_______________
رد وهوا لازم ايدي!
_نتزوج
بسرعه نفرت ايدي منه وعفته وصعدت بالسياره بدون حجي
باوع عليه وهوا بنفس مكانه واني بسياره!!
_وشنو استفدت هسه اني كتلج نتزوج مو صعدي بسياره؟
أشرت إله بأيدي بمعنى _تعال اصعد
صعد
وصد عليه خله ايده ع خده ومنتظرني احجي
_اول شي اني اعتبرك اب مستحيل اتقبلك غير شي
ثاني شي والأهم عندك طفلين ومتزوج وحدها جنها شاذي وعرمه أكثر مني
ثالث شي أكبر مني ورابع شي اني مااريد ازوج وخامس شي اخذني لمكان اكل بي لأن جوعانه
شغل السياره وحجه بهدوء
_واني اسف ع ذيج الليله مااجنت بوعي
ولا جنت اكدر اشوف كلش اسف
ارتعش جسمي واني واني اسمعه ورجعت بيه الذكريات ليوم وفاة اهلي عبالك جنت ناسيه
وبهل اسبوع رجعت غير وبكلمه وحده رجعت لنقطه الصفر...
باوعت عليه واني مبتسمه وكأن ناسيه الموضوع ومو ابالي
_اريد اكل جوعانه!!
_اي ابشري هسه نروح
شغل ومشه واني رجعت بيه الرجفه
بس رغم هذا ضليت صامده..
وصلنا مطعم ونزلنا!
لزم ايدي بسرعه نفرت عنه
_مو طفله امشي وحدي
ابتسم وحجه
_ادري بيج تفضلي امشي بنيتي تفضلي!
مشيت قبله وهوا وراي دخلنه للمحل وصار كبالي رجال بسرعه سحبني من أيدي ولزمها كوه!!
ووكف سلم ع الرجال! وضلوا يسلمون وهوا لازم ايدي بقوه حسيت راح تنكسر لحد مااحجه الرجال من يمه
_البنيه صار وجهه احمر عوف ايدها ما راح أكلها ترا ويله نلتقي بلدوام!
راح وهد ايدي بسرعه وباوع عليه
_بنيتي هذا ساقط ومااريده يباوع عليج لهذا
لزمت ايدج
مااحجيت ولا نطقت مشيت قبله وكعدت ع الطاوله
واجا كعد كبالي!؟
_غرور بابا شبيج عيني ترا مستحيل اخذج وانتي ما راضيه وحتلو اخذتج خليها ابالج ما راح يجمعنا فراش مستحيل ماتقبلج بهل طريقه وصدكي بالله الي صار ذيج الليله بسبب الشرب وحق هوا إلله مااجنت اشوفج كبالي مااعرف تصدكين لو لا بس والله ماابقصدي عشت وياج سنين وطلعنا وكلشي سوينا بس بعمري مااطلبت منج شي بلغصب تسوي بس هل مره ارجوج فكري يله تجاوبين
ناكل واحجيلج!!
هزيت براسي بدون جواب واني طلبت
مندي وهوا سمج مااكلت منه غير شويه ونسدت نفسي وهوا هم جان طول الكعده يباوع عليه
لحد ماااخلصت وستأذنت اروح للحمام لأن اختنكت من نظراته!؟
كمت طبيعي وأول ماوصلت
نزلت دموعي احس كلبي الي ديبجي مو عيوني
إحساس غريب وشعور لايطاق
دموعي ماايكفن حتى يشفى غليلي بيهن
احس روحي رجعت ماتت...
أنت تقرأ
أين المناص
Mystery / Thrillerوعنًَدما يطغى الرجال ويظن بأنه جبروت.. طاغ.. فان.. لايستطيع الوقوف بوجهه شيء.. تقف بوجهه أنثى.. فمن كان يجرؤ أن يقف بوجهه فرعون.. الا اسيا عظيمة.. عاشرته فأدركت بأنه لايملك الا فراغاِ
