ما وراء الأبواب

Part_1_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

بخير تگول بس العبره خنكتها
تضحك والحزن بين بضحكتها !
~~~~~~~~~~~~~~~~~~~~~~~

صافنه على الساعه شلون يتحرك عقرب الساعه الصوت يدك براسي واني مستمره صافنه عليها

ضحكت وصارت ضحكتي تتعالى شوي شوي الدنيا الليل وصوت ضحكتي عالي  حسيت نفسي مخبله رسمياً وفعلاً اني مخبله ليش همه خلو عقل براسي

كل شوي اعض بأصبعي وتجي أبالي فكره الانتحار اي ليش لا اموت واخلص نار جهنم ولا هل عيشه ليش الجاي اعيشه هم تسمى عيشه هااااي
عزيز روحي ومات المن بعد عايشه

نزلت دمعتي يارب ساعدني ما عندي غيرك يارب انت مو اقرب النا من حبل الوريد جا ليش هيج عايفنه يارب اعرف انت ويانه وتشوف كلشي يارب ساعدني ماعندي غيرك يارب العالمين

ادعي واعض بأصبعي وابجي من كُل كلبي بعدها سكتت صفنت ورحعت طكيتها بضحكه عاليه

هزيت ايدي على سوالفي جريت الجهاز
من الشحن ورحت للبحث كتبت
علاج اللاشخاص الذين يكتمون

صار يطلعلي هواي كتابات صرت
اقراء واقراء هواي بيهن

علاج الكبت النفسي؟ · تقرَّب إلى ذاتك، فهي أصدق وأوفى مخلوق في حياتك؛ لذا امنحها اهتمامك وشغفك ووقتك، وأنصِت إلى آلامها، وكن صادقاً في حوارك معها.

عندما يكتم الشخص غضبه وحزنه وآلامه وانفعالاته تجتمع لديه ضغوط كثيرة ولا يعود قادرًا حتى على التعبير عن نفسه، فبالتالي يكون أكثر عرضة للعنف والعصبية بشكل دائم ودون مبرر واضح للآخرين

للعواطف طاقة تدفعها إلى التعبير، وكبحها يتطلب قوة وطاقة مضادة نفسية وبدنية، ما يبرر ما يرافق كتم المشاعر من انقباض وشد عضلي وثقل على الصدر وصعوبة في التنفس.

ويمكن لأعراض، مثل القلق والاكتئاب والكتمان أن تسبب ضغطاً على العقل والجسم، ما يؤدي إلى الشعور بالإرهاق وانخفاص الطاقة والإجهاد العاطفي

صار يطلعلي هواي كلام بقيت فوك الساعه اقراء ما كافي الامراض العندي نوب اجتني هاي الحاله
مسحت دموعي وقررت اني اعالج نفسي بنفسي من هل امراض

عدلت المخده وغمضت عيوني ورجعت بيه الذاكره الطفولتي !! هه طفولتي ..

-يلا ليا بسرعه البسي نعالج

ليا : اي سالم هسه ..
ركضت لبست انعالي واجيت
جان سالم واكف يسلم على بيبيتي

سالم : مشكور حجيه ما قصرتي .. يلا حبيبتي تعاي اصعدي