اللهم صل وسلم على نبينا محمد وعلى آله وصحبه أجمعين ❤️
______________
تتمنين أن
يكون ملتصقًا بك
كدمك الذي يجري في
أجزاءِ جسدك
أو موشومًا على كتفيك ..
مُختبئًا بين خطوطِ يديك
على عُقد حاجبيك
__
في نفس يوم رحيلهم (الجانب الآخر)
بنفس الوقت المشت بي السياره من كدامي
وراحت غرور من بين ايديا أيقنت اني خسرتها للأبد
اختارته هوا وفضلته عليه
_خويه لا تضل واكف تعال ادخل جوا والله كريم
' امتنعت عن الرد وشردت بتفكيري لإول ايامنا
چان لازم اني اكون وياه بهذا الطريق
چان اني لازم ايدها ٠٠ ونسمع لأغنيتنا
بس افعالي غطت عليها
افعالي السيئه وعدم السيطره على نفسي أدت بيه لهذا الموقف وهاي الوكفه
تحسرت بغيض
ودخلت لبيتنا
جانت گبالي امي
بكل قهر جواي بديت احچي
:كله من وراج ماوكفتي هذا الزواج بس ردتي تخربي
كله من وراج هذا حالنا
ضحكت بهزء : قصدك هذا حالك رجال شكدك شكبرك مهدود حيلك علمود مره
: -انت اصلا مالج حق تحجين ولحد يجي يكلي
امك وهاي السوالف!!!
بزعت وطلع روحي
صرخت تبجي بحركه :،ولك تعاركتوا
وصار هذا لبيت جهنم مو بيت
من ورا هاي السحرتكم
وخلتكم ماتشوفون دروبكم عدل
شنو ذنوبي ابني بعيد عني هسه!!
نزلت شذى من الدرج تحجي باعصاب مشدوده
: لك كافية بزعنا كافي يوميه مشكله!! خلوا البنيه تروح بحال سبيلها حاط عينك عليها
وبعدك تحبها
لك هاي صارت مرت اخوك
سحبت نفس : شذى صعدي فوك ومعليج
: لا عليه!!! من توصل المشاكل كل يوم بيتنا يصير عليه ونص
ماكافي ذيج الايام
نزل مصطفى يركض يصرخ!!
: سكتي شذى ومعليج
تنفض نار وعصبيه جرها وصعدها فوك!!
وهي تحجي وتصارخ
سحبت نفس حاط ايدي على راسي بتعب وارهاق
سمعت بأمي تمشي
تروح لغرفتها!!!!!
رفعت راسي هموم الدنيا كلها عليه
وتعبي يفوق التوقعات
بدوامه ماعرف اطلع منها!! غرور گلبت حياتي كلها رإسا على عقب خلتني اخاف اخسرها
صرت مراهق!! بوجودها كل همي احصلها ومادري اني بمحاولاتي خسرتها
غرور جانت تريد العطف!! بس ماطلع مني غير القسوه
وهي نفرت مني!!!
أنت تقرأ
أين المناص
Mystery / Thrillerوعنًَدما يطغى الرجال ويظن بأنه جبروت.. طاغ.. فان.. لايستطيع الوقوف بوجهه شيء.. تقف بوجهه أنثى.. فمن كان يجرؤ أن يقف بوجهه فرعون.. الا اسيا عظيمة.. عاشرته فأدركت بأنه لايملك الا فراغاِ
