أين المناص

بارت 16

_____________

هاي. الدشداشه الي حسنتوا عليه بيها..
كلها ضلت مصدومه..

أجا عليه ركض حاوطني من كل الجهات وصاح
_طبيييي جواااا!

رديت بصوت أعلى منه
_مااطب وضله هنا مااضل تحسن عليه اني
ماااهر لك انيييي الي ماابيوم احتاجيت شي ولك اغرقكك فلوس انته وعشيرتك وهاي الماشايفه مرتك
لك انييي احسن بيها واعلمها تحجي

سمعت صوتها من وره وهيا تصيح
_نجبييي لج شوفي من يا ملهى جابج ام الخلاكين
اني إلي اعلمج واالبسج واسويج مره

باوعت عليه بغضب
_تقبلها هيج تحجي عليه؟

_باوع عليه بنظره توسل وكأنه يكولي لاتسوين شي
وصد عليها وصاح

_كفي الشر ودخلي جوااا
نبأ تعاي اخذيها وانتو الولد شكو واكفين كل واحد يشوف شغلة ويمه دخيلج ادخلي مااكدر عليهن والله

صاحت من وره
_سكتي يااام الخلاكين

دفعته بكل قوتي ومااهتميت شلون جان شكلي
او طالع جسمي لو لا..

كمزت عليها جريتها من شعرها ولطختها بلكاع
نمت فوكاها وطلعت كل قهري بيها

_لج منو ام الخلاكين احترمتجججج لخاطررر ناسج بس موووووو مااااال احترام
مخليت مكان بجسمها يعتب عليه وهمه فوك راسي يحاولون وياي اوخر عنها مااوخرت لحد مااشاالوني منها شيل.. كامت بعين كويه تريد ترجع عليه
وتصيح

_جايبلي كحببببة مااهر ابيتي وتضربني
هيج ماااهر صارت

رادت تهجم عليه هوا شالني من خصري
بسرعه لغرفة أمه دخلني وطلع وقفل الباب!

ضليت اصيح وادك بلباب

_طلعني ماااضل هنا طلعنيييي
تاليتها اصير من ملهى وكحبة هاي تاليها
والله ماضل

سمعت الهوسه البره والصياح والغلط
هدئت شويه وطلعت ملابسي الي أجيت بيهن
لبستهن وكعدت اسمع وجسمي كله يرجف من العصبيه

كلشي هدء بعد ساعه كامله من الصياح
ضليت كاعد بلغرفة وانتظر احد يدخل
وحاولت افتح الباب حتى اطلع
ماكدرت جانت مقفوله
وتعبت من العياط رجعت كعدت على الجربايه انتظر الفرج الجو صار هدوء ولا عبالك جان الصياح واصل لرأس الشارع وماكو اي صوت..

باوعت على الساعه جانت بـ١٢ الظهر!
انفتح الباب ركضت اريد اطلع بس ما لحكت بس انمدت ايد خلتلي صينيه مال اكل ورجعوا سدوهاا

_فتحووووو الباب لا اكسرها والله فتحوووو وماااريد اكل منكم كلشي مااريد عووووفني اطلع
مااااااااااهر لك مااااااااااهر وينك تعال طلعني مابقى بلبيت

لا حياة لمن ينادي بس صرفت صياح ع الفاظي
باوعت على الصينيه جان تمن احمر وسمج.
وليمون وطماطه واني جنت حرفياً ميته جوع لأن صار أسابيع واني اكلي مو تمام. وصح جوعانه وحيل بس ماااكل لأن هم راح يعتبروها يحسنون عليه بهل كم لكمة