ما وراء الأبواب

part_28_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

لهَسة صَوَابٌ زعلك حَارّ بَيْنَه
‏وطبيب الطَّيِّب السُّلّ حَارّ بَيْنَه
‏عفتنة و إِحَنًا لِأَجْلِك حاربينة
‏أهلنا وَلَا كَلّت فَشَله وَخَطَيه

‏وبچتف مَخْلُوع وأنتَ طارحتني
‏أمس وأيدك بسدية طارحتني
‏ياريت أُمِّي بِشَهْرِهَا طارحتني
‏ولا أَعِيش وأشوفك خُنْت بيّ صَدَى صَوْتَك

~~~~~~~~~~~~~~~~~~~
حُذام

بسرعه عطت من مكاني
حُذام : لااااا موافقه خالو بس عوف حوراء

ايمان : حُذام وافقة تكدرون تجون باجر علمود العقد

ناصر : صدك تحجين عمه باجر ان شاء الله احنا يمكم

ايمان : هههههه مية هلا بيكم حـبيبي

غلقتة من عنده وتباوعلي بشماته تفل خالي علية وطلع اجت حوراء كومتني من الكاع صعدتني فوك عفتها ودخلت للحمام رحت كعدت جوا الدوش اني وملابسي

حُذام : اي ابجي ابجي خلصتي عمرج بس تبجين حتى الرجال الحبيتي هسه راح من ايدج كسررررتي وعفتي ربي اخذ روحي وخلصني اختبارررك صعب والله صعب واني ما عندي صبرررر بعدددد خلص صبررري يالله

سحبت رجليه الحضني وصرت اشهك بالبجي ورده وحوراء يدكن بالباب كمت نزعت ملابسي وسبحت جريت المنشفه لفتيها على جسمي وطلعت

جانن واكفات ومبين الخوف بوجهن
حُذام : شبيجن

ورده : ها ما بينه شي اجيبلج ملابس

حُذام : لا

عفتهن ومشيت دخلت للغرفة طلعت ملابس بدلت وتمددت بمكاني بقن يباوعن وساكتات عطت بيهن

حُذام : طفن النعال خل انطمرر لا كعدت كون

حوراء : اي اي

طفن الضوى وطلعن صفنت على حياتي الصايرة فلم ما اعرف هذا حضي من خلفتني امي لو اني فكر وجاي يصير وياي هيج شمعنى من دون البنات اني هيج حياتي بديتها من عمر عشر سنوات الحد عمر عشرين اني ما مفتهمه شي من عمري

نمت وتمنيت ما اكعد بعد بس للاسف
هذا حلم مستحيل تحقيقة

كعدتني الصبح حوراء واكفه فوك راسي تبجي
حُذام : شبيج تونين فوك راسي ميتتته وجاي تونيننن 

حوراء : ايمان دكول خل تحظر نفسها راح يجون بالوحدة يعقدون

حُذام : ما شاء الله مستعجلة مرت خالج

سكتت تبجي عفتها وكمت غسلت وجهي ونزلت جوا رحت للمطبخ سويتلي لفة جبن واستكان جاي طلعت برا بالكراج كعدت على الدجه