غزلان الجنوب

الثالث والثلاثون

ماعاد الصبر يلچم مصب العين ولا  مثل الخلگ بدموعنه نمثل!

عريان السيد خلف

___________________

نبلش بسم الله الرحمن

نور : خلصنا اسبوعين بين سهر وقلق وتوتر وضغط الولد يرحون من الصبح لليل يجون بس علمود رجال بالبيت الحرس زادوا ثلاثة اضعاف وايسر فوك راسهم مسواكنا وغراضنا كلها بيدة صكر صرت كل ثلاثة أيام اشوفة ساعة ومرات يجي بالوحدة بالثنتين هيج اليوم يطلع امير وضعه احسن بس راح يبقى على كرسي فترة طويلة الى ان يطيب كسرة
وحركته صارت كلشش مقيدة بس المهم عايش كعدنا الصبح سوينة حلفة تنظيف كلها شاركت بس انا خلن علية اعطر وابخر البيت بس كلهم خايفين يصير شي على الطفل كملت تنظيف وخلصت رحت سبحت وتعطرت
ونزلت كلنا مبدلين وكاشخين ومكملين اجوا صارت هوسة برة وعلكت بالرمي ما تفتهمين شي كلبت جبهة وهوسات وذبحوا اربع ذبايح وطبخ جابوا طباخ يطبخ والدوان انترس شيوخ جدي محد انطاه خبر خفنا على صحتة
ضلينا للاربعة العصر يلا شرف حضرة جنابه الكسيف دخل بهلاهل وجكليت .....

امير : عمة رحمة لهلج عندي شكين بالجمجمة وانت تفشخين بجكليت صلابيخ

جنان : كللللللوشششش يمة يوم عيد وفرحة يوم شفتك وسمعت حسك بهل البيت

امير : اوووووو لا تكلبنها مناحة وبجي الي مشتاقلي ينطيني فلوس اخخخ

صكر : شبيك

امير : راسي

صكر : لازم ترتاح

امير : ريم وين

نور : ريم جانت خاتلة بغرفته عمتي وعيونها تصب من سمعت امير ذكر اسمها ركضت كعدت بين رجلية تبجي تكسر الخاطر اسير دنك اختنك بعبرته وطلع اصيل اه يا اصيل اصلا ما دخل ضل برة يم الولد وهي تبجي امير يبجي صكر خلا وطلع اسمر سكتهم وامير صالح ريمة ودخلنا عدنا جناح عمتي فرغنا لامير وغرفة هند راح تكعد بيها عمتي وهند تصعد يم ريم دخل لغرفته امير يريح واسمر صعد للغرفته وانا كاعدة انتظر الاستاذ يشرف طول كلش عفته وصعدت نمت فزيت على حركة هند يمي

هند : ءءءءء اسفة كعدتج

نور : لا عادي وين صكر

هند : نايم بالاستقبال

نور : طيب تردين شي

هند : ردت اخذ الغطاء اغطي صكر

نور : عوفي انا اغطي خذيتهن ونزلت غطيته وتلفونه يمة شلته خليته على الشاحن شغلت الشاحن فتح ضوء الشاشة الرئيسية بيها اشعارات هواي من رقم اخر رسالة جانت وينك صكر معقولة غفيت ....

كعدت يم راسه وين تريد ياصكر ويييين تريد توصلنا خلال الاسبوعين فزيت مرة بالوحدة بليل جان بيها يحجي بصوت هادئ ويهدي بيها ومرة ثانية جانت صبح سويت ريوك وكلت افاجئه وصلت سمعته يسولف وياها وجان فاتح كام وصوت طفل يمة مدري انا سمعت غلط بعدها صرت عادي شتفرق يعني شوكت ماشوف رسائلها ومكالماتها عادي انتبهت لروحي دموعي تنزل بهدوء مثل المطر الي ينزل على كيف تحسه يزيد الوجع وجعين مثل الي يبجي بهداي خاف احد يسمعه طلعت صعدت للفوك عمتي مكابلة امير وكاعدة تقرأ قران واسمر يم مرته وابنه والهوسه كلها من غرفة البنات دخلت سارة وريم وهند وسلال دخلت يمهن هن نصدمن من شافني هيج ......