#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
يَحترگ گلبي ويَوزني أعلىٰ الرَحيل
وبَس يجي المَغرب والمصَخم بَرد
~~~~~~~~~~~~~~~~~~~
ليا
ما احس بس فزيت على عياط رفعت راسي الغرفة ظلمة طفرت شغلت الضوه ونزلت اركض جوا واشوف امي واكفه بصف الدرج تبجي مفرفحه
وسالم لازم حسام و وجهه كله دم
سالم : شعندك رايح يمهممممممم جم مره كتلكك يا زمال يا نعال عوفهممم خل يولووون انت لشوكت تبقى هيجججج عارررر
حسام دفع سالم راد يوكع مبين دايخ ركض سلام لزم حسام
حسام : والحسين الشهيد مالي علاقه بيهم ليش مصدكني جنت رايح اني ومحمد نشوف جماعتنة كال نسلم عليهم شوي ونرجع
سالم : حلووو الحد هنا الحجي حلووو رحت الجماعتك بعدين شصارررر شجاب رضاا يمك ؟؟
حسام : دخلنه سلمنه ما طولنه يمهم طلعنه بسرعه بعدنه بالباب واكفين نسلم وفاتوو ولد عمك الشفيه صاح العار رضا عليه
سكت حسام وفرك راسه حيل
سالم : شكال احجي كملللل ؟؟
حسام : كال كدامهم ها ابن الكردية الغريبة شعندك هنا اني جنت مركز ويا الولد التفتت واشوفه واكف يضحك وصوته عالي من حجه هيج ما تحملت رحت وضربته بوكس على وجهه
صفك أيد بأيد وعاط
سالم : عفيييه بطلل ارتاحيت من ضربته أستاذ حسام ؟
حسام : شبيك سالم شتريد اسمعه يحجي على امي واسكتتتتتت عار مكرررررن حتى اسكتتتتتت
سالم : انه كتلك اسكتتتتتتت احجي ويا رزله بس مو تضربه كدامهم وتفتح راسه جان اجيت هنا وسولفتلي جان اتصلت بيه اجي واتفاهم ويااا مو تضربه شوف حالك شوف وجهك التارسه الدم
سلام : صلو على النبي سالم صوتنه عالي وبعدين انت تعرف كلش زين حسام عصبي وما اتحمل يسمع كلام بحق امي ويسكت وهم مو صوج حسام صوج رضا العار شلون هيج يحجي كدام العالم اني لو بمكن حسام اسوي مثله وأزيدد
سالم : يا صبررررر أيووب ليش اخوك شبقى بي ولك منتهي الولد طلعو من جوا حسام خلصان يجر النفس كوه وفوك هذا كله ضاربه بالبطل الكزاز براسه فاتح راس الولدددد هسه شراح يخلصها ويا عمامك انه اشوكت الله ياخذ روحي واخلصصصصص
عافنه وراح طلع عصبي ركضت على حسام كعد بالكاع عينه جواها ازرك وحاجبه من فوك مجروح رحت جبتله بلاستر وديتول وكطن رجعت للصالة لكيت بحر وسلام كاعدين بصفه وامي تلطم على رجلها
بحر : جيبي ليا
انطيتهن اله وبقيت واكفه فوك راسهم خايفة أيدي ترجف
أنت تقرأ
ما وراء الأبواب
General Fictionما وراء الابواب يا ترى ؟! خلف كُل بابّ حكايةّ لا يعلمَ بها أحد غيرهم ولكن حان الوقت لنكشفُ ما وراء الابواب ...
