أين المناص

البـارتـ السابع

نبجي ما ندري عليّمن ونضحك وماندري ليش
مادرينه أنبعنه يمتى ومادرينه انبعنه بيش ؟

مسودنين
صاحت الوادم مايستحون
وصاحت إعلينه الشوارع لا تجون

لا حجينه بألف شفه
ولا لبسنه وجوه ترفه
ولا گدرنه نعيش يوم ملونين
وباعنه الما يشترينه
وصاحت الوادم علينه مسودنين ..

محمد الغريب
________________

ضليت صافنه عليه وجسمي كله يرجف
اني طبقت مقوله

انته الي تروح للموت برجلك؟

حجيت بثقة ومااحاولت أظهر خوفي
كدامه.

_شلون راح تكتلني بأي طريقة! حتى اهيئ نفسي

باوع عليه صفح
وشخط السيارة ووكف!

صاح بعلوا صوته

_انتي شهل كواة شهل عراااامه
شهل رأس اليابس
ولج شنووووو انتي من يا مله
خافي صيحي ابجي احجي
ماااكو لا ذمه ولا ضمير
دهر الدهرج دهر وطركاعة على راس
انه اكو ليش هيج يلحون عليج
من هل صلافة العندج

رديت ببرود
_يعني مراح تكتلني لو شنو
رسيني ع بر

_طركاعة مال الله ومحمد انتي
لاا ما راح اكتلج

_لعد ماهر وين عايش لو لا!

_ماادري لاتسئليني!

_جاوبني لا والله هسه اذب نفسي من السيارة
وشوفولكم وحدة تسويلكم الي تريدو هاي إذا لكيتوا

_خاب ما تسكتين ترا الدنيا طالعه من عيوني
عوفيني

_خوش لعد شوف
فتحت الباب وفعلاً ردت أشمر نفسي!

مااحس إله إيدة صارت
ع شعري وجرني من شعري بقوه
بحيث رجعت كلي عليه
وبايدي رجعت الباب وياي!

رفعت عيني عليه
ولأول مره اباوع بخوف بوجهه احد

إيد ع الستيرن وأيد براسي
وحجه بخوف وقلق!

_مسووودنه انتي مسودنه
بله صدك وكعتي ولج منو يداويج
ترا بس تتكسرين

حجيت والدمعه بعيني
_وخر ايدك من شعري
راسي كام يوجعني
و فهمني شتريد وانتوا منو وماهر وين

هد راسي ع كيف
ورجع لزم الاستيرن
ومااحجه بعد
لحد مااوصلنه

وبلش الجو يتكشف!