غزلان الجنوب

الثاني والثلاثون

عريان يگول:
عندي بسگفهم چم ضلع،
والله من اجر شهگة عتب؛
للگاع اطيح بيتهم

نبلش بسم الله الرحمن

______________________

نور : دورت على غزال لكيتها كاعدة بالاستقبال توكل صكر شصاير

غزال : خية امير مسوي حادث تذكرين حازم الي قتل احمد اخو قاسم داعم امير الشباب ركضوا للمستشفى بس عمتي بعدهي تحت تأثير الصدمة

نور : ضلينا للوحدة كامت عمة توضت وكعدت تقراء قران واحنا ننتظر للخمسة العصر اتصل صكر

صكر : عمتي شلونها شلون صارت

نور : زينة كلهم بخير بشر شنو وضع امير

صكر : كسر بالحوض فطر بالجمجمة وعندة نزيف داخلي سوله عميلة ويطلعوا هسة بالتسعة بالليل يدخل وحدة ثانية

نور : وشكالوا الدكاترة

صكر: وانا انتظرهم شيكولون امير سبع هو احسن واحد بينا يتعداها ان شاء الله

نور : ان شاء الله يروحي لا تنسى نفسك واكل تمام

صكر : وانتن هم اكلن وان شاء الله ماكوا شي تخلص وتصير سوالف باجر

نور : طيب يا روحي

صكر : نور

نور : عيونها

صكر : عينج على ريم

نور : بعيوني

صكر : يلا مع السلامة

غزال : بشري شكال

نور : كسر بالحوض و فطر بالجمجمة وعندة نزيف داخلي

ريم : بس بعدة عايش مو

نور : اي كال صكر دخلوا عملية طلع منها بالخمسة ويرتاح للتسعة يدخل ثانية

ريم : المهم عايش ياربي فدوة كلشي ولا اخوتي بعد ما عندي غيرهم بدنيا ياربي فدوة

نور : جريتها وحضتها ميخالف يا روحي صلي وادعيلة تذكرت بعدني بدون صلاة يلا خلونا كلنا نصلي توضيت وصليت كملت شلت مصلايتي واحس مثل خنجر ثبت بظهري بسرعة وكعت وصرخت عمتي والبنات احتارن بية كومن كعدت بالاستقبال تمددت

جنان : كومن سون لكمة ما كلت شي من البارحة سودة بوجهي نسيت سالفتج يا يمة

نور : اوووووووي عمة الله يخليج دكي على عمو يجي ياخذني اوووووووي عمة لحكيني ابني اكيد بي شي عمةةةةة

جنان : ولج ريم اركضي لامجد يحضر السيارة هند جيبي عباية الف مرت اخوج غزال يمة جيبي عبايتي اركضي يمة راحت البيت من ايدي

امجد : خير خوية كولي

ريم : خوية حضر السيارة مرت صكر كلش متخربطة فد مرة

امجد : انا غلام ابوي حاضر خوية وركض

جنان : هند لبسي عبايتج وتعالي ويانا عاونيني يلا يمة تعالي لبستها شالها ولفيت العباية اجت هند اخذناها وطلعنا