غزلان الجنوب

البارت الثالث

اذا حبك يصير الموت
اموت وبيدك ادفني
واكتب على الكبر
مظلوم مات وماشبع مني

نبلش بسم الله الرحمن الرحيم
_________________

صكر : طاح جدي واحنا انسطرنا امير طفر جاب السيارة وانا واجهاد اخذنا شيل للسيارة طول
الطريق غير كلمة جوليت ماكوا على لسان
جان يحجي ويكطع بحجية ويكول جكليتي

وصلنا وكال الدكتور صاير عندة جلطة
بس خفيفة واسمر وعمي حركوا التلفون
طلعت للحديقة كعدت لوحدي صفنت
بكلشي صار .....

ليش جدي هسة يلا تذكر سالفة جوليت ؟؟؟
وليش من سمع اسم ضاري تخربطت احوالة !!؟؟؟
شربط ذولة الإثنين وشنو المضموم بس
خلي جدي يصح وافهم كلشي منة اكوا شي غلط
بالموضوع ......

طلعنا للبيت وصلنا اسمر بالباب واكف ورى
زلم مسلحة والبيت كلة مطوق يا ستار
شصاير ؟؟..... نزلت دخلنا جدي لداخل
البيت لغرفتة عمتي يمة تول ول .....

عمة ترة بجيج هذا جاي تفاولين علية
كولي يالله وصلي على محمد ...
ان شاء الله عدت على خير

جنان : ان شاء الله يمة ..... ان شاء الله

صكر : عفتهم وطلعت البنات بالمطبخ يحضرن
جاي وضيافة لاكاني اسمر منو عدنا ؟؟

اسمر : عمام البنية الي جانت وي البنات
ولد شيخ ضاري

صكر : وليش جايين !! شعدهم صاير شي ؟؟

اسمر : لا بس السايق القديم للبنات جايهم
وكايللهم دخيلكم اهل السايق الي عدنا
هادين علية ومتحلفين بي ....

صكر : اي موهي تايهتلهم ... زلمتهم عدنا
يردونا خلي يجون لديوانا مو يتهددون بالناس
راح اسمر يجيب الضيافة وانا دخلت للديوان
شفت اثنين كاعدين شباب مرتبين واحد يجي

بعمر امير والثاني اكبر منة بسنة سنتين
اثنينهم وكفوا يسلمون علية
ياهلا وسهلا تو ما نور الديوان

اسير : تسلم يالاخو منو بيك واخذ
بيد صكر انا اسير ولد الشيخ ضاري
وايدة اليمين

صكر : والنعم منك ومن اصلك يابن الاجاويد

اصيل : وانا اصيل تشرفنا

صكر : وانا اكثر تفضلوا حياكم الله
كعدنا ودخل اسمر وزع وكمل

اسير : انت صار عندك علم بموضوعنا
وعرفت سبب وجودنا وانا من رأي
نطلع السايق برة الموضوع ويصير
الحجي منا لاهل السايق الي عندك ....
شتكول ؟؟

صكر : عين العقل وخلي هل المسكين يضل
برة السالفة هو مكد المشاكل ولا الدكات
العشايرية وهذول مبين عليهم مرعبلين
ومو هينين ....

اسير : هذا هو متفقين على بركة الله
الا عندي سؤال ..... شصار على السايق
الي عندك ماعرفت منو ورا ؟؟؟