#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
المواسم الأربعة
خليتهن للناس
اني بحُضنك أدفه ،
بهجرك أستبرد .
~~~~~~~~~~~~~~~~~~~
شمس
كاعدة ارجف وبصفي عمتي تبجي تريد تطلع وراهم تشوف شكو لازمتها ليا ما تقبل تطلع يمكن تعرف منو برا
راحت جابت تلفونها واجت
ليا : كومن نروح الغرفة الانتظار احسن ما كاعدين هنا
ناز : ما اروح اريد اشوف ولدي وين صارو
ليا : يمه الخاطر الحسين وين راحو يعنى همه بالباب واكفين امشي ولا تعبيني فدوه اروحلج خالة عمه يلا فدوه اخذن امي وامشن
ام أسر : كومي خية لا تخافين ان شاء الله ماكو شي الحسين يحفظهم
سما : كومي ناز لا تفاولين عليهم
التفتت علية اجت كومتني
ليا : يلا شمس انتي هم لا تخافين ماكو شي والله هسه يجون
شمس: صار صوت رمي شكو برا
ليا : ماكو شي تلكيهم جماعة سالم يرمون ما تعرفيهم ملطلطين يلا حبيبتي امشي قمر جيبي نجم وتعاي
قمر : اي اجيت
اجت قمر بحضنها نجم يمشون وياي وليا ويانه تهداء بأمها وتمشي كعدنه بالغرفة وهيه بقت واكفة بالباب وكل شوي تتصل بس محد يجاوب عليها
تبين هيه ما مهتمه وعادي عدها بس مبين من وجهه القلق والخوف على اخوانها كمت تقربة منها ابتسمت بوجهي
شمس : اعرف جاي اجذبين على امج ومو جماعة سالم رمو احجي ليا شكو شصاير
ليا بخوف : والله شمس ما اعرف واذا هسه اطلع لو امي تطلع برا القاعة سالم يحرك القاعة على راسي من هيج جبتكم هنا وهسه جاي اتصل عليهم محد يجاوب
شمس : ان شاء الله ماكو شي
ليا : ان شاء الله
رجعت كعدت بمكاني مرة نص ساعة وهمه ماكو
ليا : رايحة للحمام شوي واجي لحد تطلع يمممه ما اوصيج بعد
سما : روحي خالة يمي
طلعت ليا تقربة قمر مني
قمر : جنطتي بقت برا اروح اجيبها واجي ما أتأخر والله
شمس: نجبي واكعدي مطلعين ما سمعتي ليا شكالت لحد تطلع
قمر : ركض والله حتى التلفون بيها لا يبوكوها حبابة شمسسس
شمس: اووف روحي بسرعة وارجعي قمرر
قمر : ركض والله
طلعت وبالي يمها كون ترجع قبل ليا ما احس بس انفتح الباب ودخلت ليا وسالم راحت ام سالم حضنت ابنها وتبجي علية خطية
أنت تقرأ
ما وراء الأبواب
General Fictionما وراء الابواب يا ترى ؟! خلف كُل بابّ حكايةّ لا يعلمَ بها أحد غيرهم ولكن حان الوقت لنكشفُ ما وراء الابواب ...
