه : رايك؟؟ 😲 أيوه طبعا انت رايك أهم حاجة انت مواقفه علي سليم 😕
إحنا قولنا السكوت علامه الرضا
أحمد: قولتي إيه.... ، يا بنتي أنا مش عارفه ايه سبب العجله دي بس لو عايزه وقت قولي وأنا معك
سليم : حضرتك أنت عارف أن شغلي مش بايدي. و ممكن اسافر في أي وقت وأنا عايز اتجوز ساره قبل المهمه الجايه ومش هقدر اخد أجازه اكتر من أسبوعين
أحمد بعدم اقتناع : بس يعني بس ...
عم صابر: مبسش يا أحمد ، إحنا نسمع رأيي العروسه
ساره 😤 : أنا خلاص قررت أنا ......................

🌼_______________🌼