غزلان الجنوب

البارت الثامن عشر

- الگبل وڪت الشيب شيب ،
- هـذا چان هـواي يسامح ؛

-حسين_علي_المطوري

بسم الله الرحمن الرحيم
_____________________

حسن : صكر بوية شناوي علية ....

صكر : والله ياجدي رايدها بالحلال وشيخ ضاري
يدري وموافق .... بسسس

حسن : اشوفك تبسبس يا لنجر .....

صكر : خايف من عمامها يسولي سالفة  ...
ذولة الصغار ما ارتحالهم ....

حسن : والي ما يطخ راسة نخلي يطخ وانا
ابوك ..... اريد اشوف وليداتك قبل ما اتوسد
التراب ...

صكر : عمرك طويل جدي وان شاء الله تشوفهم
وتربيهم بعد .....

امير : لا تخاف حسيون العا........

اسمر : الله يطيح حظك على هذا المثل .....

امير : مرة وحدة بسس مليون مرة .....

صكر : انا كايل لسانك من الكهاوي صار ينقط
عسللللللل ......

حسن : يلا بوية خلي يفرشولي اريد اتوجد وانام
احس روحي تعيبان .....

امير : اي جدي جا قابل مثل بعض الناس خذولهم
مجعة حضن شلون حضن ...... يخرب بيتي
نزلون يمشون عرض .....

اسمر : ههههههههههاي ..... رحت بيها صكير

صكر : امير تكوم لو اكومك انا ......

امير : اي عيني صرنا ما نتكلب جربت حضن غير حضني ونسيتني ..... يصير خير تالي يخونوك
وتضل تصفك باليدين ......

اسمر : هههههههههههههه خرب هذا ولا راح يستعدل
يلا كوم لا انزل بيك انا قبل صكر .....

صكر : يلا كوموا شفت جدي خطية كام يغفي
اخذنا لغرفتة نام .... طلعت للحديقة ريحة الورد
متغيرة اليوم لكيت امير كاعد صافن بالجهاز.....

امير : ها شبيك تكول واحد متيه اهلة .....

صكر : مو الي شبية انت شبيك صافن بجهازك
خير صاير شي  ......

امير : مو من هسة من قبل خمس سنوات ....

صكر : لا تحجي الغاز انطيني المفيد .....

امير : جانت طالبة سادس اسمها عسل
وهي جنها عسل شفتها مرة راجع من الكلية
تمشي وعيونها بالكاع صار عندي فضول اعرف
شنو لون عيونها مرة ورى مرة صرت اروح بس حتى اشبع شي بداخلي  شنو .... ليششش .... شمعنى هي
ما ادري .....

وضليت ست اشهر على هذا المنوال اطلع الصبح
اشوفها وارجع الظهر اشوفها .... وبيوم من الايام
تأخرت وصلت متأخر لكيت ناس واكفين وهوسة
ولمة صايرة بنية ساحكتها سيارة واكعة وجاي

ابو السيارة صاعد عليها ومايدري ماضلت
مستشفى تعتب علية بيومها كلت يمكن موهي
مو شرط تطلع هية ..... رجعت للبيت وانا
كلي ارجف من داخلي خايف تموت واضل وحدة