غزلان الجنوب

البارت الخامس والعشرين

وك عليـگ
اتغربت عمري
وعمر دنياي وأبعد ..!

عريان السيد خلف

نبلش بسم الله الرحمن الرحيم
______________________

صكر : مشتاقلج

نور : اااااااااا خاب شنهي عمي واخوانك واختك وعشيرتك كلها هنا شنهي هي .....

صكر : وحمس مرتي منو اله عندي شي
زوجتي حلالي ام جهالي ....

نور : لا اليوم انت بالع شي ونبي

صكر : والنبي الي تحلفين بي اذا ماعدلتي لسانج
راح اكسرج شنو بالع منين تجيبين مصطلحاتج بلا

نور : تربية اسير بعد .....

امير : بشرفكم هسة وكتها تكعدون تبسبسون هنا
مو شوهتوا سمعتي ....

صكر : تتوكل منا لو استلمك انت وياها سوية

امير : شنهي مايردوني اهلي خو ماكوا شي
لابوية اودعناكم ......

نور : شفت خيال بسام كدامي مثل الصورة الي واختفت بسرعة صارت رجفة بكل جسمي حتى صكر
حس بي تركتة ومشيت دخلت للمحاضرة مثلي
مثل الحايط خلصت اليوم الناس بوادي وانا بوادي
صرت افكر معقولة بسام مالة ذنب ....

طلعنا كالمعتاد اكل وفرفرة ونحجي على هذا وعلى ذاك خلصنا رجعنا للبيت اخذني اسير وطلعت قبل مااشوف صكر وضليت لليل انتظر يتصل ماكوا اشو نساني ضليت لل وحدة ماكوا اي شي لفيت راسي ونمت كعدت الصبح مطنكرة صليت وكعدت اسبح
دخلت سلال احتلال مو بنية حشى

سلال : تلفونج وين ....

نور : ذاك يم راسي على الميز ..... ليش ؟؟

سلال : صكر يريدج هسة ......

نور : شسالفة حلمانة بي شبيج هسة بالستة وحطت الجهاز على اذاني ....

صكر : جهازج وييييين ست نور ؟؟؟

نور : جهازي على الميز يم المراية ....

صكر : وبلا ليش مافاتحة الصامت منة ست نور ؟؟؟؟

نور : صخام نسيت الصامت من المحاضرة
ركضت للجهاز ١٢ مكالمة ورسائل خير خير خير من الله..... ءءءءء .... ااااانا ااااسفة ... موبقصدي نسيتة صامت ....

صكر : على شنو اسفة بلا على حركة الاعصاب لو على تفكيري ونرفزتي لو على حيرتي اريد اوصلج ماعرف شلون ... ؟؟؟

نور : اسفة صكر  وربي اسفة بس بالي مشدوه ..

صكر : بيمن بلا ست ممكن اعرف اخاف عاشكة
ومحتارة شلون تصارحين .....

نور : عااااااا هاي ماهكيتها منك ابو صكير انت موجود وانا اعشك اهاااااا موبالحيف ....

صكر : نور

نور : عيونها وضواهن .....

صكر : اشتعلوا لا تتنعوصين بصوتج ماعايزني