ما وراء الأبواب

part_19_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

ما معقولة هيچ يصير
ولا مِستوعب الشِفته
إحساس الگلبه ينجر مِنه جَربته؟
واگلك شي؟
لو ما إنتَ كل هالوجع ما عِشته.

~~~~~~~~~~~~~~~~~~~
حُذام

حسام : احجي اسمعج

رفعت عيوني ركزت بعيونه
حُذام : اني متعرضة للاغتصــ ـاب

فتح عيونه على وسعهن وخزرني
حسام : شنووو

توترت حيل من تصرفه بجيت متحملت
صعب الموقف والله العظيم صعب

شكد صعبه من تنتهي الكلمات
وتكتفي دموعك تشرح البداخلك

جريت حسرة وحجيت
حُذام : والله حسام وروح امي جنت صغيره وصار غصب عني حسام والله مالي ذنب لا تحكم عليه أنتَ هم بسبب ذنب مو ذنبي

فرك وجهه وكعد بالكاع روحه رايحه خفت يتخربط دنكت قريب من عنده 

حُذام : حسام انتَ زين فدوه لا تخوفني عليك

رفع راسه ركز عيونه بعيوني عيونه حمر نزلت دموعه نصدمة حسام يبجي مو معقولة حسام يبجي بسببي

متحملت كعدت مقابيلة وصرت اشهك ويا ما اعرف ليش اجاني احساس راح اخسره هاي هيه راح يروح مني حتى حسام راح يعوفني مثل امي

حسام : هديتي حيلي والكفل زينب

حُذام : والله مالي ذنب وداعتك عندي وتعرفني ما احلف بيك جذب حسام كلهم جذبوني وخذلوني لا تصير مثلهم ابوس أيدك

جرني وكعت بحضنه حضني حيل مثل واحد وجاي يودع محبوبته الوداع الأخير بادلتة الحضن هل مرة اني جنت محتاجة حضنه

ذب حسرة
حسام : والله وبالله وتالله اذا ما طلعت حقج من عيونهم هذا  شاربي ازينه بالقندرة والبس شيلة واكعد بين النسوان

رفعت راسي من حضنه شهكت
حُذام : لا يأذوك حسام عوفني ما افيدك

كلتها وغصيت بالبجي
حسام : بيهم خير خل يسوها وحك كل دمعه طاحت من عينج بسببهم اطلعها اضعاف منهم وحك كل صرخه طلعت منج ارجعها الهم اضعاف اضعافها

ومره ثانيه اذا سمعت دكولين عوفني وما افيدك راسج اكسره افتهمتي انتي الحسام وبسس

حضنته حيل حسام جان مو شخص عابر بحياتي لا لا حسام مصدر قوتي حسام مصدر صبري ايام وايام اشكيله من ظلم مرت خالي ويكعد يخفف عليه ويتحملني ويسمع مني

يامه ويامه اجي يمه مكسورة خاطر ويرجعني مثل الفراشه الطايرة ماكو على كلبها هم
كلماته حنيته خوفه نظراته حبه