غزلان الجنوب

بارت العشرون

🍂
أريد أحچي شكو برووحي
بس خايف تلوموني
اني بروحي داريته
تاليتها عمه عيوني
علي الجوراني
نبلش بسم الله الرحمن الرحيم
__________________
صكر : اشتاقيت الج ......
نور : وانا اكثر .....
صكر : ليش مداومتي اليوم .......
نور : لا منو كال داومت .....
صكر : السايق ما كلي يا حيوان على هل الدكة .....
نور : هههههههه .... لا مو اسير بطلني من الخط
وهو راح يوصلني ويرجعني ....
صكر : اهاااااا وانا شلون بأسير بلا يضل عظم ببلغومي ......
نور : هههههههههه  ..... لا ترى ما اقبل تحجي على
عمي هيج اي
صكر : اي ست نور بعد شرايج تحددين الحجي
الي اريد احجي كلمة كلمة شتكولين ؟؟
نور : لااااا اكيد موهيج قصدي بس ما اقبل
ترى ....
صكر : هسة المفروض بمنو انزل بالسياق لو بعمج الشفية لو بيج .... نور خو ما حاطة
مكياج ....
نور : لا ما حاطة اكيد ترى اسير واصيل مثلك
وهم يمكن اكثر منك ....
صكر : اي خوش جا طلعنا نتفق بسالفة ولبسج
خو ما بي زلفة منا لو منا ......
نور : لااااااااااا .... لا بسة جيس جوبلس وجاي امشي هسة تمام ....
صكر : ههههههههه منيلج هاي الحجاية ...
ام الجوبلس
نور : اصيل يكولها مرات ليش شبيها
صكر : اها هنا الحجي يلا حبيبي لا تلتهين
وتفترين وضحكتج مترين اكعدي وستري
نفسج احسن ... ديري بالج على نفسج
محتاجة شي  ؟؟
نور : لا سلامتك بس صكر ليش البنات ما اجن
اليوم .... ؟؟
صكر : هنودة تعبانة شوي وما قبلن يعوفنها
حتى سارة ما داومت ....
نور : ياعمري سلامتها ما بيها غير العافية ان شاء الله  ....
صكر : احم احم.... يلا الله وياج شيصبر قلبي
خلصت ياصكر ما ضل شي كلها كم يوم وتصير
مرتك رسمي يا رب ....
امير : شنهي خاب وين صافن  راحت ايدي من الدك وانت ما كوا ياخي كول يجوز يشتاقون
وما يكدرون من دوني ليش هل القسوة
هو انت ما بتحسش لي ؟؟
صكر : غير يستقر سمير غانم امشي نروح
للحلال هسة جدك يستلمنا ويطلع حركة
الصبح بينا ....
ريم : جدي يريدكم اثنينكم هسة
امير : صكر فيلح كون يكعد انا بخير شيريد
جدج بلا ....
ريم : والله خفت اسئلة تطلع العيطة بية
روحوا انتو  اكلوها  انا شكو بيها عليها بلا
....
امير : مبارك عليج بعتينا من اول هجة
.....
ريم : لا حشى من ثاني هجة مرة هجني لان
اتأخرت والثانية جبت الجاي حار ... هههههههه
امير : ليش من شوكت جدكم يشرب جاي بارد
صكر : ما ادري علمي علمكم ....
ريم : ههههههه ..... لا مو ......  هو  كلبت الجاي
بحضنة لذالك ضل يحجي ....
امير : لا يا حيوانة على هل الدكة جا نتي مسبحة الرجال بجاي حار وتكولين يحجي
لو انا طردج من البيت وما يبرد كلبي ...
صكر : خو ما اتأذى ...؟؟
ريم : لا الحمد لله عمة تلاحكت الموقف قبل
وقوع كارثة اكبر ....
اسمر : جدي رايدني خير صاير شي
امير : كلنا يريدنا مو بس انت الله يستر بس لا يريد يزوج .....
صكر : بطل احلامك الهندية رحمة لاهلك
امشو ننزل فضوها ....
حسن : اجوني خطابة لسارة واريد اخذ شوركم
....
امير : خير ان شاء الله جدي كل الهلا نتعرف عليهم ويصير خير اذا اكوا قسمة ليش لا ...
اسمر : وانا من راي امير جدي
حسن : صكر اشوفك ساكت شنهي سكوتك
شعتبرة يابوي ...
صكر : منو العريس جدي ...
حسن : ليش عندك جماعة  تريدهم يجون لو شنهي ...
صكر : لا جدي بس مو الاصول نعرف منو
العريس يلا نوافق ....
حسن : اسير ابن الشيخ ضاري ....
صكر : مالة داعي نستعجل على رزق سارة
يجيها الي احسن منة ان شاء الله....
امير : شبيك بابا شارب شي اكوا احد يرفس النعمة الي اجتة على طبق من ذهب .... !!!
صكر : وخير ياطير منو كلك اريد اخلص من سارة لو لان اسير عم نور ما لازم ارفض
لا والله بسماه اسير راح اضل وراه وياويلة
يغلط غلطة كدامي  ....  واشوفكم زملتكم شلونة .....!!!
اسمر : شبيك صكر ترى حجي امير صح ليششش ما تريد الخطبة تصير سامع شي
شايف شي ..... ؟؟؟
صكر : وشنو الي شايفينة انتم بأسير وانا ما شايفة فهمووووووني ....
امير : خلاص يابة مو بالزوم يضلن مكابلاتك
وكاعدات بعد مقصرين وياك .....
صكر : لو ساكتمن الاول مو احسن بلا شحصلت
دك جهازي باوعت روحي وعافيتي وكلشي
فتحت خط الووووو ......
بسام : لك عار ادب سززززززز ..... ولج نور اليوم محد يرحمج مني ..... وسد الخط
صكر : احس ماضل عقل اصلا مجاي افهم
شي بسام يحجي بجهاز نور غلط وسب
شجابة الها شواد يمها ..... رفعت راسي
طبكت سيارة اسير نزل اسير واصيل
اسير قبل لا تحجي اي حرف وتجاوز اعرف الموضوع .....
اسير : على كيفك ابو صكير جايين نغير جو
يا تجاوز
صكر : هاااااا  .... دك جهاز اسير بس حطة
على اذانة انكلب وجه وطفر ركض للسيارة
وركض وراء اصيل واحد ثاني كلبي لعب
صعدت سيارتي وراهم للبيت سمعت صوت
صريخ وبجي ونوح .....
دخلوا و انا مثل
المخبل وراهم شفتها شعرها مخبوص ...
نايمة مثل الملاك و وجها وايديها وملابسها
كلهن دم وكلهم مكابلينها وكاعدين ركضت
سحبتها منهم شلتها وطلعت لسيارتي امير
يسوق .....
جسمها بد شوي شوي يبرد وهي مثل السعفة
بحضني لا نفس لا حرورة لا كلشي ماكوا
اباوعلها ملامحها باهتة مو ذيج الي عيونها
لالي وضحكتها توصل لاخر السلف ....
مو ذيج ام لسان الي كلتني اكل بلسانها
صفنت بيها شكد حلمت نكعد بنفس البيت
وتصير ام جهالي ويطلعون الجهال عليها
مايعين ما بيهم حيل المشاكل ....
جنت احلم نسمي الولد علي واعلمة من الصغر
على الرمي .... جنت احلم نسمي بنتا سلال
وتخيلتها تكعد ددق بالاسم وتشكك بي
تخيلت اشوفها بدلة عرس .....