غزلان الجنوب

البارت السابع عشر

أحس گلبي اليحبك طير
طاح بشبچة الغربه
بعيد أنتَ ، وبعيد آني
وكل واحد نصب تمثال للثاني
بوسط گلبة

كاظم_اسماعيل_الكاطع

بسم الله الرحمن الرحيم
________________________

شايف من تجيك الطعنة من أحباب..
هيچي جروحك تحس بيها روحية !

تصور تبتدي تشتاگ للجتال..
اذا جف التطعنك بيها حنية !

المهم عاذرهم وكل البقن سهلات..
أنه الجرف اليسامح روج شاطيّه !

حتى من أنجرح ما دام همّ بخير
آنه بخير يعني وكلشي ما بيه !

محسن : مو سهلة تخسر شخص جان الروح الك
الحلم الامل والامان ..... من تخسر اول حب
بعد ما ضكتة صعب تخسر شخص صعب تخلص
عمرك مشتاق لشخص جربت حبة وتعرف الخلل
مو بية .....

محسن جان يشوف جوليت افضل واجمل زوجة على الاطلاق .... حب حياتة صعب ينسى وهو يعرف
ان اول ملام على كل شي هو محد غلط كدة
و تجاوز اكثر منة احيانا نحتاج نعرف قيمة
الاشياء و الناس الي بحياتنا قبل لا نخسرهم

حتى لا يبقى عصب الندم ينبض الى الابد .....
وهذا الي صار وي حسن هو يلوم ضاري
بس يعرف ان اللوم لنفسة اكبر بهواي
من لومه لضاري ......

ومايكدر يلوم جوليت لان اكثر شخص
انظلم بهل القصة هي جوليت ....
وجان يعرف مالها ذنب بس أحيانا تكبر جروحك
تصير انسان قاسي حتى و الي يحبونك .....

محسن راح يكون سبب في دمار قصة حب
اخرى ام انه تعلم من الدرس السابق .....

محسن : حي الله من جانا بوية صكر لا توكف ضيوفنا خلهم يدشون .....

ضاري : الله بالخير والكرامة.......

جانت العيون تحجي شي واللسان ينطق شي
ثاني كعد الكل بالديوان و بدأت الذكريات
تنساب والافكار تتحايد .....

ضاري : رفعت راسي صارت عيوني بعيون حسن
باوعلي واندار بنظرة على زاوية الديوان جنا
نكعد دائما هناك نشوف حكم عمي فلاح
بالسالفة ونسمع سوالف العشاير الثانية

جنا اذا دكة عشائرية نروح سوية واذا
اكوا دخيل عدهم نحرس الديوان اثنينة
سوة انا و حسن ..... رجعت من ذاكرتي
شفت حسن لالة بعينة الدمعة .......
يلا بوية نترخص احنا حرسكم الله

صكر : بسسس عمي ما تكهوتوا .....

ضاري : مشكور وليدي الجايات هواي ونتكهو بعرسك
ان شاء الله ..... ردنا نطلع بس وكفني صوتة

محسن : ننتظركم بأقرب وقت تتكهون عدنا .....

ضاري : ابتسم وعيونة صارت تلالي من الدمع
تأمر أمر ياشيييييخ ......

صكر : حيل حبيت تصرفهم وي بعض صح
هم بينهم مواقف بس الحلو بيهم يخفون
ضعفهم ويبينون نفسهم اقوياء .....
حسسوني ممكن تصير امل بالصلحة ....