أ هي صدفه أم أنه القدر

(البارت العاشر )✨

عند سلمي راجعه بتغني وفرحانه وبتقول" يا ريحانه كلهم منك غيرانه أنت بتسحري بأمنه "...💃💃
ساره: أنت أتأخرتي كده ليه, وايه كل الاكياس البلاستيك دي⁦🛍️⁩
سلمي: دي حاجات ولبس علشان الحفله والفرح واضطريت اروح أصلح التليفون الأول لانه انكسر
ساره: اذي
سلمي: في غبي وقعه مني الصبح😒
ساره: حصل خير وريني جبتي إيه
سلمي: هاروح أغير واوريكي
دخلت سلمي الاوضه علشان تغير بس أول ما دخلت شميت ريحه برفان رجالي غريب جدا بس كان ريحته حلوه اوي
سلمي: الريحه دي جامده اوي بس بتاعه مين اكيد سليم أنا شوفته بره بس ايه الهيجبها اوضتي
المهم أنا هاقيس البس ولسه بتفتح الاكياس علشان تاخد الهدوم لقت في حد طلع من الحمام وقاعد يغني: "تفرق كتير أنا حد غير أنا معجبيني أهم طوابير مان ووسيم فهمان حريم والبنت تنحب بموازين "🎶🎵
سلمي: أنت أنت أنت بتعمل ايه في اوضتي😳 و كنت بتعمل ايه في حمامي ودخلت من باب الشقه اذي اصلا؟؟!! انت أنا ماما ماما الحقوني في غريب في اوضتي 😮
ساره: جات على الصوت خير في إيه يا سلمي
سلمي: الحقيني،مين ده وبيعمل إيه في اوضتي ؟؟
ساره بضحك: اهدي ده عمر أخو سليم
سلمي بصدمه: عمر!! عمر مين وسليم مين وبيعمل إيه في اوضتي بالفنيله
ساره بضحك : أهدي ده عمر المصري أخو سليم خطيبي ، وكان بيغير القميص علشان وقع عليه عصير
سلمي: واشمعني اوضتي 🧐
ساره: علشان محمد كان مشغول واوضتي فيها حاجات الفرح والحمام الرئيسي مع العمال البيجهزوا لحفله بكره
سلمي: ماشى بس كان لازم تقولي 😡
ساره: معلش حقك عليا نسيت 😓
ساره: متلبس حاجه انت هتفضل قاعد كده 🤨
عمر: الجاكت ده ضيق ده بتاع محمد
ساره: خمس دقائق هكوي القميص واجي
عمر بضحكه صفره: مش هتعتذري مني
أنت غلطي معي كتير
سلمي: أنا بردو الهعتذر ولا أنت التعتذر علي الحصل الصبح
عمر ورح نام على السرير: توتو مش أنا الاعتذر وكمل الاغنيه : " أنا أعرف أعمل حكايه أنا ميفرفش معايا ........"🎶
خرجت سلمي وهي متعصبه من عمر وتصرفاته
عند سليم وسماح
سماح: عرفت إيه قولي
سليم: عرفت ان عندك ثقب بالقلب ليه مخبيه
سماح وفي عيونها دموع وباين عليها الصدمه ': لو سمحت متجبش سريه لحد أرجوك بلاش تقول لساره وتكسر فرحتها ولا تنكد عليهم
سليم: أنت ليه مش عايزه تتعالجي
سماح: أنا حالتي متاخره ومفيش حل غير العمليه ونظرا لظروفي الصحيه نسبه النجاح ٣٠٪ يعني صعب جدا
....،بس أنت عرفت اذي
سليم: أنت ناسيه أنا يشتغل إيه أنا ظابط واكيد لازم أعرف كل حاجه عن الهتكون مراتي
سماح: سليم اوعدني أنك نفضل مع ساره دائما وجنبها
سليم وعينه بدات تدمع: أنا آسف أنا مش قد الوعد ده
سماح: لا محدش هيحافظ علي ساره ذيك أرجوك اوعدني
سليم: بس أنا
سماح: أرجوك 🥺
سليم: أواو أو عددددك
بس أنا كمان من حقي اطلب منك طلب ،
سماح: قول
سليم: تسمعي كلامي وتنفيذ خططة العلاج بتاعي ،واوعدك مش هقول لحد
سماح اخدته في حضنها وقالت ربنا يخليك ويحفظك يا بني😍
قطع كلامهم دخول سلمي
سلمي: ما ... خير مالكم شكلكم متغير ليه
سماح: مفيش حاجه بس سليم كان بيعلمني طريقه عمل البانيه
سلمي: إيه ده سليم ييه المصري بيعرف يطبخ ؟!
