غزلان الجنوب

البارت الخامس عشر

المطوري يڪول ...

لا اني اليتاني احباب...لاشدتني دگة باب
اعرف بي غريب الجاي چي دك بابنا المفتوح
بياض الملح گلي اللون
مو كافي الطعم بالروح
من عدها وعرفت الناس
المالح مو شرط مملوح !

نبلش بسم الله الرحمن الرحيم
_________________________

صكر : انا عندك شكو دور بالغرف ..... اتلكاها منك
من هذا المطي بدال ما يشرد البنات طلعلي ....
خرب حظك .... هسة شلون .... اشو هذول
فتحو الغرف كلهن ذني وين راحن ....

جواد : الغرف فارغات خبصتنا عليمن بعد ...
....

اصيل : البنات وين ؟؟؟ راحن واسير وين ؟؟؟

ياسر : طلعت من الكنتور اشوف من الشباك
همة خمسة مو هواي يعني بس يرادلها همة نسحلهم
.....

جواد : دام هيج نعلك راس صكرررررهم بالباب
تذكار منا الهم هدية .... والجايات روسهم ان شاء الله
....

ياسر : سحب سلاح وحطة براس صكر ...
وانا احس دمي فار .... طلعت حطيت سلاحي براس
واحد قريب على باب الغرفة التفتوا علية صكر
راساً سحب سلاح جواد وقلب الحجي دخلوا
ايهم وحسن واسير .... وصار قاتل ومقتول
ورفس وحمس ....

صكر : صعدت للسطح بعد ما خلصت السالفة
وحجزناهم ... لكيت روان على كعدتها شلتها
ونزلت اسير سحبها مني وحضنها شوية
ودخلن سلال ونور ....

نور : حسيت العافية رجعت من شفتة هو وعمامي
ما بيهم شي وروان سالمين تمنيت من فرحتي
اطفر واحضنة ... ههههههه سحبني اسير
وضمني لصدرة .... اوووووف الليلة ما تنسي
حسيت بشي بين اصابعي باوعت شفت ايد
صكر لزم ايدي وكأنوا جاي يقول خلصت
لا تخافين .....

ايسر : اشوف عبادالله بين حاضن ومحضون
وانا وجهي فالت ... اباوع لصكر ماخذ راحتة
لا هامة عمامها ولا شي باوعت لأم السان
صافنة وجهة اصفررررر وشفايفها بيضضضض
خوفتني عبالك طالعة من المقبرة .....

تقربت لصكر ضربتة بمتني باوعلي اشرت الة
على سلال .... باوعت الها شو هاي ماعت
روحها وراحت بالكاع مثل الميت فقدت
والكل ركض عليها ....

خذوها ودخلوا للغرفة الي جانت بيها كاعدين
وانا اخذت الولد وجواد صعدناهم بالسيارة
لليل استر النا نتوكل ويصير خير
......

صكر : طلعنا وانا روحي وقلبي وحتى عقلي
ضل يمهم ايهم طلع وياهم لديالى يطمن عليهم
ويرجع للبغداد .... واحنا طلعنا كبل لبغداد ...
وصلت للبغداد ساعة ستة الصبح خابرت لايهم
مايرد وهاي المرة العاشرة ...... احس عقلي طار

وتفكير ماضل عندي سحبت باكيت الجكاير
وكعدت اسلتهم وحدة وحدة .... اجاني ايسر
حالة اخس من حالي ...

ايسر : يمعود تلكاهم وصلوا وناموا وهسة
واصلين مرحلة الحلم السابع عشر .... ههههه

صكر : باوعت لايسر يريد يخفف علية بس
مايعرف شلون احنا نعرف نكتل ونسحل ونصتاد
بس ما نعرف شلون نواسي الواحد ولا شلون نهون
علية ....