أين المناص

مقـــدمة

7/10 تموز
يوم السبت.. 

الساعه ١٢:٣٠ الظهر

الشمس تصكع صكع
وبدت المدراس اطلع طلابها!
والجوامع تعلى بصوت الأذان..

وكل المحلات قفلت ورجعوا لبيوتهم!

المدرسة الثانويه بعلبك للبنات '

"طلعيلي لج والله اله اسحلج
سحل واخلي الما يشتري يتفرج
لج اني تكولين عليه ام الولد والله ووحق الله اله
امسح بيج المدرسة كلها

" غرور دخيلج سكتي هسه تجي المديرة
عوفيها خليها تحجي

كفت ردانها وشالت شعرها الطويل
عن وجهه بعدته

"لو اني لو هيا اليوم
ووخري انتي من وره ظهري لا احطج يمها
ووخري

تقدمت وسحبتها من شعرها
وطلعتها خارج المدرسة
و مسحت بيها كل التراب الموجود
وهيا بين ايدي
بس تعيط وتبجي!! ومحد يكدر يدافع لان راح يصير وياها

" اعلمج ع منوووووو تحجييين
اعللللمج لج اني غرور
السانج ينكص قبل ما ينجاب طارييي

صارت هوسه وناس صارت تباوع
وشباب ووكفت...

وهيا تعيييط

" الله يخليج عوفيني غرور اسفة
والله ماااعيدها غرور لاااا الله يخليج

ذبيت شعرها من أيدي بقوة
واني الهث

اخذت حقي منها وبعدت عنها
رجعت ردن قميصي
بكل هدوء ورجعت شعري ذبيته ع ظهري

و باوعت ع كل البنات الموجودات!

" انتقلت من خمس مدارس وهاي يمكن رقم السادس
اذا وحدة بعد فكرت تجيب طاري غرور ع السانها الوصخ
يااوصخات امردها مرد وحق الله
واخليجن علج بحلك اليسوة والما يسوة
اني الجن خليت الجطنه بظهري ومشيت

بكل هدوء واني انفض
صدريتي من التراب!

"بعد دقايق
واني اتمشى
وكفت بوجهي سيارة

بيضة نوع بي ام

حاَولت اجاوزها بس الظاهر
هيا واكفه علمودي..

الشارع فارغ وسنطة
تريد طير بالسما من حر الشمس ماكو
حتى الجلابه ماتتحمل الحر وما موجودة بلشارع

كتفت ايدي وبعدت خصلات شعري
عَن وجهي

ووكفت بثبات!

نزل من الصدر
رجال جبير مشورب
ومن الكرسي الي وره نزلت سحيلة ام الوصخ
تبجي..

عدلت وكفتي وتخوصرت
وصرت اهز برجلي بقوه!!

ذب الجكارة من حلكة
ومسح ع لحيته الي راح تعبر كرشه
من الطول

وحجه

"شنهي انتي ما الج رداد يولي يا بنت
الحسن ما الج منو يكضبج ويفرك حلكج فرك!