غزلان الجنوب

البارت السابع

مو كتلي عيش بعشرتي
شو خذت عطر انفاسك
جاسك برود وغيرك لو غيري هذا الجاسك

نبلش بسم الله الرحمن الرحيم
______________

محسن : بعد ما عرفت بيها تزوجت عضيد وسند
ظهري .... كسرت ظهري بسوايتها اكثر شخصين
ماجنت متوقعهم يبيعوني .... باعوني برخص
وانا الي جنت بذهب ما اراوسهم .... ايه ايه

ديناك تعلمك الصح من الغلط وبوقت اسوء منة
ماكوا ..... شكد اكوا ناس تعلى وترجع تنزل بلحظة
اي يادينا شكد بيج .....

بعدها قررت اخلي شخص يوصلي
اخبارهم ... وكلشي يخصهم وصرت اعرف اخبارها
يوم بيوم ...... عرفت صار عدها ولد سمتة صكر
.....

بيومها اختنكت ورجعت بية الايام ...
بعد زواجنا بفترة طويلة ..... جنت راجع من الشغل
وصلت تعبان والجوء حار كلش .... طباخة الرطب
هههههه احنا نسميها ..... بموسم التمر

دخلت للغرفة باردة ثلج جانت مشغلة
السبلت والمروحة طافية والاضوية طافية
بس ضوء خافت كلش .... بس حطيت رجلي
كفختني ريحة ورد ياسمين ....

جوليت جانت تحب الياسمين ولذلك صرت
وصيت عمتي لميعة تجيب شوية من حديقتهم
بديالى جان الجو حلو هناك تنمو عدهم بشكل
احسن وهي لمتهن وسوتهن عطر .....

دخلت جانت كاعدة تمشط شعرها مثل
شلال الذهب يسر العيون ..... وضحكتها
الي تفتح النفس وتضوي دنياك .....
لزمت المشط وصرت اقرالها قصيدة ....

لشاعر حيل احب قصايدة
توصيني توصيني على ياذمة توصيني
حياتي انت ونبض يسري بشراييني
يظل اسمك علامة توسم سنيني
ولونك مودمع ماضمتك عيني
ولونك مو كحل ماشالتك عيني
توصيني
,,,,,,,,,,,
يلوموني واحسك تكبر بروحي ويلوموني
وانا بلا شوفتك شينفعن عيوني
ياشوقي وفرحتي ودنياتي ولوني
وعذابي ولوعتي وشكواتي وظنوني
ياخيعونك علي وبيك خيعوني
توصيني
,,,,,,,,,,,,,
توصيني ياواهس تضحك الدنيا على شفافك
يابو الليل الحلو ال يلعب على جتافك
احس روحي تأمن بيك وتخافك
واحسك لغزشنهو انت وشنو اوصافك
ولا غيرك نبع بالشوق يرويني
توصيني
,,,,,,,,,,,,,,,,,

جنت أقراء هاي القصيدة كل ما اشوفها وجانت
من تسمعها تلمع عيونها تزيد الخضار الي بيها
خضار ..... جنت اشوف الدنيا بعيونها ....
جنت اكول خلي شمايصير يصير ....

هي وياي وعندي اخو ما جابتة امي
ماخاف من شي .....
احم احم ناوية تجلطني اليوم شهل الدلع والدلال
لا انا رجال كلبي رجيج وما اتحمل ...

جوليت : هههههه ...... هسة شسويت قابل
شوية اهتمام لابو بيتي ولابو عيالي .....

محسن : ههههههههاي ..... اهتمي بوية اهتمي
وانا شيب الخلفوني يشتعل .....
جوليت اذا الله انطانا ولد اسمي صكر
خاطر يطلع نجر على ابو وجدة وعمامة