سليم: اومال هو أنا أي حد أو إيه 😂
سلمي: تحب اناديك إيه ،صحيح عندك كام سنه
سليم بغمزه: تديني كام
سلمي: شكلك من ٢١ ل٢٦ كده معرفش بس المهم انك مز 😂
سليم: لا لا أنت شايفه البت بتعاكسني يا حماتي
سماح : ههههه
سليم: ٣٥ سنه ونادي سليم عادي
سلمي: لا أنت هاقولك يا أبيه
سليم: ملوش لازمه الألقاب دي
سلمي: علي فكره انت بتكون احلى وأنت مش في الشغل كده احلي بكتير
سماح: هو أنت شوفتيه في الشغل
سلمي: انا انا لا يعني😳
سليم: ماما هاتي طبق أطلع فيه البانيه
سماح: حاضر يا سليم دقيقه 😊
سلمي خرجت قبل ما توقع بلسانها وتوبظ الدنيا
عدي اليوم عادي ما بين تغليس عمر😅 علي سلمي وتعلق سليم بالعيله 😍وساره البتكتشف جانب جديد من شخصيه سليم وجه وقت المشي
سليم: تستأذن إحنا ونقابلكم بكره أن شاء الله في الحفله🙂
احمد: أن شاء الله
مشيوا ورجعوا البيت
سليم: إيه أنت قاعد ليه أنزل يا بني
عمر: لا أنا هاروح أسهر مع صحابي سلام
دخل سليم غير هدومه وقعد يفكر في الوعد القطعه علي نفسه ويفكر في ساره وفي عائلتها هو مينكرش أنه بدأ بتعلق بيهم بس الماضى بتاعه مش سايبه في حاله ومش قادر ياخد اي خطوه لقدام أو حتي يرجع لوراء قرر أنه يبدأ يعيش السيناريو والحوار لآخر و كفايه تفكير
عند ساره: ليه مش قادره اشيله من دماغي ليه مهما احاول أنا تعبت
سلمي: يتهني بيه 😉
ساره: مين
سلمي: الاخد عقلك هو فيه غيره سليم
ساره ؛ مش عارفه ابطل افكر فيه ابدا مهما حاولت
سلمي 😏: سبق وقولتي لي أنك لما يكون في حد بتفكري فيه من غصب عنك ومش عارفه تشليه من دماغك أنه أحيانا بيكون ده نتيجه أنه هو اليفكر فيكي
ساره: اممممم مااعتقدش وبعدين انت مالك بعلم النفس أنت .
