ما وراء الأبواب

part_35_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

سالم يكول

"يَبعد رموُش عَينيّ
وُجفني والعَين وصبَيها
ونَضَرها وذيِچ الأحَلام"

~~~~~~~~~~~~~~~~~~~

صعدت الدرج على كيف ما اكدر اركض من ورا بطني وصلت الغرفة ليا دخلت وعساني لا دخلت

ليا كاعده بالكاع تبجي وكدامها البزونه
بالكاع كلها دم ومكطوع راسها

بس شفتها لعبة نفسي صرت
أتقياء بالكاع ما تحملت

بسام : شجاج شمس هاج مي غسلي وديري وجهج لا تباوعين عليها

غمضت عيوني وكمت رحت للحمام كوه امشي
منظرها ما جاي يروح من بالي هاي منو سوا هيج بيها

غسلت وجهي وطلعت اخذت وصلة المسح رحت مسحت الكاع التقيائة عليها ليا على فد صرخة وما تقبل دكوم من مكانها

ليا : ليششششش كلشي احبه يرووووح مني ليشششش ليشششش

سالم : حبيبتي اجيبلج غيرها والله بس لا اصيحين صوتج بلاعيمج لا اطك

حسام : عوفيها تولي هاي اخذج العصر ونختار وحده احلى منها شدكولين

ما تجاوبهم وعلى كعدتها كاعده مقابيل البزونه تقرب وسام يريد يشيلها عاطت بي

ليا : عوووووفها لا تشيلهاااا نايمه لا تفز وخر

بقو يباوعون عليها بحيره حتى اني
استغربة ردت فعلها جانت حيل قوية
مع العلم البزونه مصار الها عشرة ايام
عدنه شبسرعة تعلقة بيها

ناز : يمه لياا شبيج شجاج تخبلتي ماتت خل ياخذونها يشمروها شكو مبقيتها بالغرفة

ما اجاوب عينها بس بالبزونه ما كدرو  يعوفوها هيج سالم حضنها هو وحسام و وسام شال البزونه وطلع هيه شافته شالها لو تخبلت كلبة البيت كلاب بالصراخ

ما سكتت الحد ما تقرب منها بحر وضربها
إبرة بالوريد يمكن رجع يضربها مهداء

شوي وهدأت نامت على صدر سالم حضنها وشالها خلاها على الجرباية ما اعرف هاي البنية ليش ما عدها حظ بهل دنيا كل ما نكول تحسنت حالتها شوي يصير شي يرجعها النقطة الصفر

غطاها سالم وطفى الضوه طلعنه كلنه من الغرفة ردت انزل الدرج ما احس بس افترت بيه الدنيا لو ما لازمني سالم جان وكعت على وجهي من الدرج 

سالم : الله الله شمس انتبهي همزين ما وكعتي شبيج بابا

شمس : دخت

حسام : يمكن هبط ضغطها

ناز : سودة علية يمه شجاج انتي الثانيه