أين المناص

تكملة بارتـ 20

____________

.سلمت نفسي ومااحسيت باي وجع!!

إلى أن فتحت عيوني ع ضوه قوي
وناس وهوسه واكو شي جواي ديمشي سريع
عيوني مفتوحه لدرجه بسيطه
اباوع بس بغواش واكو جزء جبير جان ابيض من المكان كله بس جسمي مااحس بي..

واخر شي اتذكره البيت والمكان والمطر
لحظات حلوه مرت ع بالي وراها ماحسيت بكلشي..

كعدت بيوم وماعرف اي يوم وشوكت وشلون
باوعت على نفسي جانت اكو صونده بحلكي وجسمي كله جان بي أشياء غريبه واجهزه والدم والزفر بعده بحلكي موتني..

باوعت داير مدايري جانت غرفه بيها سرير واحد
بس كلها اجهزه وانعاش بس راسي مابي جهاز
باقي جسمي حسيته يتحرك ع طريق الاجهزه..
ولا اكدر اتحرك ولا انطق..

أجت دكتوره ماادري ممرضه. جانت تريد تغير فد شي بس شافتني فاتحه عيوني عليها عاطت وركضت بقوه!!

انصدمت منها ورجعت اباوع ع نفسي ومكاني واحاول اتذكر شي بس ماكو احس عقلي انمسح من كلشي وليش اني هنا مادري!

اجتي كميه أو كادر كامل من الأطباء وجانت الفرحه ع وجوهم فضيعه وعبالك فد معجزه اني فتحت عيوني ابتسمت وياهم ع الواهس وزادت فرحتهم..
.. وصاروا مدري شنو يسون ويحجون..

وواحد يكول للثاني

_الحمدالله كعدت جانت معجزه

حسيت بصوت يكاد أن يسمع!
وبين البحه بصوتي قويه كلش

_اني ووين وليش هنا.!!

محد جاوبني لأن محد سمعني بسبب الخبصه الي همه بيها..
باوعت عليهم بتعب ورجعت غمضت عيوني بتعب..
و مااحس بأي شي..!!!

ماهر _بعد الحادث ب١٥ يوم مااجان اكو امل تعيش
وجانت بغيبوبه ومهدده بأن تفقد الذاكرة وحالتها جانت ع المحك ١٥ يوم هيا بلانعاش مااطلعت حاولت بكل الطرق اشوفها ماكدرت
١٥ يوم تركت اهلي وحياتي وشغلي وبقيت يمها
صرت انام ع الكراسي الي بلمستشفى حتى ما ابتعد عنها اكل بس. حتى اعيش واقاوم
ماكلت لأحد ولا أحد عرف وتلفوني مادري وين اصلا..
و بوقتها متت الف موته وروحي طلعت وراها
احس نفسي جسد بلا روح وأريد بس أحد يطمني عليها ماكو..

إلى أن أجا اليوم ال ١٦ وكعدت بي لعشر دقايق
بس وجان مؤشر إيجابي انها كعدت من الغيبوبه
بس الي صدمنه رجعت نامت ومحد يدري شوكت تكعد بعد

بيوم الي كعدت بي ورجعت نامت! اني تركت المستشفى ماتحملت ابقى أكثر

بوجهي للبيت وكل هل مده اني مو يمهم ولارحت الهم! أول ماوصلت صار بوجهي آدم أجا ركض عليه وحضني وهاي اول مره ابني بحضني بهل قوه وجان صدك مشتاقلي ومتفقدني وره اجتي حور
هم جنت تعبان مالي حيلهم ابد..

حجه آدم يحركه وعصبيه
_انته ماتكول عندك جهال تسئل عليهم ليش عايفنه علمود وحده من الشارع!؟