أ هي صدفه أم أنه القدر

(البارت الرابع)✨

سليم:  أنا عندي خطه مبدأيه اتصلي بيه علي اساس انك بتحاولي تقنعيه أنه يرجع الصور مقبال فلوس او اي حاجه المهم أنت تطولي في المكلمه لحد ما تقدر نحدد مكانه  واقدر من خلاله أوصل للخليه
سلمي: تمام
سلمي اتصلت بباسم
باسم: ..........................
سلمي بصوت مخنوق: الو
باسم:..............................
سلمي: أنا عارفه إني مش مهمه عندك بس انا متصله علشان اطلب منك الصور ارجوك أنا مستعده اشتريهم
باسم: ههههههههههههه 😓انت ليه مش عايزه تفهمي ده شغلي وبعدين أنا مش قد العب مع الناس دي
سلمى: ناس مين
باسم: ماعرفش واحسن لك متحاوليش تعرفي
سلمى: انت معندكش قلب اعتبرني أختك
باسم الكلمه وجعته: أنا عارف بتحاولي تطولي المكالمه علشان تعرفي موقعى وبتحاولي تهكري تليفوني دلوقتي بس انت بضيعي وقتك في الفاضي مش هتعرفي😏😒
سلمى بصدمه: انت عرفت منين
باسم: الجهاز عندي بيعطي إنذار متشغليش بالك المهم انسني احسن لك
سلمي: باسم باسم باسم أرجوك
باسم: أقولك علي حاجه أنا مسميش باسم اصلا انا اسمي وليد ومهندس كمبيوتر ومصمم برامج خبيثه سلام يا سوسكا
سلمي بعياط وقفلت الخط
سليم: الود ده شكله مش ساهل بس عالعموم احنا قدرنا نسمع مكالمته ونجسس عليها في العاده مش بنعطي الموضوع ده الأهمية دي بس الموضوع شكله عصابة كبيره علشان كده هتنعامل مع الموضوع بجدية
سلمي: انت عارف أنه عرف بخطتنا
سليم: اه أنا سمعت الحوار
علي العموم وأول ما حد يتصل بيه هنقدر نسمع المكالمات وهو عارف أن أنا مقدرتش احدد موقعه بس انا قدرت أتجسس علي مكالماته
اتفضلي انت دلوقتي ولو في جديد هاتصل بيكي
نزلوا الكل وساره بتفكر في سليم وخطته وسلمي الكل تفكيرها في باسم وأنها مش هقدر تكمل من غيره صحيح هي تعرفه من أقل من شهر بس هي اتعلقت بيه لحد الإدمان
عند باسم ( وليد)
اسامه : انت مالك ليه علي طول سرحان وبعدين بقالك يومين من غير شغل البوص هيزعل ده أنت دراعه الايمين
باسم(وليد): انت مش رايق لحد وبصراحه دماغي مصدعه مش عايز أشتغل
اسامه: وليد أنت مش صحبي انت أخويا انت حبيت البت الاخيره دي وأنا عارف والدليل على كده انك عن رغم انك وصلت للصور من أسبوعين بس بقالك أسبوعين بتكلمها وأنا ساكت وكل ما اتكلم تقولي بتسلي فوق يا صحبي دي عمرها ما هتسمحك وبعدين ده شغل مفيش حب وعواطف والكلام الفاضي ده
وليد: الحب موجود وهو الحاجه البتخلي للحياه معني الحياه من غير حب متتعش أصلا وأنا طول عمري مومن بيه بس الذينا مش مكتوب ليهم الكلام ده احنا الات ينفذ اليطلب مش اكتر 😓أنا فعلا اتعلقت بيها وعارف أنها دلوقتي بتكرهني وعمرها ما هتسمحني هي كانت رقيقه اوي ونقيه اوي بس انا وسخ اوي ومشت في طريق ولازم اكمله للاخر المهم سيبك منها يومين وهنسها بس قول البص اني واخد شهر أجازه
اسامه: شهر لا كده يزعل
وليد: ميقدرش يزعلني أنا البريمو
اسامه: انت حر أنا هاروح أخلص مصلحه وارجع سلام يا برووو
عند ساره قاعده بتفكر هل سليم هيقدر يساعد وهو شخص مغرور اوي ومعندوش ذوق خالص هي مش عارفه عن رغم أنها متضايقه منه بس حاسه أن هو شخص كويس أوي مش عارفه بس عندها احساس وكأنها تعرفه أو أنه مش غريب عليها حاسه ان في حد تاني تحت القسوه دي كلها وبعدين فاقت لنفسها أنا بفكر في إيه هو حر في حياته انا أهم حاجة عند سلمي وبعدها افتكرت أن بابها هيجي قريب وقعدت تفكر هي المفروض تعمل إيه تعرفه أو لا وبعد تفكير طويل قررت أنها الصبح هتقول لمامتها علي كل حاجه بس المشكله أنها ملاحظه ان سماح صحتها مش مظبوطه اليومين دول
