أين المناص

البـارتـ الثاني

.

عطت بكل قوتي.
وسديت حلكي بأيدي
من قوة الصدمة.

شلت صورة بأيدي
رغم جانت ايدي ترجف بس قويت نفسي
وركزت زين!

'راسه بجهه وجسمة بجهه ثانيه
وبكل وحشية ماخذين صور إله!

اخدت نفس طويل وحسيت روحي
تريد تطلع

وصحت بصوت يأكد أن يسمع

' مااهر ليش!

سمعت صوت خطوات
امي.

بسرعه خليت الصور
جوة الفراش.
وبقت علبة البيتزا على الفراش
مسحت دموعي

وفتحت الباب قبل لدَكها

'ها يوم انتي هنا
هسه ردت انزل اكعد يمكم

'سويتلج عصير ونازلة اني لأن ابوج يريد احضر
إله الحمام انتي اكلي وذا تريدين نامي خوش ماما

هزيت براسي بمعنى (اي)
أخذت العصير

وجانت دمعتي تنتظر
بس حتى تنزل دخلت وقفلت الباب
ضليت صافنه ودموعي تنزل
بهدوء

خسرته ومادري ليش
هواي اسئلها اجتي وماكدرت اجاوب

ليش اني
ليش كتلوا
ليش دزوا الي

نسيت كلشي واذكرت
الـ اربع سنين الي كضيتهن ويا
كلش صعبه تفقد انسان بلمح البصر
وبهل طريقة!

رفعت نفسي بثقل
وأخذت الصور مره ثانيه بخوف
اتمنيت مو حقيقية

بس للأسف حقيقه
ثواني ودك التلفون

فزيت من مكاني واني ارجف
ودموعي عشرة عشرة

اتقربت أخذت التلفون من جوا الجربايه جان واكع!

وجان نفس الرقم
خفت ارد بس ما الي غير حل لازم اعرف
شنو صار!

خليت التلفون على إذني وسكتت
وشهكاتي جانت واضحة من البجي

حجه بنبرة المرعبة

'مسحي دموعج وافرحي
جان سم وسرطان الج وبحياتج
جان مخطط يكتلج يلغبية

' انته منو منووو انته وشدخلك بحياتي

'مو مهم اني منو المهم خلصتج
من طركاعه سودة على وجهج
وجه الخلفوج
المهم بطلي سوالفج هاي ترا
مليت واني ادافعلج ملليت
..

' الله يخليك شدا تحجي. والله مدا افهم
شي شكو شصاير الله يخليك
فهمني راح اتخبل وماهر ليش كتلته
مامسوي إلي شي وشنو يخصك
بحياتي حتلو متت رحت
انته شدخلك دخيييل ربك
احجي

رد بجمود!

' انتظرج يوم ٢٠ من هل شهر
ساعه ٩:٣٠ بليل
يعني بعد خمس ايام و٢٤ دقيقه
وثانتين بنفس المكان الجنتي تروحين اله
لماهر!