طوينه ايام ماضـينـه
نسينه شلون چنه بشوگ نفرح لو تـلاگيـنه
عريان السيد خلف
نور : مرت اربعة اشهر عمة وريم بكربلاء ريم محد يتواصل وياها قطعا هو ماعدها جهاز بس حتى من يحجون كام يسألون عن الكل بس ريم محد يحجي وياها او يسألها صكر صاير يصفن هواي ويسكت على مرتين شفته يدخن بالوحدة بليل مرات يرجع من الدوام ملابسه كلهن ريحة جكاير بطني كبرت شوية جنها طوبة وغزيلة والبنات يضحكن علية قررت اكتب كلشي بدفتر يوميات واضمه ....
صكر : مساء الخير
نور : مساء النور الله يساعدك
صكر : ويساعدج شلونج اليوم
نور : الحمد لله لان بعدني ما متعودة على الحمل
صكر : هههههههه اي طبيعي هذا الشي غير هذا اول طفل
نور : حتى ضحكته جذب ادري بي .... صكر
صكر : يروحي
نور : ارجع صكر القديم ... اريد صكر حبيبي اريد الرجال الي تزوجته مو الي احسه يعاملني من باب الواجب
صكر : ان شاء الله اليوم احسم كلشي
نور : كالها وكام بكل برود دخل يسبح من خوفي منة حسيت راحت رجليه بعد ما اكدر اوكف شقصدة اليوم تخلص ياربي فدوة بعد ما بية طلعت للصالة امير لازم تلفونه ويحجي
امير : ميت جوع بعدين نتفاهم اوك حوبي
نور : يلا بلا واحد يتموع بصوته والثاني يحجي مثل المخابيل شوية وصرخت غزال
نزلنا نركض
امير : شبيج ولج
غزال : اخذو عدو الله من يمي لا ابتلي بي
امير : هههههههههه دتعال بابا امك ربطت فيوز من ابوك
نور : شال الطفل وراح كالب الحليب على النشاء ومسوي خبطة وشوية خل تفاحة صايرة ريحة المطبخ خل دارت غزال عليه
غزال : شبيج مخطوف لونج
نور : صكر كال اليوم ينهي عذابه ويخلص موضوع ريم غزال باوعتلي واحس وصللها ايعاز نفس الي وصلي
غزال : مراح اخلي اسمر يترك البيت العصر
نور : حتى امير هسة احجي ويا
امير : تحجون بشنو ؟؟
صكر : جوعان كلششش اليوم شنو ما خلصتن ؟؟
امير : امشي كدامي للصالة هسة اجيب الاكل واجيك امشي
نور : صكر وين
امير : يزحف بالصالة
نور: اخذتها حجة وطلعت ورى للصالة تغدوا وهم ساكتين كلمن براسي شي لحدما ندك الباب كامت غزالة كالت اكيد اسمر
صكر : لا كعدي هذة عمتي كوم امير استقبل عمتك
نور : الخبر مثل الراجدي اجاني صخام دخلت عمتي وراها ريم ركضت كبل للغرفة محد سلم عليها شوي ودخل اسمر تفاجأ بعمتي كعدنا كلنا منتظرين صكر ينطق ..... اصعب لحظاتي عشتها بذاك اليوم الي يترك كل شي عاشه ويقتل اخته بيدة مستحيل بيوم يكدر ينام مرتاح او حتى يرجع يعيش مثل قبل مستحيل
حتى لو غلطت ميخالف مايصير تصحح الغلط بغلط اكبر اصلا افضل حل للمشكلة تكعد وتتناقش وي صاحبها مو اعاقبها عقاب يكسر ظهرها لو اخليها تنتحر لو ازوجها لواحد يندمها على الحياة الف مرة اعرف غلطت بس لا تصحح الغلط بغلط اكبر .....