عند سليم رجع من الشغل الساعه ١.٥ وقعد في الصاله بيمد أيده في جيبه لقه تليفون سلمي وافتكر قضيتها وقعد يفكر هل موضعها ده مجرد سرقه صور أو موضوع كبير وهو عنده إحساس أنه مش موضوع ساهل وأنه أعمق من كده وهو شايف أن وليد مجرد فرد من تنظيم بس السوال المهم مين الجماعه دول وليه بيدفعوا فلوس علشان الصور دي وهل شكه في محله أو لا بعدها فتح تليفون وقعد بفتش فيه علي اي خيط وفتح الاستديو كان في صور كتير لسلمي وبنات كتير بس لفت نظره البوم مكتوب عليه الشيخه سورا
فتح الألبوم وكان كله صور لساره في أماكن مختلفه ودي كانت أول مره باخد باله من ملامحها حس انها هادئه وطيبه عن رغم أنها نظراتها تدل عليه التحدي وبعدين فاق علي صوته اصحي يا سليم دي من نوعهم نوع غدار وخائن وكذاب وكلهم وحشين انت سليم المصري مهمتك الوحيده في الحياه الشغل وبس انك تفضل رقم واحد فارس الداخليه 😎
في مكان تاني عند ساره قاعده مع سلمى
ساره: انت لازم تسمعني أنا عارفه أنه مش وقت عتاب بس بابا هينزل بعد بكره وأنا لحد دلوقتي ماقوليش لماما وأنا ساكته علشان حاسه ان صحتها اليومين دول مش تمام بس لازم نشوف حل ويعرفوا
سلمي: لا بابا لسه جاي ومش عايزه يزعل ونبوظ عيد الميلاد وماما مش عايزها تقلق
ساره بعصبية: انت عبيطه أنا في ايه وأنت في إيه
سلمي: علشان خاطري
ساره بتنهيده: هاجل الموضوع لبعد الحفله بس مش بعد كده علشان ماما مش اكتر وهخلي بابا يقنعها تروح تكشف لأني مش مطمنه
سلمي: ماشي
سلمي بتفكير:أنا تعبانه أوي يا ساره ومش مستوعبه حياتي من غيره
ساره بتحاول تتمالك اعصابها من غباء أختها
ساره: الانت فيه ده حاله نفسيه أن عقلك الباطن مش مستوعب فكره البعد لان في قاعده في علم النفس اسمها انبهار الخذلان( جاذبية الاهباط) ان لو أنت حبتي حد ومكانش لي الحوار الكمال عقلك الباطن مش بيستوعب الحياة من غير وبعدين أنا عايزه أوضح لك نقطه الست في دراسات في علم النفس بتقول أن الست ممكن تحب حد عن طريق السمع إنما الرجل لازم يكون شافك لان قلبه بيعتمد علي النظر فهمتي يعني أنت مش في دماغه وبعدين أنا مش بحب الشخصيه الضعيفه خليكي قويه والباعك تبعيه أنا مش عايزه أتناقش معك حوار انك غلطانه ومش غلطانه عشان انت حالياً تعبانه  إنما باسم صفحه وانقفلت أنت فاهمه وأنا الصبح هكلم سليم نشوف الجديد واخر مره تخبي عني حاجه وبعدين أنا مش عجبني حالك أنت مش أختي يا سلمي أنت بنتي قولي اي حاجه ومتخافيش مني  اذي تخبي عني ما ده
سلمي حضنت ساره وقعدت تعيط وتعتذر علي كل حاجه
ساره: مش وقته روحي نامي وأنا الصبح هاشوف سليم باشا
تصبحي علي خبر
الساعه ٥الصبح سليم بيتصل علي ساره
ساره: الو
سليم: آنسه ساره عايزك في مكتبي ضروري وبسرعه
ساره: خير في حاجه
سليم : انسه ساره في مستجدات كتير ولازم تجي
ساره: دلوقتي طب طب حاضر هاجي
قامت ساره لبست ونزلت وكان كل المسيطر علي دماغها لو حد صحي وملقهاش في البيت
وصلت ساره ولقت سليم قاعد وقدامه ورق كتير
