ما وراء الأبواب

Part_16_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

چنه مرتاحين ماندري الخبز
ياهو اليجيبه وبطرگ لعب
الشوارع لا جگاره ولاسياسه ولا حبيبه

~~~~~~~~~~~~~~~~~~~
شمس

دخل ابوي يعيط ومفرفح اول مره اشوفه بهاي الحاله ركضت عليه
شمس : شبيك بابا شكوو

-اختج بالمستشفى داعمتها سيارررة

عافني وركض للغرفه ثواني وطلع يركض وكلها ركضت ورا كل هذا واني بعدني واكفه بمكاني أحس إذني صوفرت وما جاي افتهم شنو جاي يصير

اجت نور جرتني دخلتني للاستقبال تحجي وياي بس اني فاصله شنو اختج بالمستشفى لا قمر بالمدرسه

وكفت عطت بلا وعي
شمس : اختي بالمدررررررسه مو بالمستشفى اني اني اروح اجيبها واجي

اريد اطلع ولزمني البنات ما يقبلن اطلع
شمس : وخرررررن اختي بررا اروح اجيبهاااااا وخررن

نور : هسه يجيبها ابوج ويجي عفيه شمس ادخلي جماعة بابا برا لا يشوفوج تعاااي ادخلي حبابه

اخذتني دخلتني جوا واشوف كلهن ساكتات بقيت اكل بروحي اروح واجي هسه يرجع اختي بيده هسه يجون ومثل كل يوم تدخل وهيه فرحانه ماخده عشره والطلاب مصفكيلها

بنتي هاي بنتي مو اختي اني ربيتها وتعبت عليها وسهرت ومشطت وقريت وعلمت ما تروح بهل سرعه وتعوفني

واكفه وأكل بأظافري ودموعي على خدي توكع حسيت واحد يجر بثوبي دنكت نجم مدمع ويجر بالثوب دنكت اريد اشيله ما عندي حيل كعدت مقابيله مسحت دموعي
شمس : شبيك حـبيبي ليش تبجي جوعانه اسويلك اكل

نجم :ئمر وين (قمر وين )

شمس : هسه بابا راح يجيبها ويجي تعال اكعد هنا حـبيبي

كعدته بصفي اسكت بي واني اريد واحد يسكتني يارب اختي ما بيها شي كلبي ما يتحمل اذا صار بيها شي اتخبل والله

لليل واني على فد وكفه وماكو خبر منهم كاعده وايدي على خدي منتظره احد يحن عليه وينطيني خبر يطمن كلبي

اركان : ها يابه السلام عليكم

بيبي : وعليكم السلام يمه ها شبيها البنيه

طفرت ركض وكفت بصفه
شمس : عمو اختي شلونها فدوه اروحلك كول ما بيها شي

اركان : لا تخافين بابا ما بيها شي بس صبو رجلها وراسها خيطو باجر تطلع ان شاء الله

شمس : الف الحمد الله يعنى ما بيها شي خطير

اركان : لا الدكتور كال ما بيها شي اروح انام تعبان من الظهر فد وكفة بالمستشفى