امير : ايي ما ناوي تنطق صكر
صكر : العصر يجي اصيل يعقد عليها وياخذها
جنان : كللللللووووووووشششش
صكر : عليمن تهلهلين على عارنا لو على تربيتنا النظيفة
امير : هذا احسن تسوي هي رادت هذا الدرب خلي تشلع شوكها بيدها
صكر : انا صاعد انام بالخمسة كعدوني
نور : ترك الاكل وصعد راح نام صعدت ورا لكيتة كاعد صافن بالحايط تقربت اله حببيبي
روحي ابو فهد التفتلي مستغرب
صكر : منو ؟
نور : منو منو ؟
صكر : ابو فهد
نور : انت .... ابتسم بحزن يوجع تقربتله ..... شنو صار ليش هيج وضعك
صكر : لا تخافين ما بية شي بس خلي يعدي اليوم على خير
نور : ضل هو كاعد تركته توضيت وكعدت اقرا قران شوية حسيت اجة يمي نام يم حضني عليت صوتي متعمدة بلكي من يسمع يرتاح خلصت الجزء كملته باوعتله غافي بحضني ضليت صافنة علية حواجبه شعرة عيونه ذبلانات وصاير سواد داير مدايرهن مثل الحدود ضحكت هاي بعدنا بالبداية بسم الله باجر لو صار عدنا ولد ويطب ويطلع ويسوي مشاكل وبلاوي ويتاخر بالرجعة شتسوي ويا
صكر : على شنو تضحكين
نور : ها ...... اضحك على روحي اهلك خدعوني
صكر : بيمن خدعوج
نور : بيك يا ضناية
صكر : ههههههههههه ...... غير تستقر عبلة كامل
اي بلا شبي .... وخدعوج اهلي
نور : شنو شبيك ترى انت شايب وشعرك صاير ابيض وكبران اشو بالعرس ماجنت هيج لو هسة انمسح المكياج وراحت اثار الخلطات
صكر : هههههههههه ..... ليش انتي ماخذتني حتى تكبريني لو حتى تصغيريني
نور : هلو جا اذا اريد اصغرك ياهو يربي فروخك باجر على هل الحجي تريد واحد يربيك ويربي فروخك ويربيني ...... هههههههههه
صكر : طلعنا ادب سسززية على حجية هذا
بيش الساعة
نور : ههههههههههههه ....... بالخمسة ونص
صكر : تحجين صدك مو كلت كعدوني بالخمسة
نور : شقة شقة ...... عم نمزح معك شبك يازلمة
صكر : غير تستقر نانسي لا صدك بيش الساعة
نور : بالاربعة ونص
صكر : يلا هم يلا راح اسبح اريد جاي يعدل راسي ويكعدة عدل
نور : حاضر نزلت لكيت سارة عدنا واصيل واسير كلهم بالاستقبال والوجوه تتلاطم ليش جاين من وكت صكر كال الموعد بالخمسة
امير : ماكعد ناصر
نور : نوب مو تريدونه فهد شنهي كل يوم الكم راي
امير : ولج رجلج مو ابنج شكد فاهية لخاطر ربج
نور : هم جاين من وكت بعدهي بالاربعة ونص
غزال : والله توقعتها ساعتكم خربانة يا الفاهية
نور : ليش الغلط شبيكم
امير : الساعة راح تصير ستة شبيج يا اربعة ونص
نور : جذب .... ليش ما كعدتوا صكر
امير : منو الي متخلي عن روحه يكعدة
نور : يبوووووي شيسكته هسة راح اكل العصبية كلها هسة ادري بحظي
امير : لا يخافج عليج يجيج بس حجي ورزايل اما اذا واحد غيرج توصل للكسور والعظام
نور : صعدت ابدل لكيتة كاعد يمشط بشعراته
ابو شعر
صكر : سويتي الشاي
نور : اي كامل تشربه جوة
صكر : شبيج مصوفرة جنج بيج شي عندج شي
نور : لا بس شوي الم بالمعدة هسة من اسبح ارتاح سبحت وكملت ومشطت شعري وخلصت رتبت الغرفة صارت بستة ونص ما نزلت ضليت فوك طاك قلبي على اصيل واذا سلمت صكر راح يضوج مني هو صح ما يحجي بس صرت افهمة من نظرة عيونه الى اعرف شجاي يفكر
فتحت التلفزيون قران ودخل صكر
صكر : ليش كاعدة هنا خوفتيني
نور : علما كملت سبح وتمشيط ورتبت الغرفة
صكر : ليش ما نزلتي جوة
نور : اذا اريد اسلم عليهم مو كدامك ولا بيتك
خلي تخلص هاي السالفة ويصير خير