ساره بخوف: أنا جيت خير
سليم من غير ما يرفع دماغه لسه مركز في الورق : أنا طبعا مراقب المكالمات وهو حد اتصل بيه انبارح وكان كلامهم أنهم بيخططوا لحاجه مهمه بس مقدرتش أعرف إيه هي والنهارده هيتقابلوا في نايت كلاب علشان يتكلموا أنا هحاول اروح واقبض عليه بس المشكلة ان أنا مش عايز استعجل يمكن أوصل لمعلومات عن الخليه المهم أنت المطلوب منك انك تكوني موجود علشان لو احتاجنا مساعدة من سلمي
ساره: ماشي بس انا مش هينفع ادخل مكان ذي ده
سليم ببرود : بلبسك ده اكيد اه لازم تلبسي حاجه من عند أختك
ساره بعصبية: لا طبعا أنا محجبه ومستحيل اغير لبسي
سليم بتفهم : طب خلاص مش لازم تكوني موجوده
ساره بعند: لا أنا عايزة احضر
سليم بعصبية: أنا معنديش وقت لساخفتك دي شوفي حل انت منظرك ده هيكون ملفت للنظر في مكان ذي ده
ساره : خلاص أنا هتصرف
الساعه ٧ وسورا كذبت وقالت إنها هتروح عند إيمي علشان تعبانه
نزلت وراحت عند ايمي
ايمي: ايه هتلبسي ايه
ساره هلبس بنطلون وعليه بوت فوق الركبه علي هاي كول وعليهم كلبوش
ايمي 🤨 بعيدا علي انك مش لائق عليكي وعك اوي البس ده أنه مينفعش نهائى لسهره
ساره: والعمل أعمل ايه
ايمي: خدي فستان من عندي
ساره بتمسك: مش هينفع أنا محجبه
إيمي باستهزاء: يعني الهاي كول والكلبوش حجاب
ساره بدمعه: بس احسن من مفيش
ايمي بحزن  انت حره بس مش هينفع خالص تعالي وأناهاتصرف
ايمي خلصت تلبيس ساره وكان عباره عن فستان ازرق شيفون مبطن طويل لتحت الركبه وبوت طويل مغطي باقي رجلها ايه رأيك
ساره برفض: لا أنا مش عاجبني
ايمي بتعجب: هو ايه دي معجزه اصلا اني قدرت القي فستان طويل وبكم لا و واسع كمان وبعدين أنت مش باين من جسمك ولا سم البوت طويل والفستان منفوش يعني جسمك مش ظاهر اصلا
ساره : اممممم، ماشي بس شعري استحاله أمشي بيه
ايمي بتفكري: والحل؟! البسي بروكه
ساره بنفي: بس حرام وووو وأنا
إيمي: خلاص يا ساره مش مهم مره
ساره : استحاله
ايمي: مفيش حلول تانيه
ساره بعد تفكير : افتكرت سلمي ، ماشي
ايمي : تمام ياله علشان ديركولا بره
خرجت ساره وهي وشها احمر مش مستوعبه أنها تخرج بالمنظر ده والدموع في عنيها
سليم أنصدم من شكلها كانت حلوه اوي بس هو اتعصب اوي لما شاف شعرها ومعرفش السبب فزعق ياله عشان هتتاخر وسلمي تحت لوحدها
ركبوا ووصلوا
سليم: أنت يا سلمي عارفه شكله صح
سلمي: اه هاشاورلك عليه
دخلوا كان المكان مزحوم أوي ومش لقين حد
وفجأة
واحد من الشباب شاف ساره
$-اهلا جايه الوحدك أو معك حد
ساره: بصت له من فوق لتحت ومشيت مسك أيدها
$: استني يا جميل
ساره: انت يا حيوان اذي
ولسه بتكمل كان سليم ادله بوكس👊 في وشه سليم علشان تعرف تبص علي حاجه تخصني يا حيوان واخدها وخرجوا
ساره: انت ليه ضربته احنا مش عايزين مشاكل
سليم: علشان هو قليل الادب ويستاهل
ساره🥺😧: سلمي فين
سليم : إنا نسيتها جوه دخل يدور عليها هو وساره لقوها منهاره من العياط
ساره: في ايه سلمي بتشاور علي عريبه
سليم فهم إن الموضوع ليه علاقه بوليد اخد أرقام العربيه وركبوا وحاول يلحقها ساره قاعده في والكرسي الورا بتحاول تعرف سلمي مالها
(فلاش باك)
وليد: بتعملي ايه هنأ جايه علشاني
سلمي بعياط: ايوه
وليد : ليه كنت عايزه تسلمني
سلمي:------
وليد 😏: أنت لسه متعلقه بي