سلمي: وليه لا ،او أنت بداتي تحبيه وبعدين مش ده كان كلامك 🤨
ساره: أحبه؟؟ لا طبعاً
سلمي: ليه ماله سليم جمال موز😅 عضلات وسكس باكس وظابط وليه إسمه وكاريزما
ساره: متلمي نفسك شويه🤨
سلمي بضحكه صفره 😉😏: أنت غيرانه علشان بقول عيله مز 😂
ساره: .....،وبعدين الحب مش بيفكر كده 😒
سلمي: أنا تعبانه ومش ناقصه فلسفه كفايه عمر طول النهار يرخم عليا
ساره: مش عارفه أنت مش عجبك ليه ده دمه خفيف جدا وطيب خالص
سلمي: ساره أنا تعبانه اوي أنا رايحه أنام سلام تصبحي علي خير
ساره: وأنت من أهله أنا كمان هنام علشان كتب الكتاب بكره 😒
عند عمر كان قاعد في ديسكو مع أصحابه
فادي: في إيه يا بني منتش مركز معي ليه 🤨
عمر: لا مفيش 😒
فادي: مزه جديده ولا ايه
عمر: مش بالظبط🙄
فادي: يعني إيه
عمر: يعني سلام أنا مروح علشان بكره جواز اخويا سلام
صحيت سلمي من النوم علي صوت بره وعرفت أن ده اكيد صوت العمال بتوع التحهيز وخرجت علشان تشوف وصلوا لفين بس انصدمت لقت عمر قاعد ورجله علي الطربيزه وبيغني" مين يشوف نظره عنياكي ومش يضعف ،يام الرموش مبيرحموش ويتخطف ، مين يسمع صوتك وبعدها يتكلم ، يا صوت كمان عدي الجنان شجن وبيعزف يا عمله نادره نظره وفيكي أنا دايب يا قمر منور من حبك أنا شارب، يا عقد فل حن وطل 🎶 "
سلمي بغيظ: أنت بتعمل ايه هنا دلوقت
عمر: عرفت أن سليم مجابش مهندس ديكور قولت اجي أنا هتولي الموضوع ده
سلمي بصدمه : استحاله ده اختصاصي أنا ومسمحش لحد يتدخل فيه
عمر: أنا مش اي حد 😉 وقعد يغني 🎶 يا بنت بلدي هاخد وادي ده الود ودي بوسه من الخد من العنين دي حبك ده جاني وظبط الفظ🎵🎶"
سلمي يغيط: أنا هوريك يا عمر 😡
عدي اليوم بين عمر وسلمي كل شويه يختلفوا علي الديكور وهو بيغلس عليها كل شويه جه وقت الحفله ووصل سليم وكان قمه في الروعه والجمال كان لابس بدله كحلي وكرافاته فضي وعامل شعره بف ومرجعه لوراء كان شكله يجنن بمعني الكلمة لونها مناسبة مع بشرته الخمري وعيونه العسلي وشعره البني الفاتح كان قمر
وصل سليم: اذيك يا عمي
احمد: الحمد لله أنت عامل ايه، ساره خمسه وتخلص
قطع كلامهم دخول ساره وكانت الصدمه لسليم كانت لبسه فستان كحلي ساده وفيه فصوص فضي من علي الكتاف والدراع وذو حزام فضي كان منسدل ونازل عليها بطريقه تجنن وفي طرفه من تحت فصوص فضي مع طرحه فضي ستان واكتفيت بروج أحمر غامق وايلاينر اسود مع الكحل كانت قمه في الجمال والبراءة ذي الملائكه ......
فاق من صدمته علي صوت احمد
احمد،: ياله علشان الوقت ميتاخرس
ساره: لا لسه سلمي وايمي بيلبسوا
سليم: ومصطفي وعمر لسه
وصل عمر وكان لابس بنطلون جينز بلاك مع قميص ابيض و جاكت أسود وفاتح أول زرين من القميص كأن شكله شيك جدا بعيونه الرمادي والشعر الأسود الكثيف
سليم : عمر وصل وسلمي كمان جات هناك أهي ياله علشان الوقت ميتاخرس و نلحق .
بدا المازون يقول وسليم يقول وراه وهو دماغه في حته تانيه ومفاقش غير علئ الكلمه الشهره بارك الله لكما وبارك عليكما وجمع بينكما في خير
أحمد: مبروك عليكم يا ولاد
ساره : الله يبارك فيك يا بابا
أحمد : سليم توعدني أنك هتخافظ عليها ،دي هي حياتي
سليم بتعب وخوف: اووعدك يا عمي
مشي احمد وفضلت ساره مع سليم وعم بينهم سكوت رهيبه وكل واحد في فدماغه الف سوال ، وسليم الجواه حرب داخليه لحد ما قطع السكوت ده صوت سليم بيقول :........