ကိုကိုနဲ့အလုံး (အိုင်တီအစ်တ်)

အပိုင်း (၂၆)

Unicode

ရှောင်းကျန့်က အိပ်ယာဘေးမှာပဲ ခေါက်စားပွဲပုလေးချပြီး MacBook တစ်လုံးနဲ့ အလုပ်ရှုပ်နေသည်။ အလုပ်နဲ့ပတ်သက်တဲ့ report တွေရေးရင်း ရုံးချုပ်ဆီ email ပို့ရန်ပြင်ဆင်နေသည်။ နံဘေးအိပ်ယာထဲမှာလှဲနေတဲ့ အလုံးလေးက သူ့ပေါင်ပေါ်ခေါင်းအုံးရင်း ဂိမ်းဆော့နေသည်။

ရှောင်းကျန့်က စာရိုက်နေရင်းက ဘယ်လက်နဲ့ အလုံးလေးရဲ့ မျက်လုံးလေးတွေကို အသာအုပ်လိုက်သည်။

"အိ... ကို ကို့ . မလုပ်နဲ့ ... အလုံး ဆော့နေတာ level အရမ်းမြင့်နေပြီ."

အလုံးလေးက သူ့လက်ကို ဆွဲဖယ်ရင်း ဆက်ဆော့နေလေသည်။

ရှောင်းကျန့်က ပြုံးရင်း ပါးဖောင်းဖောင်းလေးတွေ၊ နှာခေါင်းလုံးလုံးလေး၊ နှုတ်ခမ်းဖူးဖူးလေးကို တို့ထိရင်း မျက်နှာလုံးလုံးလေးကို လက်မနဲ့ လက်လေးချောင်းသုံးပြီး အသာလေးညှစ်လို့ စ နောက်နေသည်။

"ကို ကို့... အလုံး ဂိမ်းရှုံးလိမ့်မယ် လို့."

ဒီတစ်ခါတော့ အလုံးလေးက သူ့ပေါင်ပေါ် ခေါင်းအုံးအိပ်နေရာကနေ position ပြောင်းသွားလေသည်။ ခြေထောက်လေးနှစ်ဖက်ကို သူ့ပေါင်ပေါ်ပစ်တင်ထားရင်း မှောက်လျားကလေး ဂိမ်းဆက်ဆော့နေတော့သည်။

ရှောင်းကျန့်ကရယ်လိုက်ပြီး ခြေသလုံးတုတ်တစ်ကလေးတွေကို အသာဆုပ်ညှစ်လိုက်ပြီး စာဆက်ရိုက်နေလေသည်။

ခဏကြာတော့ ရှောင်းကျန့်က သူ့ပေါ်တင်ထားတဲ့ ခြေသလုံးကလေးတွေကို နှိပ်နယ်ပေးရင်း ဒူးကွေးပြီး ထောင်ထားတဲ့ ခြေဖဝါးလေးတွေကို ဖျစ်ညှစ်လို့ လက်ညှိုးလေးနဲ့ ကလိယားထိုးလို့ စ နေသည်။

"ကို ကို့.. ယား တယ် မ လုပ် နဲ့."

ခြေဖဝါးအချင်းချင်း ပွတ်သပ်ရင်း အလုံးလေးက ခြေထောက်တွေကို အတင်းတွန်းထိုးလိုက်သည်။

ရှောင်းကျန့်က အကြံတစ်ခုခုရသွားဟန် ပြုံးလိုက်ပြီး စားပွဲပေါ်က ဘောပင်လေးကို အသာကောက်ယူလိုက်သည်။

ဝင်းဥနုဖတ်လို့ ပန်းနုရောင်သန်းနေတဲ့ ခြေဖဝါးလေးတစ်ဖက်ကို အသာထိန်းကိုင်လိုက်ပြီး ဖဝါးပြင်ထက်မှာ အသည်းပုံလေးကို  ဘောပင်နဲ့ ရေးဆွဲနေလေသည်။