ما وراء الأبواب

part_42_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

هلي كل وجع گلبي منكم
هلي لو بيدي اتبره منكم 💔.

~~~~~~~~~~~~~~~~~~~

اكمز بالشارع فرحانة مستلمة النتيجة ناجحه
دخلت للبيت اركض اريد اشوفهم درجتي
شمرت جنطتي بالمطبخ وركضت
فتحت باب غرفة اهلي

شيار : بابا شووووف اخذ.....

قطعت كلامي مصدومة من المنظر الكدامي
امي نايمة ويا ابن جوارينة بلا ملابس

امي : شياااار اطلعيييييي بررررررا

فزيت على صوتها وطلعت برا الغرفة اركض
والنتيجة بعدها بأيدي فتحت باب الشارع
وطلعت اركض ما اشوف روحي بس طرت
و وكعت بالكاع على وجهي

صار غواش على عيني وناس فوك راسي
تحجي حجيت اخر شي وفقدت
شيار : بابا ..

-فتحت عيوني ضوى قوي صار عليهن همست
شيار : بـ بـابا

-دكتور دكتور صحت البنية

-شو اشوف بابا اسمعيني

اسمعة بس ما اكدر افتح عيوني
شيار : اريد بابا

-افتحي عيونج على كيف

صرت افتح عيوني واسدهن صارت واضحة عندي الروئية جان واحد واكف وبصفه بنية همست
شيار : بابا وين

-موجود برا حبيبتي .. الحمد الله ما بيهن شي عيونها اكتبي بالتقرير ابنيتي

-صار دكتور

-انطيها الأبرة وابقي راقبي وضعها

-ان شاء الله دكتور

عافني وطلع والبنية اجت ضربتني أبرة بالكانونة
-عندج العافية حبيبتي

شيار : اهلي وين

-منتظرين برا هسه راح اصيحهم الج

هزيت راسي وهية طلعت شوي ودخل بابا
على كرسي متحرك ويدفعة اخوية عمر
اجا بابا تقرب يمي ولزم ايدي

محمد : شيار بنتي حبيبتي شلون صرتي باباتي

دمعة عيوني واني اشوفة بهل حالة ابوي مقعد
شيار : بابا

محمد : روح ابوج لا تبجين يوجعج شي اصيح الدكتور يجي يشوفج

هزيت راسي بـ لا
محمد : عجل عش تبجين

شيار : اريد ارجع للبيت

عمر : ما يصير كال الدكتور باجر تطلعين

درت وجهي عنة ما طايقته لا هو ولا أمة
محمد : باجر نرجع حبيبتي لا تخافين اني يمج

بقيت لازمة أيدة حيل ما اريده يعوفني
ابوي الشخص الوحيد النظيف بهاي العائلة
بس للأسف هو مقعد