ما وراء الأبواب

part_22_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

عندما قبَل خدي لأول مره
شعرتُ أن الفراشات تتطاير منهُ
كانت عينايِ تلمع لك وابتسامتي
لم تُفارق وجهي، وعطرهُ لا يزال
على خدي أي قبله كانت تلك؟

~~~~~~~~~~~~~~~~~~~

جاي نحجي وما اسمع بس صوت نجم يصرخ وسكت بابا عاط ما اشوف نفسي بس ركضت ما اعرف شلون نزلت الدرج

ما اشوف بس نجم راسه كله دم كلبي اجا يوكف ركضت عليه اريد الزمة بس يصرخ

كرار : ولك بابا بس اهداء خل اشوف راسك

رائد : شو جيبه

جرا رائد واخذه للمغسلة غسل وجهة وراسة
رائد : شو باوعلي بس خل اشوفة ابن السكط

سودة علية بس يبجي ما سكت وكصته مزروفة مدري منو ضاربة رحت اخذته من أيد رائد

شمس: جيبة عمو اني اغسلة

جنات : دسكتي والله ثولنه بس يبجي

رائد : يطبج مرض امشي ولي المهجومج

جنات : ما تحجي ليش ساكت مشوف اخوك شلون يحجي وياي

كرار : امشي الغرفتج واسكتي

جنات : تحجي صدك انتَ

جرها ابوي واخذها دخلها الغرفتهم امداني اذا هذا أب رائد اخذ نجم وراح كعد بالاستقبال عقم الجرح ولصق عليه لاصقة جروح

سوده عليه وجهة اصفر اخذته وصعدت نومته بحضني دخلت قمر تفشر وتغلط مفرفحة

شمس: شبيج شكو

قمر : هذا العار ابن اركان فاشخة الخايس ادري بي هاي اخته نور العار دازته والله اذا ما شكيت راسها ما يطلع اسمي قمر

شمس: اكلي تبن ونجبي مسوين أي شي ولا اطخي تلكيهم يلعبون وضربه بلا قصد طفي الضوى وتعاي نامي يلاا

طفت الضوى واجت نامت بس ادري بيها ما ترتاح الحد ما اسويلها فد مصيبه اختي واعرفها

نمت بصف نجم سكت بس بعده يشهك حبيبي مو اني ادري بحضي ما ادوملي الفرحة ابد غمضت عيوني ونمت

قمر : يلا يمعودة دكعدي

شمس: شكو

قمر : الساعة بالعشرة صارت وانتي نايمة جنات ومرت عمج على ساعة يصعدن يملخنج تملخ احمدي ربج رائد هنا يخافن يتقربن

شمس: شعجب يخافن من رائد

قمر : مو السواد عيونج كبدي بس رائد نبه محد يطخج خاف تحجين السالم ورائد يفشل منه

شمس: هااااااا

قمر : وجعاااا كومي يلا ما بقى شي العرسج بس ثلاث ايام هلا هلا