غزلان الجنوب

البارت الخامس

شبعد بينه
مشينه الكل نذر حافين
وشبعنه الله كريم وما تلاگينه

الگاطع

_______________________________

جوليت : من درة جدجن اجة وراي وسوينا الفاتحة
بديالى وبعدها رجعنا جانت شريجتي عدها بس
اثير وبعدها بسنة توفت من يومها صرت
انا الي ادير بالي على اثير وصكر بس اثير
مجان مثل صكر لا صكر جان قلبة كوي

اما اثير خطية جان بأصغر شي يتأثر
وابوهم جان دائما يحجي على اثير
ويعامل صكر احسن منة حتى يتعلم بسسس
مجان يدري شنو نهاية معاملنة وشراح تسوي
بعلاقة الأب والابن .....

سلال: زين جدة عمي اسير واصيل منين
اجوا .... يعني جدي تزوج مرة ثانية ؟؟؟

جوليت : سؤال سلال جان الباب الي حاولت تنساه
جوليت بس مستحيل شينسيها وشنو الي
يشيل الذكرة من داخل الروح وشلون تنسي
رجعت جوليت للماضي وتحديداً (......

الي يوم الي اجة محسن يصالحها ويرجعها
على ذمتة جانت متوقعة راح ينساها ويعوفها
ويبدي حياة جديدة بس من سمعت بي جاي
رجع قلبها يرفرف مثل الطير المذبوح حضرت

نفسها وصارت تتخيل شلون صاير شكلة
وشراح يسوي من يدري بيها حامل منة
لكن للقدر رأي اخر ..... اجها ابوها
وجانت متوقعة يرجعها لذمة محسن

خلف : ول يابة اليوم اجيا لينا محسن
وراد يردك لذمتو بس انا قلت لو انتي
نسيتي وما تردين تشوفينو بعد
واريد وعد منج تنسي وتبدين من جديد

جوليت : حجايات ابوي مثل التيزاب
حسيت روحي راحت وضعت مثل الي
ضيع امة بجيت ولطمت ودكيت والطفل
شلون ... اكيد اذا عرف ابوي يرجعني

بس صدمتي كبرت من ابوي رفض
يقبل الطفل وكال اجهضة تخبلت
وحاولت بكل وسيلة اقنع ابوي
وامي جانت تشوفني اذوب كدامها يوم
ورا يوم وبيوم الي قررت اكعد اكتل

نفسي والي بطني صعدت فوك السطح مالت البيت
الهواء بارد ويضرب بالوجه الشهر العاشر بداية
الشتا والساعة اربعة الفجر الشمس متأخرة صرت
اشوف الكاع بعيدة عني ومن اباوع احس روحي
ادوخ حطيت رجل على الستار والثانية رحلكت

وطرت بالهواء حسيت بروحي حرة حسيت
بأحساس الطيور من تضوج من الكاع وتطير تغير
مكانها وبعدها كلشي صار اسود مثل ليل الغرب
فتحت عيوني انا بغرفة بيها اضوية هواي

وامي والدكتور فوك راسي صرت اغمض
وافتح رجعت سودت الدنيا ورجعت نمت
فزيت كاع خضرة وجان اركان موجود
وعمي فلاح هم موجود بس الغريب

عمي فلاح بيدة طفل عمي باوعلي
وكلي بوية الامانة مو سهلة ديري
بالج عليها ولا تنسين هذا حزام
ظهر ابو ..........

فزيت وانا بعدني بالمستشفى وامي يمي
تسمي وتصلي على النبي سألتها كالت جنتي
حامل بتوم وتوفى واحد وبقى واحد ضليت
صافنة يعني انا بقلة مروتي وتفكيري بنفسي
كتلت طفلي اووووووووف