أين المناص

بارتـ 22

______________________________________

أجر لي ولكم
(اللهم صل وسلم على نبينا محمد وعلى آله وصحبه أجمعين) ❤️
_____________________________________

:للكاتبه عائشة العكيدي :

وجاان! يتقدم خطوات عليه وحجه

_لا تنهزمين مني والله وجلال الله مإذيج
مستحيل اذيج اني وياج اني الج اني سندج!!
وراح ترجع ايامنه وكلشي راح نذكر صدكيني!...

باوعت عليه ومااجنت أميز كلامه ولا وجهه من وجع راسي

_اريد انااام اني اريد انام اناممم راح ارجع انام كافي كوابيس كافي..

رد عليه وهوا يلزم ايدي

_اني حقيقه مو كابوس اني ماهر غرور ماهر ابوج وصديقج وحبيبج وكلشي..!

بسرعه اجت اجت لحظات براسي جان اكو دم وصياح وناس بس حاولت اخلي هل لحظات أدوم واعرف شكو بس مااكدرت

حجيت بصوت ناصي وجنت احاول اسيطر ع نفسي ووكفتي!

_غرور مااريد تتذكريني بس ابقي يمي والله اموت وراج والله

_طلعني من هنا اختنكت ريحه المستشفى خنكتني
طلعني ممكن اخذني لأهلي لبيتي اخذني لأي مكان بي اهلي أو ريحه منهم خليني بمكان أمن روحي بي

_ولج اخليج بوسط روحي واضمج!

_منو انته احد من اهلي يعني لو منو؟

ضل صافن عليه لحظات

_اني كل اهلج رجعي لغرفتج هسه وراح اشوف الدكتور يكدر يطلعج لو لا

رجعت للغرفه بهدوء أسند نفسي ع الحايط
لحد ما وصلت الجربايه
كعدت واني انتظره مااجتت أميز من أي شخص والثاني إله من الشكل اما حياتي ويا اي شخص نسيتها ضليت انتظر لساعات...
واني اباوع ع الساعه واكول هسه يجي..

وما أجا وصار يوم ثاني والأطباء تروح وتجي عليه واني لعبت نفسي من المستشفى اختنكت..
اكل مااكل ولا اشرب المي إله قليل كلش صرت عايشه ع المغذي ضعفت بشكل
صرت جلد وعظم حسيت بروحي تريد تطلع كل يوم اني بلمستشفى نور بعد مااجتي ابد
والممرضه علا سمعت عنهم طارديها وهل شي زاد الطين بله عليه وعلى نفسيتي
اعصابي صارت مشدوده طول الوقت ع اي شي اتعصب واصيح واكسر..

محد يجي عليه ولا يخلون احد يدخل عليه اصلآ
بسبب وضعي الي تأزم بشكل مخيف..
صاروا يخافون اعرف شي من الماضي يخليني اهبط
ويجوز اموت
هذا الفهمته من كلامهم وحجيهم!
كل يوم احاول اتذكر شي بسيط بس ماكدر لأن محد يساعدني بهل شي وبقيت وحدي وصارعت الألم الجسدي والنفسي..
كلامي صار قليل صرت بس اهز براسي لو حجو وياي الممرضين.. وحسيت هيا هاي حياتي الي راح استمر عليها لحد ماااموت فاقده لنفسي ولماضيي ولحياتي السابقه والحاليه..
إلى بيوم جان الجو مطر ومغرب والأذن جان بكل المستشفى بصوت عالي..
حبيت هل شعور حيل..
أجوي الممرضين خللولي العلاج كالعاده وراحوا.
واجا موعد العشه جابولي الاكل أكلت شويه و هم أخذوا وقفلوا الباب وراحوا