#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
نكبر وننسه
وكبرنه ومانسينه
تالي حتى اهل المثل ضحكو علينه
~~~~~~~~~~~~~~~~~~~
اخذتنه المعاونه دخلتنه بمكتب المديره وهاي استلمتنه ترزل بينه بقيت ساكته كلت عيب اجاوب تبقى اصخم مني اكبر
شوي ودخلو ابو سالي واخوها وراهم اخواني فرحت من شفتهم دخلو بزيهم العسكري وهيبتهم حتى حسام وسلام جاين بملابسهم العسكريه
مبين جاين من الدوام كبل هنا أسر من شافني فتح عيونه على وسعهن اجا يركض عليه لزمني من وجهي
أسر : شبي وجهج منو سوا بيج هيج
ليا بهمس : اني زين دشوف هذيج اسويتلك بيها
ابو سالي : بنتي شبيج بابا ليش هيج وجهج وشعررج
سالي ببجي : بابا شوف ايدي شووف
وخرت الكلينس ايدها مورمه زركه يا هاي اني شوكت هيج سويتها ما حاسه بنفسي يلا تستاهل
ابو سالي : هاااااااي شنووو
سالي : هاي الجلبه عضتني بابا
ليا : لج احترمي نفسج انتي الجلبه لا والله اضلم الجلب اذا اشبهه بيج
اخو سالي : انتي شنو هذا السانج ما عندج تربيه
ليا : عفت التربيه الك والاختك المنحطه
سالم خزرها : لياااا
حجيت بهضم
ليا : لا ليا ولا شي هاي الادبسزز كل ما تشوفني تشمر عليه كلام ودكول ابوج همجي ابوج سكير ابوج يكتل اخوانج ويكتلج واني اسكت بس اليوم زودتها اجت تحجي عليّ كدام كل الطالبات اني ما تحملت هجمت وكتلتها واذا نعاد الموقف وهم حجت عليّ وابو الحسنين هم ارجع اكتلها بس هل مره خلاص واشرب من دمها الحيوانه
حسام : تستاهل الكتله جا
ابو سالي : صدك هذا الكلام بابا سالي
ليا : شنوو صدك مجذبه عليك المهم تفصلوني ما تفصلوني ميهمني طزززز بالمدرسه ( أشرت على سالي ) وبالشكولات هاي اودعناكم
طلعت كدامهم اركص واصفك
ليا : يا فارس بدر ياحيدر
الحبك ما خسر ياحيدر
كلها صفنت عليها وعلى وكاحتها
حسام بهمس : خرب عرضج على اخوج طالعه وكحه ههههه
أسر : شوف سالم يريد يضحك وكوه ساكت
سلام : هذا الثكيل مالتنه عود
التفت علينه خزرنه نسكت
سالم : انه اعتذر على تصرفات ليا عيني بعدها طفله ومن سمعت هيج من البنيه ما تحملت تسكت
أنت تقرأ
ما وراء الأبواب
General Fictionما وراء الابواب يا ترى ؟! خلف كُل بابّ حكايةّ لا يعلمَ بها أحد غيرهم ولكن حان الوقت لنكشفُ ما وراء الابواب ...
