أين المناص

بارتـ الثالثـ🍂

مشيت وياك
متعوب ويحب متعوب

ايهاب الظالمي

___________________

بعد حالة الهلع المريت بيها
نمت بلكاع!

وضلت دموعي تجري جن شلال
وشهكاتي واضحة

'راح اشتاقلة راح افتقدة
رغم مااسمعته بيوم شي حلو
بس. وياي من واني صغيرة وصعب فقدة
بهل طريقة والأمر الأصعب
انه ماعرف سبب موته وسبب
قتله بهل طريقة!

بوسط دموعي ابتسمت وذكرت
اول لقاء جان ابيناتنه!

يوم الخميس ساعه 4:30العصر
' يمممة اني طالعة
اريد اشتري..

باوعت عليها مندمجة ويا رجلها
لبست برجلي وطلعت اركض بنص الشارع
اني وشعري وشورتي القصير

جنت بلمتوسطة وجان هيج لبسي
مجنت اعرف هل لبسي لعمري ممسموح ابد
اركض واباوع ع الجهال شلون تلعب

وجنت اتمنى اروح العب وياهم
بس محد يقبل العب ويا ولا أحد يباوع عليه

غير بس الشباب الموجودين بلشارع!

وصلت المحل أخذت الشغلات الي أريدها
وما ردت ارجع للبيت بسبب الضوجة
والخنكة البي

اتمشيت لرأس الشارع جانت اكو حديقة
يكعدون بيها العوائل

اني رحت بسطت اني وحلويات
وضليت اباوع ع الناس ومبتسمه

بلشت تغورب الشمس
وأغلب العوائل بلشت تروح؟

ضليت كاعدة واباوع ع الجهال
شلون يتراكضون
ويلعبون وما انتبهت لنفسي
غير صاير الليل..

لميت الوصخ الي سويته
وردت اطلع؟

صاروا كبالي ثنين شباب وبيدهم علاكة سودة!
ومبين من صوت الطكطكة مال مشروب..

رفعت عيني بخوف واتراجعت
عنهم خطوات

وردت اطلع من الجهه الثانيه
ماافتحولي طريق

حجيت بصوت يكاد أن يسمع بسبب الخوف!

'وخروا شويه اريد اروح للبيت!

رد واحد منهم

' ليش يا حلو وين بيتكم
اني اخذج بأيدي هاي الي ما لزمت الحرام ابد ابد

وضحك بأستهزاء
وحجه الثاني ابو العلاكة

'دشوف شلابسه شوف النعومة شوف الشعر
هاي من طراز المثقفين يعني كحَََ.... صغيرة مثقفة
هاي مو دائما تلاكها طراززز رب الخاص اعرفهن ذني

همه يحجون واني اجر النفس كوه
السيارات تمر من يمي
بسرعه جبيره لأن جان سريع

وناس شبهه قليله بس نقطة الجيش وبعيدة
كمت ارجف وعيوني صارت كلها دموع