يل مشيت بكل عبيرك
يا دفو ايعطّر گذلتي
يا گلب يقره صفنتي
شلون بيّه
غير كون ارهم لغيرك
عبـد الكريم القصـاب
________________________
صكر : وصلنا للمستشفى واخذوها وضلينا ساعة ماندري شنو السالفة احس الوقت يمشي ابطأ من السنة خلصت باكيت الجكاير وهي ماكوا اجة سارة
سارة : نور عدها جلطة بس خفيفة عدت على خير
صكر : ها يروحي وينها وين الجلطة بعدهي صيغر حتى على الوجع .... خلصت الليل مناطرة شوكت يطلع صبحنا شوكت تخلص سوالفنا وننجمع فد يوم ننهي الماضي بجملة عدة وفات اخذتلي غفة شفت واحد واكف بعيييد علية ماعرفتة منو اول مرة اشوفة ضليت واكف وهو يباوعلي ويبتسم شفت طفلة لازمته من ايدة وحلوة ضحكتها وشعرها نازل على جتفها جنها نور ..... شوي واجت تركض علية الطفلة بس قبل لا توصل ضربتها سيارة وطارت ويا الهوى كدامي فزيت من الحلم نور نايمة كدامي
واسير وسارة محاضن ههههه ياحبيبي طشر العرض
.......
اسير : بعد ما توفى ابوي نور دخلت بجو كلشش مظلم ومخربط قررت اخذاها لاربيل بس الرسالة غيرت كلشي ابوي كاتب رسالة بيوم الي توفه ومبلغ صاحبه بيها والرسالة مدفونة بحديقتنا بديالى رحت لديالى وفتحنا الرسالة جانت ظرف بي اربع رسائل
وحدة اسمي وحدة اسم امي وحدة نور وحدة ضاري .....
الي مافهمتة شجاب ضاري بالنص هو نفس جد صكر لو غيرة واذا نفسة ليش ابوي ماحجي النا عن سوالفهم قريت الرسالة وبدن صدماتنا وحدة وحدة
لحد ما خلصت صرت احاول استوعب ابوي شنو مسوي اكره احبه احقد عليه لو اسامحه شنو اسوي
معقولة اكوا شخص هيج يعني هو جان همة روحه وبس ويوم صارت وحب حب وحدة متزوجة ....
ضليت اضرب اخماس بسداس من اتذكر حنية امي
هههه بعدني اكول امي عليها حقي غير الي ربتني
وتعبت علية بعدين اذا ابوي مو زين امنا وين هي لو زينة جا صبرت علينا جا طالبت بينا جا حاربت علمودنا رفعت راسي اصيل عيونة تحجي هواي
شبيك ......
اصيل : عمو وسام حجالي كل شي الي حجا صح
اسير : اي صح ..... احنا مو جهال جوليت وامنا عافتنا وابونا موزين ويوم راد يصير زين ما عرف يحب غير زوجة صاحبة وصديقة الي ماكل وشارب ويا عمر كامل .... اي جوليت بحنيتها وتعبها ويانا كل هل العمر جانت تتنظر ولدها ومن راح راد تعوض وجعها بينا هههه يعني بالاخير طلعنا ولاشي لاي احد لا ابوك ولا امك هم اهلك ....
اصيل : لا تكول هيج ابوك لو مايريدنا جا ما اخذنا عندة .....
اسير : ههههه. اي وهو ليش اخذنا موحتى يربط جوليت بسبب يخليها تضل ويا بالبيت هي تربي ابنها وتربينا احنا وياه ... ضليت اسلت جكارة ورى الثانية وحدة ورى الثانية باوعت لاصيل وضعه اخس من وضعي كمت غسلت اريد اطلع للنجف اريد اروحله اريد يحجي اريد يجاوبني ما اريد اضل معلك هيج
كوم يلا خلي نتوكل ....
أنت تقرأ
غزلان الجنوب
Actionقصة عراقية حقيقية ١٠٠/١٠٠ تأسر قراءها بين أحداثها الغامضة والحقيقة المخفية في سبيل معرفة ماحدث في تلك الليلة المظلمة ... هي كانت في الماضي ولا يزال الماضي يطارد اصحابها ... قصتا حب شاء القدر كسر احدهما في زمن مضى فهل يقف مع الاخرى ؟! ³⁶⁹أم سيكون...
