يا مطرود يا گلبي
تبات بصفنتك عرييس
ويردك للضيمك آه
گبر متروك
لا شمعه و لا آيه نقرت فوگاه
هاشم الخزاعي
_______________
آخر كلمة كالوها!
_المريضة نبضها أتوقف..
حاولت ألزم اعصابي
كمت ومشيت بهدوء للدكتور
وحجيت
_انته ع اي وحدة داتحجي
ونبضها توقف!
رد عليه باستعجال
_المريضة قلبها ضعيف
ممكن نخسرها لازم نتصرف وبسرعه
عافني وركض
ووكفت بجمود ماعرف شسوي
احسها بنتي ولو راحت
روحي تروح وراها
رجعت كعدت بمكاني بتعب
وارهاق وتفكير اكل راسي اكل
مرت ساعات واني ع كعدتي ماكمت
لحد ما غفيت بمكاني.
ماعرف شكد مر من الوقت!
فزيت ع دكة التلفون
أخذته وطلعت
انتبهت ع امها ماكو ورحمان وحدة يفتر برا
رديت
_وينك ماهرر مليت. اني ادك عليك
حبيبي خابرت قائد وكال انته مو بلواجب وينك؟
_اني شكم مره كايل هل اتصالات والازعاجات
ماريدها وشكو تخابرين ع قائد
ميت اني ميت شهل استهتار اجي واني اعلمج
_شبيك ماهر فوك ماطمئن عليك؟؟
_نجبي بلا زحمة وشلون الجهال
آدم وحور شلونهم إذا كاعدين انطينياهم احجي وياهم
_لا أجا قائد أخذهم لبيت ابوك
_شو قائد هواي يجي
خير شسالفة غفران خيييير
_لصيح حبيبي خلص بعد ميجي
بس. كول وين انته!
_جاي هسه حضري الحمام
وحضريلي دشداشة اكويها عدل
وطلعيلي فلوس. خمسمية الف وفوك
وعندي أوراق فوك الكنتور هم
لا تلعبين بيهم بس حضريهن
جاي اني!
سديت الخط
وركبت السيارة وبوجهي للبيت
وطول الطريق بالي يمها
لحد ماوصلت.
طبيت للبيت وصحت
_يااا مره! وينج
اجتي ركض وكفت كبالي
والتلفون بأيدها.
_ويا منو جنتي تحجين
ردت بارتباك
يمه يمه عزا خييية عزا شبيك ماهر
شصاير بحالك
_كتلج ويا منو جنتي تحجين؟
_منو ياعيني غير امي وخواتي
وذا تريد تتأكد هذا التلفون كدامك
شوف بس كولي شهل دم على الدشداشه
_الحمام حاضر؟
_كلشي حاضر وعيونك بس كولي
شسالفة دم و وجهك حبيبي وجهك
دخيلل الله
_طلعيلي الفلوس والأوراق وجفيني
شرج
طبيت سبحت
و رتاحيت شويه.
طلعت لبست وكعدت أعد بالفلوس!
أنت تقرأ
أين المناص
Mystery / Thrillerوعنًَدما يطغى الرجال ويظن بأنه جبروت.. طاغ.. فان.. لايستطيع الوقوف بوجهه شيء.. تقف بوجهه أنثى.. فمن كان يجرؤ أن يقف بوجهه فرعون.. الا اسيا عظيمة.. عاشرته فأدركت بأنه لايملك الا فراغاِ
