غزلان الجنوب

البارت السادس عشر

ما گتلي ناوي اعله الهجر
حتى اقتنع واتعلم
من گتلك انته فلان الي
چا ما گلت لا تحلم

_نهاد الخيگاني

بسم الله الرحمن الرحيم

_________________________

كل انسان بالحياة معرض للاختيار بين امرين يوما
ما ولكن الحكم لمن سيكون لصالح القلب
والعاطفة ام لصالح العقل والمنطق والحكمة ......

صكر : بعد ما سمعت موضوع الخطوبة احس عقل
ماضل براسي حتى الشهية طارت صعدت
بدلت ملابسي وطلعت لحلالهم لكيت جدها ويا
واحد .....

الله بالخير .....

ضاري : الله بالخير والكرامة .... هلا ومية هلا
توة ما نور الحلال .....

صكر : منور بيك .... تسلم

ضاري : تكهوة يا وليدي .....

صكر : جايك بطلب و ..... ما شرب قهوتي الا
توافق ....

ضاري : مكضية ان شاء الله اشرب قهوتك وانا ابوك
.......

صكر : حتى لو جانت نيتي اصاهركم .....

ضاري : والنعم منك ومن اصلك النا الشرف وليدي
....
( جنت محتار شلون اوصل نور لمحسن واكلة هاي
بنية ابنك الي ماشفتة .... بيا وجه اواجهة
وبيا عين اشوفة .... جية صكر حلت هواي
من صفناتي من تدخل نور عروسة لصكر اكيد
يتقبلها وتتحقق وصية صكر ابو نور )

صكر : ياعلي لو ما فشلة جا ردحت كدامة
شربت الكهوة وضليت شوي وطلعت خلي ابشر
ام بيتي طلعت رقمها كاتب علية ام ايهم ....
اتصلت مرة مرتين ثلاثة ماكوا فصل الجهاز
......... شنو لسة مراحوا خطارهم ....
يلا يصير خير هي كلها كم يوم وتصير الي ....

_______________________

ضاري : رجعت للبيت واحس قلبي مو مصدك
اجمع حسن وي بت ابنة فتت وكت الاذان محد
من الولد موجودين ..... جوليت جانت تصلي
ردت انا ابشرها وافرحها وابرد قلبها ....

صليت وكملت شفت اثير وابنة فوك راسي يالله خير
يا اهلا وسهلا .... شلونك وليدي ....

اثير : بخير الله يسلمك يابة

ضاري : الله يديملك هذا الخير يارب

اثير : امين يابة ....

ضاري : خير وليدي اشوف بعيونك حجي كول
بوية صاير شي ....

اثير : بوية انا جايك اطلب ايد نور لبسام
......

ضاري : بس نور بعدهي صغيرة ومومال زواج
..... وبعدهي تدرس

اثير : اي بوية احنا ما نزوجهم هسة بس نقرة
فاتحتهم .... يعني نحجزها لابن عمها ....

ضاري : اي مو بت اخوك سيارة اخر مديل
وتردون تحجزونها .... نور مو لبسام و انتهى
الموضوع .....