صكر : الخميس الجاي عرس ريم راح نكول جدي تعبان وما نريد هوسة وعرس وتطلع من البيت بشيخ يعقد وخلصت
نور : طيب خلة وطلع مدري وين راح نزلت جوة لكيتهم وجوه تتلاطم شبيجن
هند : صكر من ينطي حجاية بعد لو ينزل بيها الف نبي ما تتغير
نور : شصار شبيكم
هند : صكر كال ريم من تطلع منا بعد نعتبرها ميتة ومالها اي وجود بحياتنا
نور : ياربي طيب خلي يحجون ويا امير واسمر
غزال : شيطلع اسمر حتى امير قفل عليها
هند : هنا الضيم امير يمشي بكلام صكر مثل الورد لو ندك للصبح غير صكر محد يغير رايه
اسمر : اليوم بليل احاول احجي وياهم واشوف
نور : ضلينا منتظرين حضرتهم للوحدة بليل يلا شرف استاذ امير بس دخل انا بالحديقة
امير : ليش لسة كاعدة خيرج
نور : منتظرة صكر
امير : شوية ويجي ما يتاخر
نور : لازم جنت ويا
امير : اي ليش
نور : وما حاولت تحجي ويا
امير : علمود شنو هم رجعتوا تتعاركون
نور : لا علمود ريم
امير : شوكت شفتي صكر يبجي
نور : ولا مرة
امير : بعد عركتم راح للنجف مرة ولحكتة وصل للمقبرة ساعة كاملة يعتذر من امي وابوي ويكللهم ما عرف يربيها ساعتها عرفت صكر ما اتأذى لا صكر انكسر بسواية ريم رجال طول بعرض شايل هم عشيرة ما عرف يربي اخته
نور : والحل تعالجون الغلط بغلط اكبر
امير : لا نعوفهم لمن يصير عدهم طفل استغفر الله ربي واتوب اليه يلا هسة انا اجيت وياج شكولين من حل الهم ها ......
صكر : شعدكم كاعدين هنا
امير : مرتك جاي دورلي مرة
صكر : اي ليش لا كافيك رجال مشورب نريد نشوف جهالك
امير : خلي تخلص سالفة ريم على خير وسهلة
تدللون
نور : هاااااا يعني ادورلك وحدة منا منا
صكر : توكلي بالله
امير : لا اخوان هي جاهزة مجهزة بس ندك بابهم
صكر : تحجي صدك لو تشاقة
نور : كام وكف على حيلة وغنة اغنية قديمة كلش مافهمت منها بس كلمة غريب ومالي وي الناس اي حظ
كعدت اقراء كتاب مشتريته صار سنة كلما اريد اقراء يصير شي سمعت صوت صياح وصريخ وبجي ما مفتهمة شي نزلت لكيت عمتي تلطم وشاكة الثوب وريم وهند يسكتن بيها بس سمعت جملة راح الجان السند الجن ولجن ياهو ضللجن وتنعي كعدت مقابيلها واحجي منو مات عمة منو مات ........
لمحة من المستقبل ......
هاي المحة ذكرتها حتى ابين منو كال امير يموت امير صورت سالفة الحادثة مشهد منها فقط ........
حور : كعدت ساعة ستة الصبح غسلت وصليت نزلت سويت بيض سلك وحميت حليب عمة كاعدة تقراء قران كملت الريوك صعدت للغرفة وكفت بالباب ياربي فدوة اروحلك يارب قريت الفاتحة لام البنين
نور : ولج شجاي تقرين
حور : خوفتيني جا وكعت الحليب على روحي
نور : لا دخيلج شيخلصني من امير
حور : اي كلكم تكولون هيج بس انا من يشوفني شايف بليس مو بشر بس يصيح ويخنز بي ويرزل على الطالع والنازل
مگالب والليالي تريد وَسعــة بال
وهموم العــلي ما مـــرن بواحد
عريان السيد خلف
الى هنا نختم بارت اليوم نشوفكم بارت جديد
ودمتم سالمين .......
____________________
لا تنسون تصوتون للقصة وتشاركونها......
دمتم سالمين........
أنت تقرأ
غزلان الجنوب
Hành độngقصة عراقية حقيقية ١٠٠/١٠٠ تأسر قراءها بين أحداثها الغامضة والحقيقة المخفية في سبيل معرفة ماحدث في تلك الليلة المظلمة ... هي كانت في الماضي ولا يزال الماضي يطارد اصحابها ... قصتا حب شاء القدر كسر احدهما في زمن مضى فهل يقف مع الاخرى ؟! ³⁶⁹أم سيكون...
