#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
شويـة وجهك لا تديرة
هو بس هالواحد انت !
وفرگة الواحد چبيرة ..
~~~~~~~~~~~~~~~~~~~
عاكد حاجبة ويباوعلي بشك
أسر : هذا رقم باهر شكو يتصل عليج
خفت من كال هيج بس اذكرت هو رقم ممسجلة أسمه مشيت طبيعي وخليت الاستكاين على الميز رحت كعدت سويت نفسي اكل وممهتمه حجيت
ليا : شمدريني التلفون بيدك ورقم جاي يدك حتى ما مسجلة أسم جاوب وشوف
فتح خط وفتح سبيكر
أسر : الووو
شوي واجا صوت بنيه
-الوو هذا مو رقم ليا
باوعلي أسر مستغرب وبصفه حسام
أسر : اي تفضلي منووو
نور : اني نور زوجة اخو باهر
بسرعه أسر شمر الجهاز عليه ويأشر هاج احجي اخذت الجهاز وحجيت والسبيكر بعده مفتوح
ليا : هلو حبيبتي نور شلونج
نور : هلو بيج ليلو الحمد الله انتي شلونج
ليا : الحمد لله حبي
نور : اسفه خاف سببتلج ازعاج بس ما جان عندي رصيد واتصلت عليج من تلفون باهر
ليا : لا حبيبتي عادي بس لان رقم ما اعرفه ابن عمي جاوب
نور : هاا اي صح حقج انه اتصلت بس علمود اتعلميني طريقة الكيكة لان جنى كالت تسوين كيك طيب
ليا : اي بعيني اكتبلج الوصفه وادزها على الواتساب
نور : عاشت ايدج حبيبتي اخذي راحتج واسفه مره ثانيه على الازعاج
ليا : لا حبيبتي هلا بيج بكل وقت
نور : مع السلامة
ليا : الله وياج حبيبتي
أسر : طاح حظك باهر على هاي السالفة
حسام : واحنا شلنة غيبت الولد طاح حظك سالم
ليا : سالم شعلي
حسام : ما ادري المهم طاح حظه يلا اني اروح عندي شغل مهم
أسر : هوواي صاير تطلع وعندك شغل مهم شكوو شضام علينه
حسام : شبيك أسر قابل شعندي واضم
أسر : أسئل نفسك المهم حسام العباس عليك الخاطر امك وسالم اكعد ولا اسوي مصيبه ترا كافي المصايب العليهم
حسام : مع السلامة
أسر : مو صوجك صوجي احجي ويا جحش مثلك يا عار
ليا : قابل شعنده شبيك ويا أسر
أسر : اخوج واعرفه عارر ما يكعد اذا ما يسوي مشاكل
أنت تقرأ
ما وراء الأبواب
Ficción Generalما وراء الابواب يا ترى ؟! خلف كُل بابّ حكايةّ لا يعلمَ بها أحد غيرهم ولكن حان الوقت لنكشفُ ما وراء الابواب ...
