أين المناص

سوف اختم بكل....

النهاية. ❤️

___________شمسين لمحمد عبد الجبار هل اغنيه تربط جاسر وغرور ❤️_____

وجنت المفروض اسمي هل لقاء هوا التقاء الجبلان
ماهر واكف ومبتسم وجاسر العصبيه والشراره طلعت من عيونه..

تقدمت بهدوء ولزمت ايده باوع عليه وشد على أيدي بقوه..

ماهر_شلونك خويه

رد عليه ببرود
_مثل مااشوف بعز وخير عكب مجافاكم!

ضل ساكت للحظات وحجه من بين أسنانه بعصبيه!

ماهر واحنى مااقصرنا وياك حتى تعيش بعز
من بعدنا!

جاسر_تفضل للبيت هل وكفه بشارع مو حلوه!

لزم ايدي بقوه وخله ماهر يمشي قبلنا
نزل وجهه عليه بهدوء وهمس:خيااالج مااريد اشوفه بس انطب تصعدين فوك وبالج تنزلين إله اصيحج

هزيت براسي وصدك اول ما دخلت البيت ركضت
فوك و كفت ع الدرج بس مابين
واكدر اسمع كعدت وخليت اذني يمهم!

ماهر_الصار صار والي راح راح نكتب بورقه جديده
حياتنا وينتهي كلشي وانته استقريت واني لازم استقر واشوف حياتي؟

رد جاسر ومبينه العصبيه من نبره صوته!
_بمعنى شتريد هسه!

_أجيت اتصافه وياك واعزمك بعرسي على شذى

ضليت مذهوله من بعد هل كلمه
شلون وشوكت وشلون رهمت وبهل سرعه هواي اسئله اجت أبالي بس تغاضيت عنها ورجعت اسمع كلامهم حتى افهم!!

جاسر_ترريد تخلي شذى طعم الك! السالفه مو خاليه
واني مااقبل ع بنت عمي المذله ولا الاستغلال

ماهر _اني أجيت اعزمك مااجيت اخذ رائيك
واني وشذى اتفقنا وانتهى الموضوع والعرس اتحدد على الأسبوع الجاي وانتوا اول المعزومين

انته وووغروررر

جاسر_اعذرني اني بيتكم يحرم عليه بعد
ومبارك عليكم انته وشذى مدام متفقين ربي يسعدكم ويهنيكم أن شاء الله خوش بنيه شذى وراح تلمك وتلم أطفالك واني ومرتي تعتذر!

رد عليه وصوت السبحه بأيده واضح
جان يهزها قوي!

ماهر_واني مااقبل هل اعتذار تجي وانتظرك الخميس الحنه والجمعه العرس
ومنو يلزم الرسن غيرك بلجوبي مااكدر اعذرني
مااعرف العب ويا غيرك

صارت هدوء لدقائق وعبالي ماهر راح
إله جاسر حجه _مااا اردك جاي اني الخميس!