اللهم صل وسلم على نبينا محمد وعلى آله وصحبه أجمعين ❤️
_____________
الخميس الساعه 12:00ظهرا
شهر الثاني يوم 2/6
فتحت عيني بهل وقت وصديت وجهي ع الشباك الي كبالي وشفت الشمس كلش قويه مدخله ضواها
بكل الغرفه وحسيت بحراره بجسمي
دفعت الغطه بأطراف رجليه وأخذت وقتي واني اباوع ع الشباك وأخذ نفسي طويل وارجع اباوع
لحد مانهضت نفسي من مكاني بتعب وماكو نشاط
بسبب التفكير الزايد والقلق والتوتر الي حاط بيه من كل جانب بسبب أمور مو بأيدي اعدلها وصارت
بسبب حياه ماعرف شنو تاليتها!
كمت بأطراف أصابعي اتلمس جسمي
إلي جان حار بدون سبب نزلت رجليه من الجربايه
وكمت بهدوء اتمشه بالغرفه..
اخذ كل اشيائي واخليها بمكان واحد في سبيل اجمعها وما انسى شي واني طالعه..
أخذت ملابس الي جنت محضرتهم ليله أمس
وجهزت نفسي وجنطتي وعدلت الفوضه الي سويتها
خليت من عطري للغرفه حتى تبقى ريحتها حلوه
اتعودت اترك مكاني حتلو فراغ لكن حلو!
حضرت كلشي ع أتم وجهه واتفقدت كلشي قبل لا اطلع.
نزلت بصاله الانتظار مال فندق!
جان كاعد بملابسه السود.
ووجهه الشاحب..
ماكو لون غير سمار وجهه
حتى شواربه جانن سود مثل قطع الملابس الي لابسه رجله مفتوحه ويحرك بلرجل اليمنى بحركه سريعه
وايد جان لازم بيها الجواز والجناسي
وايد يمسح ع شواربه باانتظاري رفع انظاره عليه
ونهض نفسه وصار يحاول يعدل بنفسه
وهوا يباوع عليه بتمعن وتركيز
شلت جنطتي وتقربت عليه وهم جنت اغطي جسمي
بلبس الأسود لا افرق عنه شيء
_صح النوم جنت انتظرج حتى نطلع جاهزه
جاوبت واني احاول اغض بصري عنه
_اي واسفه ع التأخير جانت ليله متعبه
لهذا كعدت بهل وقت!
رد وهوا ينحني ياخذ جنطتي
_المهم نمتي مرتاحه مو مهم التأخير!
_وهسه اني جاهزه
اتبعت خطواته الي سبقني بيها لخارج الفندق
صعدت بالسياره وهوا خله الجنطه ورجع يمشي ع مهل بسبب وجع رجله ومااجنت اعرف شلون راح
يمشي هل طريق كله وهوا رجله هيج!
صعد بهدوء وحذر
_غرور ناسيه شي؟
_لا تأكدت من كلشي مناسيه شي!
_زين انتي جاهزه للي راح يصير جاهزه
لكلشي ايدج بيدي لا ترخيها راح اكون وياج لحد كطع النفس!
أنت تقرأ
أين المناص
Mystery / Thrillerوعنًَدما يطغى الرجال ويظن بأنه جبروت.. طاغ.. فان.. لايستطيع الوقوف بوجهه شيء.. تقف بوجهه أنثى.. فمن كان يجرؤ أن يقف بوجهه فرعون.. الا اسيا عظيمة.. عاشرته فأدركت بأنه لايملك الا فراغاِ
