#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
ضمني بلا هلا من الناس
ضمني من العيون الفاهية
بدونك علكني على رمشك
طيف أحب مكابل عيونك
~~~~~~~~~~~~~~~~~~~
حُذام
بعدهن ما حاجيات ودخلت حوراء تجبي وتركض
حوراء: حُذام حُذاااام
طفرت بسرعه عليها
حُذام : شكو شبيجججج رنا بيها شي
تحجي وفحطانه كوه افتهم منها
حوراء : خـ خـالي بـ برا
رجف جسمي بس سمعة بأسمه
ليا : وينه شافج
حوراء : لا طلع كبل
كوثر : من انعل ابوج لابو الخلفج لابو خالج وياج راح نص عمر من الهبطه بنت السكط عبالي عرف مكانكم
ليا : من كبر طمج انتي واختج تف عليج يمه سكري هبط من الخوف كلت انلزمن
وكعت بالكاع رجليه ما اكدر اوكف عليهن
بعد تقربة ليا تريد دكومني
ليا : لا تخافين ما اندلكم ماطول طلع كبل تلكينه فات منا صدفة لا تنسين ترا بيت خالج بنفس المنطقه
حُذام : والله كلت لكانه واذا لزمنه يطلع حليب امي من خشمي
كوثر : دكومي ما بقى يومين ويخلصون امتحانات وننتقل منا
حُذام : يعنى وافقتي ؟؟
كوثر : جنت رافضه بس هسه من شفت حالتج وخوفج من خالج هاي هيه شسوي امري الله اروح وياج غصباً ما على الخلفني
طفرت بسرعه حضنتها
حُذام :والله ما راح تتندمين نتساعد اني وياج وحده تستند على الثانيه
كوثر : هاي هيه وياج
ليا : وين تردن تروحن ؟؟
حُذام : نأجر بغير مكان بيت بعيد عن هاي المنطقه وندفع سنه ليكدام
ليا : احسن شي تسوي وسالفة البيت يمي راح اوديج المنطقه بحيث خالج بحياته لا داخل الها ولا راح يدخل الها
كوثر : صخام وين راح تودينه بس لا للبتاوين
ليا : لا للملاهي
كوثر : مو اكول ما يجي من يمج بس المصايب
ليا : اعجبج بعدين تعالن منين ادفعن سنه ليكدام ؟؟
حُذام : بكت ذهب ايمان وذهب عرسي
ليا : عرسج ؟؟
حُذام : اي
كعدت اسولف الها كلشي مريت بي من يوم تركة الدراسه الهذا اليوم جانت صافنه عليه حتى ما ترمش
حُذام : وعاشو عيشه تعيسه
ليا : راح اسئلج سؤال واحد من باب الفضول
أنت تقرأ
ما وراء الأبواب
General Fictionما وراء الابواب يا ترى ؟! خلف كُل بابّ حكايةّ لا يعلمَ بها أحد غيرهم ولكن حان الوقت لنكشفُ ما وراء الابواب ...
