أين المناص

تكمله؟

أشرت الها بمعنى ذول منو
جرتني من أيدي ودخلت للصاله

دخلت وصارن بوجهي بنات صغيرات وحجيه متوسطه العمر بس مبين عليها التعب والتجاعد
تقربت وباادرت بالسلام الحلو بيه ماجنت استحي أو استغرب من أحد غريب

_انتو اكيد أهل أيسر مو!

_اي حبيبه وانه اما وهذن خواته
نوارا وسارا

ابتسمت عيني صارت عليهن شلون جمال وترتيب
وأخلاق مبينات حتى يمي راسهن ماانرفع

_خاله حبيبتي كل الهلا بيكم من البصره لبغداد
وحياكم الله واني اسمي غرور زوجه جاسر اخو ماهر الوسط اكيد تعرفوا

لحجيه' وبيج أكثر حبيبه انه اعرفن بس ماهر

_أن شاء الله راح تتعرفون عليه.
تفضلوا استريحوا البيت بيتكم اني دقايق واجي!!

سحبت اسراء وطلعنا للمطبخ!

_ولج اكو شي اكيد مو خاليه هل جيه! احجيلي

أشرت بأيدها بمعنى اريد ورقه وقلم!
_صخام منين اجيبلج هسه اوكفي خل اجيب تلفون
جاسر بقى فوك واجيج أو امشي نصعد فوك احسن

اخذتها وصعدنا لكيت تلفون جاسر ع الجربايه
أخذته وفتحته وجان مابي رمز كبل دخلت ع المذكرات وانطيتها الها حتى تكتبلي شصار

أخذته وبدت تكتب واني صافنه عليها وانتظر تكمل لأن كاعده ع جمر!
كملت وانطتني التلفون