أين المناص

مكملي انتَ

‏تعالي مرةً

وأتركي كفي منسيٌ
على وجنتيكِ الناعمتين
دعيني ألمس الغيم
وأقول .. ياربي شكرًا لعطاياك
دعيني مرةً ألمسُ شفتيكِ
حتى أقول .. وصلني ربي للجنان
دعيني .. أنا متعطِش وأنتِ متمردة .
جاسر لـ لغرور❤️

#للكاتبه عائشة العكيدي

———

الساعة ٧:٣٠يوم السبت اول يوم مدرسة

شذى.فتحت عيني بسبب ايد ماهر جانت ع صدري بثقل
اخذت نفس بأنزعاج وحجيت

'مااااهر ماااهر ايدك شثكلها يمعود

_شكو؟
_وخر ايدك اختنكت وكم مره كتلك لتنام هل نومه !

رفع راسه وصار بوجهي وحجه
_مضايقتج ايدي!
_اي مضايقتني اي
_وشكو تصيحين من صباحيات الله
_وشكو حاط ايدك واختنكت تره ماتحمل ضعيفه اني مو مثلك
_اوووي عيني ضعيفه
_ماهر وخر ووووخر
_لتصيحين بابا
_استغفرالله
حجيت هيج وباوعت ع الساعه الي صايره كبالي
وعطت
_مدررررسه ولك الجهال راحت عليهم صخاام
بسرعه وخر من فوكايه واني كمزت وهوا ضل كاعد يفرك بعيونه

ماهر_صوتج صوووتج الجهال نايمه
تخوصرت اله ووكفت
_لعد شلون يكعدون اطلع الهم اغنيه ماما جابت بيبي هااا

ضحك وكام دخل للحمام واني مخبوصه ونسيت اليوم اول يوم دوام ولازم يداومون ع مود الكتب
ادم كعد ع صوتي واني اصيح عليه كام ولحك ابو للحمام
وبقت حور الجانت نايمه يم جاسر وغرور !

طلعت من الغرفه ركض وفتحت الباب مال غرفه جاسر ولكيتهن اثنيهن نايمات ع صدره اخذتلي صفنه شويه وابتسمت للمنظر بس استوعبت لازم اكعدهم وصحت

_حووور غرورررر يمه دوااام دوااااام
فز جاسر وحجه بعصبيه

_شذى شذذذذذذى لتكفرينا شبيييج
_دوام عدهن
_واني شكو تصيحين فوك راسي
_هسه خلي يكعدن وارجع نام
باوع عليه بعصبيه ورجع ع راس غرور باسها ومسح ع راسها ومدري شحجه وهيا كامت وحور كعدت وراحت لابوها العاقل الجان واكف وراي يصيح الها

شالها وحجه
ماهر_شبيج خبصتينه تره الناس نعسانه خليها نايمه!
_والله ع سالفتك محد يدرس ولا يداوم

سمعت صوت جاسر وراي وهوا يحجي
_اي والله يماهر صاحت صياح تكول صفارات مال إنذار

شذى_والله صوجي  مخبوصه وياكم سوو الريوك انتو ولبسوا الجهال رايحه انام

ضحك ماهر وصاح
_شذذذى مااندبرها!

عفتهم ودخلت للغرفه وخليتهم وحدهم واحد صافن ع الثاني ويصيحون عليه ماهتميت وخليتهم يحسون بكلامهم.
ضل ماهر يصيح وجاسر هم لحد ماصوتهم اختفى
وسمعت صوت بلمطبخ والضحك مال بنات وادم