سلمي بتعيط ومش بترد
وليد بتحزير: أنا تنسني خالص وابعدي عني وعن طريقي عشان متتاذيش الناس المعي صعبه والبيلعب بالنار بيتحرق أنت مش قدهم وهتضعي أنا نصحتك سلام يا سوسكا
سلمي بعياط: أنت انت ليه أنا عملت ايه طب اسمعني أنا أنا أنا حبتك اوي انت دمرتني بجد
وليد بغضه: أنا ماشى واتعلمي الدرس مش كل الناس كويسه ذيك افهمي الندم مفيش منه فايده كملي حياتك وانسي الفات
ولو علي الصور متخافيش أنا مش هبيعهم بس ابعدي عني وعن كل حاجه تخصني علشان هتندمي
عوده
ساره : انت فين ردي عليا
سليم : انجزي أنا بحاول أفضل ماشي وراه
سلمي: قالي ابعدي عني علشان ما اندمش وقالي أنه مش هيبع صوري
سليم: ده اكيد بيكذب
ساره: احنا لازم ما نثقش فيه
سليم : هو نزل من العربيه وتقريبا ده بيته
أنا هنزل واقبض عليه
ولسه سليم هينزل لقي في حد طالع عنده الشقه
ساره: أنت ليه وقفت
سليم: في حد طالع وأنا هستني لما ينزل مش عايز اكشفنا أنا عايز استغل وليد في اني اوصل لالخليه كلها وظهوري دلوقتي هيفسد الخطه استني لما ده ينزل
فضل سليم قاعد حولي ٤٥ دقيقه لحد ما شاف الشخص ده نزل ولسه هينزل لقي سلمي بتصرخ
سليم: في ايه
سلمي: وليد بيقولي كلمني فيديو
سليم : افتحي
وليد: اذيك يا سلمي ارجوكي ما تعيطيش
سلمي: عايز إيه مني
وليد: عايز اشوفك لاخر مره
سلمي: تقصد ايه
وليد بيدمع: متخديش في بالك أنا عايزك تسمعني كويس أنا فعلا حبتك بجد صحيح كان هدفي الداتا بس أنت غيرتي مساري أنا مش شخص وحش ذي ما أنت فاهمه أنا هحكيلك حكايتي أنا اسمي وليد السنهوري مهندس كمبيوتر أبويا مات قبل ما اتولد وماماتي كانت شغاله مدرسه وكان عندي اخت اصغر مني ب٧ سنين وأنا في ٢ كليه أختي ضرباتها عريبه بنت متهوره كانت شكلها شاربه والبنت دي مشيت ومحاولتش حتي تساعدها وأختي ضاعت مني في الحادثه وامي جالها صدمه عصيبه فقدت النطق خالص وأنا قررت انتقم من البنت دي الدمرت حياتي من غير رحمه ودخلت علي النت واتعرفت عليها بس الفرق انها كانت مش كويسه أصلا وقدرت اوصل لكل صورها وعملت ليها فضائح اتكلمت عنها كل الصحف واخدت حقي وبما أني كنت مهندس شاطر أوي قدرت اخترق الجهاز بسهوله من غير ما حد يوصلي وبعدها كنت قررت اكمل حياتي واعالج أمي بس ظهر في حياتي سامر وده الرئيس بتاعي وهددني إني يا أشتغل معه وانمي مهارتي يا هيقول أن أنا الوراء الفضيحه دي وأنا رفضت في البدايه بس بعد ما هددني بامي وفقت في البدايه كنت حاسس بالندم بس بعد كده بقي الموضوع عادي أنا كانت كل مهمتي اني اجيب الصور والاكونتات بتاعته البنات واعطيها لسامر وهو بيعطني فلوس للعلاج أمي وبس وهنا بينتهي دوري أنا بس بقولك كده علشان نفسي تسامحني أنا حبتك أنا عارف أن مفبش فايده من كلامي وانك مش هتسامحني أنا حرقت الفلاشه أو أي حاجه تخصك ومحدش هيقدر يوصلك دي اخر مره هتشوفني بس عندي منك طلب سامحني وكملي حياتك أنت متستهليش الأنا عملته فيكي سامحني يا سوسكا عمري ما هنسي شعرك ابدا سحر العيون شدني هزيت بشعور هزني وسط الرياح عقلي تاه مسمعتش غير صوت...... سلمي ابعدي عني وعن الخليه هتندمي انت مش قدهم وسليم باشا ده شغله إنما أنت لا ابعدي أنا عارف انك تحت البيت احب اقولك ........
وفجأة صوت ضرب نار هز المكان......
يا تري إيه الحصل ؟!
🌼_______________🌼