ما وراء الأبواب

مشهد

#ما وراء الأبواب
الكاتبه: زهراء الهاشمي

مشهد 1

: بابا بس اسمع اسمعني فدوه والله ما مسويه شي والله

: نفس ما اسمع هاج جاي يدك جاوبي

: بابا والله ما اعرفه والعباس ما اعرفه ليش مااا اصدكني

امي تجر بأيده تريده يوخر
بس هوا كل شوي يدفعها

: ما تعرفي ويتصل عليج بنص الليل تردين تنزلين راسي انتي بنت النعاااال

شال الجهاز ركعه بالحايط تفلش واجا جرني من شعري  وشمرني بالغرفه وراح سحب السلاح واجا جر المخده وخلاها على راسي وخل السلاح فوكاها اختنكت

وهوا مخلي المخده على وجهي وموجه السلاح عليه سمعت امي واخوي يجرون بي

بخوف : يابه عوفها راح تموت ابوس ايدك عوفها

: وخرر مني لك عار اختك جابت النا العار وانت ادافع الهاااا

: يابه صغيره ما تفتهم عوفها ابوس ايدك  راح تختنك

: ولك يا صغيره جنها هايشه كاعده على كلبي

: يابه بس وخر المخده راح تمووووت

: عوفني انعل ابوكم لابو الخلفكم بزره سكط وعارات

وخر من عندي جريت النفس اكح وابجي راح بالاستقبال يحجي ويصيح اجت امي يمي تكومني

ما احس بس رجع ودفرني على خاصرتي
حسيت روحي راحت

: عوفيها مثل الحيوان لحد يتقرررب من عدها اطلعو برا كلكمممم

طلعهم بالباب ورجع رفعني من شعري وصار يدك راسي بالكنتور حيل حسيت راسي تفلش

ما حسيت غير بحرارة نزلت على عيوني عرفت دم وما عافني الحد ما اغمى عليه وما حسيت بشي بعد...

___________________

المشهد 2

عفتهم وركضت بسرعه للكراج جريت جلكان النفط لزمت القبق اريد افتحه واذبه على نفسي ركض وراي رائد وكف كبالي

: تخبلتيييي تردين تموووتين ولج شمسسسس

: والعباس  احرك نفسي عوفنيييييي

: هاي هيه يجرالج التردي بس عوفي الجلكان

: تجذب عليه

: والحسين الشهيد هاي هيه التردي يصير بس عوفي الجلكان شمسسس

: دعوفها خل تحرك نفسها وتموت نخلص منها عار مثل امها

: يممممه مو وكتتتت كلامججج

كلماتها كسرت كلبي حسيت نفسي صدك عله على كلبهم فتحت قبق الجلكان وصرت اطشه على نفسي

ما اسمع للصياح ولا الكلامهم شمرت الجلكان وشغلت الجداحه  بيدي لازمتها

_______________

مشهد 3

-امج واخوج استشهدو راحو الدار حقهم

الخبر جان مثل الصاعقة نزل عليّ جمدت بمكاني ما اعرف شنو اصرف شنو إستشهدو شنو راحو الدار حقهم

التفتت عليها
: شنو شلون

-وهمه بالسوك صار انفجار وماتو اثنينهم

سمعت صرخت بيبيتي زرفة طبلة أذاني وهيه تصرخ
-يمه هديل كومي هاي النومه مو الج  بعدج صغيرة ولج يمه كووومي فروخج منو الهمممم

وصوت خالتي مفرفح
-يمه راحت اختي ولج يمممه اختي راحتتتتت  ما شافت شي من حياتها بعدها صغيرة راحتتتتت راحتتتت

صارت تلطم على وجهه بشكل مرعب ركضن النسوان عليها جرنها روحها رايحه

بقيت واكفه بمكاني احس جمد الدم برجليه اريد احركها ما اكدر مشتني خالت امي للتابوت وكفت يم راسها

وكعت على ركبي دفعت التابوت جانت متغطيه بطانيه وخرتها واشوف وجه امي اصفر والشفه زركه وجها شاحب

صرخة صرخه طلعت من أعماق كلبي
: يممممممممه ولج يممممممه كوووومي شنو نايمه هنااااا يمه اكعدي ابوس ايدج اكعدي

لا لا لا لاتعرفيني انتي هم لا يمه لا  لاا كومي فدوه اروحلج كومه لا لا يمه لا تعوفيني لا لااااااااااا

ابوس بأيدها وابجي اروح ابوس راسها شعرها وجها
: يمه نور عيوني اكعدي حبيبتي يلا خل نرجع البيتنه ما نريد ملابس عيد ما نريد يمه

بس ارجعي ألنا ولج يمه لا تفرفحين كلبي اكعدي ابوس ايدج يمه اكعدي لا ربي لا تاخذها مني ربييييييييي بس امي  بقتلي لا لااااااااا

حسابي على الانستا للتواصل