غزلان الجنوب

الرابع والثلاثون

وتشرك اشموسي ابحضن ليلك نهار
ويحضن الغايب هوى الحاضر حضن

عريان السيد خلف

ادري جاي اصدمكم بدلالي ادري ......

_____________________

نبلش بسم الله الرحمن

نور : درت اله هاااااا تفضل استاذ لاتخلي المدام تنتظر دخلت لغرفته امير وسديت الباب

امير : شهل هل الهوسة شبيكم شصاير ؟؟
بعدين تعاي ولج شلون دخلين بدون دكة باب ايجوز جاي اخابر احجي وي بنية

نور : امير شتعرف عن حياة صكر قبل الزواج

امير : قبل الزواج لو قبل ست سنوات بذات

نور : شمعنة ست سنوات شصار قبل ست سنوات

امير : شي لازم صكر يحجي مااكدر احجي انا انتي زوجته ايجوز يحب يحجي هسة ايجوز يحب يضل ساكت ماتدرين انتي شنو يدور براسة

نور : فهمت فهمت استاذ امير ماتنطي اخوك فهمنا فتحت الباب لكيت اسمر كاعد على الدرج فتحت الباب وطلعت

اسمر  : صكر كال ممنوع تصعدين موزين عليج

نور : صدقة لله شكد يراعي ويقدر

سارة : شصاير بينكم

اسمر : اسرار دولة لا تدخلن

نور: لا ليش اسرار دولة علمود الموضوع الي حجيتة كدامجن

اسمر : لا دام السالفة هيج راح بيها صكر

نور : هههههههه لا يابة اخوك يغطنا بالشط ويطلعنا عطشانين

صكر : من باب الادب جان جبتوا عصير ماي

نور : ها ليش هيج جان اخذت المدام والبيبي مشورتهم واكلتوا ايس كريم

صكر : ما جنت مفكر بيها هسة اروح ليش لا خوش فكرة

نور : بدربك اوكف يم مطعم وكلها مشاوي حتى تتحسن نفسيتها

صكر : اي والله مشاوي وليمون وفلفل حار وفحلين بصل اوووووو

ريم : صمون مكسب و لبن ورطب

نور : ولج ريم وحمس

صكر : اشتهيتي ؟؟

نور : لا اصلا مالي نفس باي شي الزود لابو ماقصر

صكر : شنهي اضل اليوم ارد وتردين طولان لسانج

نور : اي يابعدي جنا نمسح جروح وجبت وحدة علينا شنسوي بعد خلي نصير امهات لسان طويل وما محترمين نشوف شتجيب علينا هز راسه وطلع خرب هاي الحالة يعني بسيطة صبريلي انا اعلمج ضلينا كاعدين لحدما صارت بالعشرة اجة صكر دك الباب

اسمر : ولج نويران روحي لغرفتج رحمة للعدلين والميتين

نور : ماني مااروح يعني مااروح