غزلان الجنوب

البارت العاشر

متوهمين..
ظنينه النفوس .. اطيب
گلنه النار تبرد ..والجرح يبره
وحگك.
مابرد موگد حزنه اعليك
مره انوح سكته
ونشتعل... مره

غانم الفياض

نبلش بسم الله الرحمن الرحيم
________________________

صكر : بعد ما وصلتني رسالة منها اسم الاب صكر
غريب نفس اسمي .... شهل الصدفة ....
رحت لاحمد .... لكيتة بالمكتب .... سلام

احمد : هلا والله بالضلع .... شلونك شخبارك
عاش من شافك شهل الغيبة .... شني ماتكلي
وين غاط .....

صكر : اي مو انت انطيني مجال حتى احجيلك
ياخي ..... والله صارت هواي شغلات .... المهم
نور صكر ضاري ... اريدك تاخذلها اجازة .....

احمد : اي تدلل بس ....... منو هاي .... يعني
قريبة غريبة .... شنو سالفتها .....

صكر : خرب شكد تفكيركم منحرف ..... تذكر
البنية الصغيرة الي لكيناها ....

احمد : اي شبيها ...

صكر : اختها هي نور .....

احمد : اهااااااا ..... يعني نكول مبروك لو نهلهل

صكر : تهلهل عليمن يااااا مصخم ..... ههههه
لا طلعنا نعرف بعض وي الاهل لذلك
طلبوا مني هاي الخدمة .... بس لا اكثر
ولا اقل .....

احمد : اهااااا .... اي خير ان شاء الله

صكر : يلا انا اترخص اشوفك بعدين ....

احمد : ااااااا خليك ياخي وين ترى ماشفناك
شسالفة ....

صكر : لا ماكدر باجر لازم التحق واليوم عندي
كم شغلة اخلصهن ..... يلا اشوفك بلليل
بالكهوة ....

طلعت بوجهي للحلال يم اسمر كملت كم شغلة
وخلصت شغلات مهمة مخليهن براسي لليل يلا
خلصت اتصل امير

امير : ها شني وين ما وين ....

صكر : هستوني خلصت شغلي ....

امير : احنا ننتظرك .... شوكت تجي

صكر : هسة راح اطلع .... بالكهوة مو ؟؟

امير : لا ياكهوة يمعود نتعشى جاي يابعد
اخيك .....

صكر : جا وين انتم هسة ....

امير : تعال للمطعم الي نروح علية كل مرة

صكر : يلا سد جايكم .... شغلت السيارة
وفاتح راديو شغلت اغنية هيثم يوسف

اضعف كدامك
بس انت ..... واتمالك نفسي بهل السكتة
.....

اي عيونها من تجي ابالي اخخخخخخخ قلبي
شيصير بيك .... لو من شفتها ذابة الشال
و الشعر يلعب على الهواء ..... ههههه

تاليتي وياج شنو يا بت قلبي ....
وصلت للمطعم سوالف وضحك وشقى ....
يطلعون الواحد من المود .... ويغيرون جو ....
دك تلفوني تركتة شوية ورجع دك بعدها اجتني
رسالة ...